شبكة و منتديات العرب المسافرون - رحلتي إلى بريطانية وبعض مناطقها

- اوروبا (https://www.arabtrvl.com/vb/f318.html)

- - رحلتي إلى بريطانية وبعض مناطقها (https://www.arabtrvl.com/vb/t4565.html)

رحلتي إلى بريطانية وبعض مناطقها

بسم الله الرحمن الرحيم

تفاصيل رحلتي الاقامة في لندن افضل مكان للسكن شارع اجور رود وشارع أكسفورد :

الفنادق انصح فندق ذاكمبرلاند وفندق ثيسل ماربل اتش وفندق هوليداي إن لندن أكسفورد ارتش وفندق أجنحة شافتسيري لندن ماربل ارتش.

الاماكن السياحية في لندن :

* مدام توسو وحديقة ريجينت ستريت يم بعض باص 18 يودي اول ماتخلصون من مدام توسو سألو عن حديقة ويدلونكم وداخل الحديقة فيه حديقة حيوانات

* حديقة هايد بارك باص 16 لما تركبون الباص عند كل محطة يقولون اسمها بس تسمعون هايد بارك تنزلون.

* لندن اي واكواريوم ورحلة بحرية ومتحف رعب يم بعض باص 246 .

* متحف الوطني لوحات الفنية باص 6 يكون بساحه طرف الاغر.

باص 6 يودي ساحة بيكادللي وشارع بيكادللي في متحف صدق او لاتصدق .

* استيديو هاري بوتر باص 16 يودي محطة فكتوريا يم المحطة في محطة ثانية تمشون مشي هناك تحجزون تذاكر حق الاستيديو والباص يوديكم يفضل قبل بيومين تحجزون .

* شارع اكسفورد المشهور للتسوق باص (6/16/98) وفيه سلفرج .

* مجمع ويست فيلد باص 414 تركبون الباص بس تسمعون محطة شبربوش تنزلون وراح تشوفون المجمع على يمينكم .

* هارووز باص 94 وهذا الشارع هم فيه محلات للتسوق.

* أوت لت (بستر فيلج) تركبون باص 18 يودي محطة مارليبون وتاخذون تذاكر ذهاب وعودة وتركبون القطار المده ساعه وبعد ماتوصلون فية باص يودي حق بستر فيلج دقيقتين .

* والمطاعم عندكم شارع اجور رود كل مطاعم العربية موجودة وعندكم مطعم بهشت ايراني تركبون باص 18 يوديكم اول ماتشوفون مطعم على ايدكم يمين تنزلون واايد حلو وديكوراته ثراث الايراني.

* وفيه مسجد اسلامي ليلة جمعه في دعاء كميل والاربعاء دعاء توسل وكل يوم صلاة جماعه.

رد: رحلتي إلى بريطانية وبعض مناطقها

* من لندن طلعت حق المناطق

Brignton منطقة برايتون

London Victoria *من لندن تاخذون باص 16 يودي محطة فيكتوريا

تحجزون تذاكر ذهاب وعودة نفس اليوم يفضل 5 ساعات تقعدون فيها اول ماتوصلون تزلون من المحطة تمشون لي اخر شي البحر وااايد حلو وفيه مدينة العاب علي بحر ومطاعم وفيه مجمع صغير انصحكم بس تروحون البحر وتقعدون الاجواء روووعة وبرده ترجعون حق محطتكم برايتون الى

London Victoria

Birmingham منطقة برمنيقهام

من لندن تاخذون باص 18 يوديكم الى محطة

London Euston

تحجزون تذاكر ذهاب وعوده نفس اليوم افضل مدة الرحله 5 ساعات

أماكن السياحية:

* مصنع الكاكاو كادبري اول ماتنزلون من محطة تسألون وين باص 64 تركبون الباص وتاخذون تذكره يوم كامل حجز بالباص وتنزلون عند لافته فيها باص وتسالون راعي الباص A 11 تنزلون من باص 64 وتركبون باص 11A

وتنزلون عند لافته C متى ننزل حق المصنع ويقولكم وبرده نفس الحركه باص 11

باص 64 وتركبونه ويردكم المحطة

ترجعون لندن Birmingham New street

Cardiffمنطقة كارديف

Paddington من لندن تركبون باص7 يودي محطة

تحجزون تذاكر ذهاب وعودة نفس اليوم مدة رحلة 6 او 7 ساعات

أماكن السياحية:

* فيها متاحف عن حياتهم وفيه قلعة وملعب كلهم يم بعض مايحتاج تاكسي من تنزلون المحطة تسألون ويدلونكم وفيها مطاعم حلال وترجعون الى لندن

Manchesterمنطقة مانشستر

London Euston من لندن باص 18 يودي محطة

المدة اربع ايام افضل السكن في قلب مانشستر انا سكنت في فندق ميركيور مانشستر بيكاديللي موقعه ممتاز فيه مطاعم حلال ومقابله مانشستر اي والحديقة والباصات ومحلات تسوق وبري مارك كلهم يصكرون ساعة 8 ليلا

أماكن السياحية:

*يوم الاول ذهاب الى نادي يوناتد ومجمع ترافورد نفس الباص يودي باص 250 او 50× تذكرة يوم كامل من سائق الباص يفضل من صباحا تبدي رحلتكم حق النادي ساعه 9 اول قروب وكل نص ساعه قروب يبيله ثلاث ساعات وبعدين مجمع ترافورد مقابل المجمع في اكواريوم وليقو فيه ممر متصل من المجمع الي جهة الثانية ويصكر ساعه 10 بليل

*يوم الثاني منطقه ليفربول يفضل من صباحا المدة 20 دقيقة بالقطار منطقة على بحر وطلعت منها سفينة تايتنك وفيها متحف تايتنك ومتحف ليفربول طبعا من تنزلون من محطة مشي لي اخر شي البحر ويمه المتاحف راح تمرون على محلات تسوق

يوم ثالث أوت لت شستر فليج ويمه حديقة الحيوان المدى 35 دقيقة أو ذهاب الى منطقة بلاك بول مدينة العاب على بحر

ورجوع الى لندن

Scotland منطقة اسكتلندا

London Euston من لندن باص 18 يودي محطة

نظيف جدا موقعة ممتاز Jurys Inn المدة ثلاث ايام اقامة في جيلاسكو فندق

أماكن السياحية::

* يفضل باص سياحي يمر عند كل اماكن السياحية القلعة ومتاحف.....

ذهاب صباحا وعودة بليل تسالون بجيلاسكو Edinburgh*يوم زيارة منطقة أدنبرة

عن محطة تودي حق أدنبرة كله مشي ماله داعي تكاسي كل شي قرييب وباص سياحي يودي كل مكان في أدنبرة منطقة جميلة وهادية جدا

رد: رحلتي إلى بريطانية وبعض مناطقها

يعطيكي العافيه اميره
لو كان فيه صور كان بيضيف الكثير :(89):

واتوقع وضع الارقام مخالف لقوانين المنتدى

فيه شركات ومواقع ومكاتب معروفه لحجز السيارات او الفنادق او الشقق ومضمونه

شكراً :(125):

رد: رحلتي إلى بريطانية وبعض مناطقها

سفرة وجولات ممتعة دام انها ببريطانيا
ياريت في صور وتفصيل لليوميات
وان شاءالله متابعين للتقرير

رد: رحلتي إلى بريطانية وبعض مناطقها

مجهود جبار تشكر عليه

وتحمست اني احجز لبرايتون وارجع بنفس اليوم

رد: رحلتي إلى بريطانية وبعض مناطقها

شكرا لك ( أميرة )

جهد أقدّره لك كثيرا .. وصف وااااضح ونصائح جميلة ..

رد: رحلتي إلى بريطانية وبعض مناطقها

يعطيك العافية خيتوو أميرة
بس لو كان في صور ليزيد التقرير جمال ومتعة [emoji4]

رد: رحلتي إلى بريطانية وبعض مناطقها

يعطيك العافية أميرة

وصف جميل و دقيق للمناطق

شكراً

* تذكير بالالتزام بشروط الاستخدام مثبتة بالاعلى و أسفل الصفحة الرئيسية

رد: رحلتي إلى بريطانية وبعض مناطقها

اقتباس:

المشاركة الأصلية كتبت بواسطة MOHANAD (المشاركة 78692)

يعطيكي العافيه اميره

لو كان فيه صور كان بيضيف الكثير :(89):

واتوقع وضع الارقام مخالف لقوانين المنتدى

فيه شركات ومواقع ومكاتب معروفه لحجز السيارات او الفنادق او الشقق ومضمونه

شكراً :(125):

مشكور اخوي وهاذي الارقام صحيحة وانا حبيت اساعد الناس لانه في ناس ماتعرف شركات او الطريقة تواصل

رد: رحلتي إلى بريطانية وبعض مناطقها

اقتباس:

المشاركة الأصلية كتبت بواسطة MOHANAD (المشاركة 78692)

يعطيكي العافيه اميره

لو كان فيه صور كان بيضيف الكثير :(89):

واتوقع وضع الارقام مخالف لقوانين المنتدى

فيه شركات ومواقع ومكاتب معروفه لحجز السيارات او الفنادق او الشقق ومضمونه

شكراً :(125):

اقتباس:

المشاركة الأصلية كتبت بواسطة alon travel (المشاركة 78817)

مجهود جبار تشكر عليه

وتحمست اني احجز لبرايتون وارجع بنفس اليوم

اي نعم انصحك زيارتها لو اربع ساعات البحر يشرح النفس