السلام عليكم

من ناحية مضمونه ان شاء الله انها مضمونه وانا مجرب ايربنب وهوم اوي الثالث ماجربته بس معروف ومايمنع انك تبحث شوي عن هالمواقع وتعرف طريقة اذا الموقع آمن او لا وفيها علامات تدل على الأمن الألكتروني

المبلغ لعدد 5 اشخاص تقريبا 200 باوند تزيد او تنقص قليلا

خذ معاك نصف المبلغ كاش والباقي خله في البطاقة وجميع الامور تمشي معاك بس حط في بالك ان كل عملية صرف من آلة سحب بيكون عليها شارج تقريباً 30 ريال لذلك اذا بتسحب اسحب مبالغ كبيرة لكذا يوم قدام احتياطاً

البطاقات الأئتمانية ممتازة وانا شخصياً استخدامي لها كثير ولم ارى منها اي مشاكل وتقدر تزيد اللمت مثلاً باي مبلغ انت تختاره يعني تزيد عليها فلوس وتستخدمها تفادياً لاحتساب الفائدة لو سحبت من مبلغ البطاقة المعتمد لديك



ابد حاضرين طال عمرك وبالخدمة وان خدمنا فنحن نخدم اخواننا ونرد لو جزء بسيط من افضال ناس كانوا ومازالوا قبلنا في هذا المنتدى

مانشيستر على حسب اذا بتطلع منها لاحد المدن القريبة فيكفيها 5 ايام او 4 ايام وعلى حسب كم يوم انت بتجلس في بريطانيا يعني عطها 30 % من مجموع ايام رحلتك وكفاية عليها جدا

انا ماانصحك بالسيارة ولاتفكر فيها ماشوف انك تحتاجها زيادة مصاريف والسواقة مختلفة عننا

شبكة مواصلات من ارقى الشبكات في العالم واستخدامها سهل وبسيط وغير مكلف

طبعا الحجز من النت قبل مدة من تاريخ السفر بيكون ارخص من شباك التذاكر اذا كانت الرحلة بنفس اليوم وحسب التوقيت لكن بامكانك تسوي زي مااسوي انا اول مااوصل واعرف مثلا تاريخ السفر الي بروح له امر المحطة واخذ التذاكر من الشباك وتكون بسعر جيد

واي شي مانت عارفه وحاب تسأل عنه لايردك الا كيبوردك ماعندك الا اخوانك