|
جدول مفصل لي 9 ايام تكفون ؟؟؟ تكفون ياجماعه ابي جدول حق 9 ايام واليوم العشر العوده هاذي اول مره اروح فيها لندن في سبتمبر ابغى ترتيب الجدول يكون حسب القرب جوله بالباص يوم واحد (بق باص ) واي لندن ومدام توسو وبستر فيلج وثورب بارك وحديقة الفواكه والأ ماكن الباقيه معروفه للكل مثل الهايد بارك ولاجوار رود والهارودز مع العلم انو انا ومعاي المدام وبنوته عمرها سنتين الله يحفظها وبسكن في لانكستر ان شاء الله |
رد: جدول مفصل لي 9 ايام تكفون ؟؟؟ ياهلا ومرحبا اخوي ربي يحفظج البنوته ويبارك فيها يارب ان شاء الله ابشر بالجدول بس لاتستعجل عليه خلينا نرتبه على راحتنا تحياتي |
رد: جدول مفصل لي 9 ايام تكفون ؟؟؟ اللهم امين ويحفظ لك عيالك يارب انتظرك اخوي البق باص خليته يومين طبعاً في البدايه اكيد |
رد: جدول مفصل لي 9 ايام تكفون ؟؟؟ اخوي (قطري ) مازلت انتظرك الرحله قربت ياخوي |
رد: جدول مفصل لي 9 ايام تكفون ؟؟؟ اقتباس:
اولا الله يمهل لكم ويسعدكم بلا حد ولا عد .... ثانيا - ثورب بارك و بيستر فيلج كل وحده تبي يوم تقريبا بقي لك 7 ايام ... ثالثا - الباص السياحي بتتمشى فيه يومين يصير بقي معك 5 ايام رابعا - مدام توسو ولندن آي يبي له يوم ( مدام توسو ياخذ تقريبا 4 ساعات ولاتفوتون عرض الـ 4D ) يجي من ضمن التذكرة وحلو مره وبتنبسط البنيه فيه بعد .. ولندن آي يمكن اللفة نص ساعه او اكثر شوي والسرا يبي له نص ساعه بعد تقريبا ... ولو بتجون مشي من مدام توسو ( الطريق باستمرار ساعة مشي تقريبا ) وتمرون بشارع اكسفور والبيكادلي ( تخلون الطريق ساعتين او اكثر مشي ) .. خامسا .. عين لندن جنبها ( شريك ) للاطفال وفيه عرض فور دي رهيب مررره حتى الكبار بنبسطون .... وفيه الاكواريوم لاتدخلونه:204: - سادسا شارع العرب والهايد بارك وهارودز قريبات من بعض تقدر تخليهم سوا .... مدام توسو قريبه لشارع العرب ايضا وتقدر تخلي الهايد بارك ختام كل يوم بما انكم ساكنين جنبها اذا رحت عين لندن وخلصتوا منها خلها على يسارك ورح سيده جنب النهر بيجيك مكان هناك دايم يصير فيه فعاليات واكل شوارع على قولتهم وملاهي صغيره تصلح للبنيه ...ولو كملت بتوصل اماكن حلوه الى جسر البرج وفيه سوق صغير وحواري وشغلات تصلح للي يحبون المشي اعتقد ... |
رد: جدول مفصل لي 9 ايام تكفون ؟؟؟ تفضل هالتقرير في جدول 10 ليالي http://www.arabtrvl.com/vb/t1726.html وعسى المانع خير لمشرفنا في انتظاره |
رد: جدول مفصل لي 9 ايام تكفون ؟؟؟ المشرف بوعبدالعزيز مسافر الله يرده بالسلامة واسمح لنا ياخوي ان تأخرنا عليك لكن مشاغل الدنيا الله لايشغلنا الا بطاعته وبيض الله وجهها مراقبتنا هدوء ماقصرت وفت وكفت هذه اهم الاماكن في لندن بالأضافة زيارة الميادين المشهورة كترافلجار والبيكاديلي ومما يميز لندن انها لاتتقيد ببرنامج معين لزيارة المعالم فأغلبها بجانب بعضها البعض ويمكن زيارتها في يووم واحد ان حبيت اهم شي شوف خريطة لندن وادرسها مضبوط وراح تشوف كل شارع وزاوية فيها معلم من معالم التاريخ خاصة لندن بالذات عروقها ناشبة في التاريخ ولها حكاية طويلة معاه الابرز والاهم بعددها لك 1- تبديل الحرس الملكي عند قصر باكنغهام كل يوم الساعه 10 ونص يبدا العرض 2- المشي في شوارع لندن المشهورة مثل النايسبيرج والسالون ستريت البوند ستريت الاكسفورد الكنزوي ساوث كنزغتون ومايحيط في الهايدبارك جميل وممتع 3- المعالم الرئيسية الي قالت عنها الاخت هدوء 4- تجربة ركوب الباصات في لندن والتنقل بها ممتعة وجميلة لذلك من المهم تاخذ بطاقة اويستر لاسبوع فقط كافي لاستخدام المترو والباصات المطاعم الجيدة ستجدها في الجمس ستريت + النايسبيرج + في كل مكان تقريبا يوجد مطاعم جيدة واغلبها حلال وانصحك ببرنامج ذبيحة يطلع لك اقرب مطعم حلال وتصنيفة وكذلك اطلع على بعض التقارير ستنفعك لتكوين صورة عن لندن |
رد: جدول مفصل لي 9 ايام تكفون ؟؟؟ الكوفنت قاردن + كامدن تاون في يوم الاحد او السبت فعالياتها جميلة لكن زحمة |
رد: جدول مفصل لي 9 ايام تكفون ؟؟؟ ياهلا مرحبا اخوي انلايزر ماقصرو الاخوان والاخوات جزاهم الله خير بما ان حطو لك جدول عشر ايام مشكورين ممكن تطلع عليه وتعطينا اي استفسارات ثانيه نقدر نفيدك بها لان بصراحه هذا الجدول شامل وكامل والكامل وجهه سبحانه جل في علاه واحنا حاضرين وان شاء الله اي استفسار راح نرد عليك برد عاجل وفوري بأذن الله السموحه والله كنت مسافر بجوله اوروبيه بحريه ووصلت اليوم والارسال كان جدا ضعيف |
رد: جدول مفصل لي 9 ايام تكفون ؟؟؟ اقتباس:
فاقدينك والله :(114): |
| الساعة الآن 11:41 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO