لندن 2015
 

السلام عليكم ورحمة الله وبركاته
ان شاء الله مسافر لندن لأول مره في 22 من شهر مايو وعددنا4 اثنين كبار واثنين اطفال اعمارهم خمس سنوات وثلاث سنوات ومحتاج مساعدتكم في كل شي كيف الاجواء بشهر مايو وش الأماكن التي تستحق الزياره واية افضل الفنادق ويكون سعرها معقول نوع ما وتكون امنه وقريبه من اماكن التسوق ارجو مساعدتكم ولكم مني جزيل الشكر

رد: لندن 2015
 

ارجو الرد كيفية استخراج الفيزا وش طلباتها وكم سعرها للشخص الواحد وكم من المدة تستغرق وشكرا

رد: لندن 2015
 

ابشر بسعدك يابومشعل

بس خلني القى فرصة وارد عليك بالتفصيل ونبيك توسع صدرك وتسمح لنا ان تأخرنا عليك بالرد

وانت بنفس الوقت اغتنم الفرصة وتسلى لك بكم موضوع عن لندن متأكد انك بتستفيد منها ان شاء الله

ولي رجعة قريبة بأذن الله

رد: لندن 2015
 

الفيزا عن طريق احد المكاتب ب 3000 ريال ل 4 اشخاص مبالغ فيه عن طريق موقعهم كلها ب 1935 هل فيه تعقيد بالسفاره لو سويتها عن طريق النت وش طلباتهم احس نه بالنت ارخص ما باقي لي غير الدفع بس سمعت يطلب حجز طيران وفنادق هل هذا صحيح

رد: لندن 2015
 

هلا وغلا بفارس الجبيل خذ راحتك يالغالي مستنيك وشكرا لك على تعاونك

رد: لندن 2015
 

السلام عليكم

صبحك الله بالخير يابومشعل
اذا سفرتك بشهر مايو يعني قريب بعد كم شهر تحتاج تبدا من الآن بترتيب امورك من سكن وحجز تذاكر والتقديم على الفيزا وسعرها ب 530 ريال الاطفال اذا من فوق 5 سنوات تحتاج احضاره للتبصيم في مركز التأشيرات
وهي بسيطة وبامكانك تقدمها بنفسك من النت مايحتاج تروح مكاتب
وهذه خطواتها
http://www.arabtrvl.com/vb/t1482.html

الجو في مايو ربيعي مائل للبرودة قليلا واحرص على تحميل برنامج الطقس للاستفادة منه في جوالك

السكن يعتمد على طابع رحلتك ان كانت للتسوق ام للأستجمام والتمشي زي بالقرب من شارع الاكسفورد او الاجول رود او جهة الكنزوي اسعارها معقولة نوعا ما وكذلك منطقة الكنزغتون وتشيلسي او الماي فير والبارك لين والنايسبريدج وهذه اسعارها عادة مرتفعه لكن عامة السكن بجانب حديقة الهايدبارك هو المفضل وكذلك بامكانك تحديد ماتريد من موقع بوكنق والاطلاع على الاسعار واختيار مايناسبك
http://www.booking.com/index.ar.html...5f47dbe;dcid=1

وصعب يابومشعل اقولك وش الاماكن التي تستحق الزيارة بشكل عام لانها كثيره ولندن كلها تستحق الزيارة لكن اقرا بعض المواضيع وخذ فكرة كاملة عن لندن وبعدها اذا فيه شي معين تريد الاستفسار عنه ابد لاتشيل هم وابشر به لكن لندن تتميز بحدائقها الجميلة والشهيره كالهايدبارك والريجنت بارك ومتحف مدام توسو ( الشمع ) وساعة بيغ بن في مبنى البرلمان ونهر التايمز وعجلة لندن اي وتشتهر بالتسوق مثل شارع الاكسفورد او النايسبريدج والسالون ستريت والبوند ستريت وبعض المجمعات الفخمة كالهارودز والسلفرج والكثير من الفعاليات في لندن هذه بعض الاماكن السياحية وسنرجع لها بالتفصيل بعدين انت خلك في البداية الحين بتجهيز اوراقك والتقديم على الفيزا يادوب تخلص ماعندك وقت كثير

وحاضرين باي استفسار او خدمة والله يحفظك ويوفقك

رد: لندن 2015
 

شكرا لك بس قد ايه الميزانية تقريبا للتسوق وللتماشي سمعت انه الأسعار مرتفعه هناك وهل مركز التاشيرات يطلب حجز طيران وفندق

رد: لندن 2015
 

ما عليك امر اديني كذا اسم فندق تنصحني فيه لو عندك رابط كذا فندق ارسله من فئة اربع نجوم ويكون قريب من الهايد بارك واماكن التسوق

رد: لندن 2015
 

معليش بتقدم على فارس الجبيل وبعطيك رايي
بخصوص الفيزا والتقديم عن طريق النت سهل وما يبي له شئ اشين شئ في سالفة هالفيزا الموعد والتبصيم تجلس تسحب عيالك عشان بصمه

بخصوص السكن
نصيحة محب ابعد عن شارع العرب ايدجول رود قد ماتقدر تراه اخيس منطقه كان له عز في السابق والان دج ولو بتسمع شوري لاتفكر تمره حتى

فيه فندق احب اسكن فيه مع ان غرفه تعتبر صغيره الا انه مقبول نظيف وانيق وقريب من الهايد بارك
Booking.com: ظپظ†ط¯ظ‚ ط¨ط³طھ ظˆط³طھط±ظ† ظ…ظˆط±ظ†ظٹظ†ط؛طھظˆظ† - ظ„ظ†ط¯ظ†, ط§ظ„ظ…ظ…ظ„ظƒط© ط§ظ„ظ…طھط­ط¯ط©
بالنسبه لي اشوف هالمنطقه حلوه للسكن والي مثلها وكل ماتقرب من شارع اكسفورد تغلا الاسعار وكل ماتنزل وتبعد ترخص
لكن المهم خلك قريب من شارع الهايد بارك عشان تكون قريب من موقف الباص ويكون خط سير الباص واحد وسهل تحفظه ويوصلك مباشره لشارع اكسفورد

بالنسبه للمعالم واماكن التمشيه زي ماقال لك كثيره
لكن انت اجلس واجمع كل المعالم والاماكن ثم حاول تشوف الي قريبين من بعض جمعهم في مجموعات ثم بعدين قسمهم على ايام ثم بعدين ابداء احذف اماكن الي تشوف انها ماتستاهل في شئ اهم منها

لندن فيها حدايق حلوه وفيها متاحف وفيها قهاوي عربيه وانجليزيه كل وحده لها ميزه وفيها اسواق وفيها احياء وشوارع
غير المدن المحيطه فيها

مع اني منيب من عشاق لندن لكنها تستاهل الزياره وتقدر تستمتع فيها نهار او ليل مع اني احبها في النهار وخاصه وقت العصر

رد: لندن 2015
 

السلام عليكم ما عليك امر ابي رايك بها الفندق رويال غاردن وفندق كمبرلاند ايهما افضل