|
اسستفسارات لخبراء لندن السلام عليكم ورحمة الله وبركاته .. يعطيكم العافيه جميعآ .. ويجزآكم خير في مسساعدة أخوانكم المسسافرين .. رحلتنآ باقي لها ان شاء الله اذا ربي يسرها من اسبوعين الى ثلاثه .. الوصول الساعه 11 او 12 الظهر .. الى لندن بنجلس فيها 6 ايام واليوم السابع بنطلع الى باريس ... ان شاء الله السكن بيكون ان شاء الله في الكمبرلاند .. الانجليزي عندنا بسيطه وان اشاء الله تمشي الحال .. استفساراتي .. 1- ابغى افضل شريحة اتصال ونت لمدة اسبوع قريت عن شريحة ليكاموبايل ..؟ وش رايكم فيها ..؟ 2- بطاقه اويستر للاندرجراوند للاماكن السياحيه نأخذ من زون كم الى كم ..؟ ومعي بنتي عمرها 9 سنوات نأخذ لها بطاقه والا عبزرها مجاني .؟؟ 3 - الاماكن السياحيه .. طبعا مانحب المتاحف والا الاكواريوم سبق شفناها في سفرات كثيره وملينا منها ...ابغى الترتيب من القريبات من بعض طبعا اماكن التسوق بيتكون في الليل مثل شارع الاكسفورد والعرب والسيلفرج مول وهاردوز وشارع الريجنت بارك .. وحديقة الهايد بارك بندخلها متى مافضينا وكذا الاماكن هي .. نقول يوم للبج باص لندن اي , رحله نهريه . مدام تسو الطرف الاغر , ام اند امز ، البيكاديللي ميدان ترفلجار , ساعة بج بن , جسر لندن حديقة الريجنت بارك , حديقة الحيوانات وش رايكم فيها زينه او لا ..؟ |
رد: اسستفسارات لخبراء لندن عليكم السلام ورحمه الله وبركاته ياهلا ومرحبا اختي الله يعافيج ويجزاج بمثله ياارب 1- نعم اختي خذي لايكا للمكالمات والانترنت سابقا انت ليبارا مكتسحه الحين من سنه ونص لايكا اكتسحت السوق بأسعارها وشبكتها الممتازه 2- اختي بطاقه الاويستر للأندرجراوند واخذون بعد للباص راح تحتاجونها كثير والزون المناسب لكم 1-2 بالنسبه للبنت الله يحفظها ويخليها لكم يارب free من تحت 11 سنه ماعليها شي 3- اي ان شاء الله اختي راح نرتب لكم جدول يناسبكن بأذن الله بالنسبه لحديقه ريجنت بارك قريبه منكم مش بعيده تقدرون اي وقت تروحون لها وفيها جامع كبير لصلاه الجمعه وبدل حديقه الحيوانات روحون ثورب بارك ومن بعدها ليغو لاند افضل لكم تحياتي |
رد: اسستفسارات لخبراء لندن يعطيك العافيه اخوي القطري ماقصصرت .. بطاقة الاويستروا تنفع للباصات والاندرجراوند صح .؟ بالنسبه للملاهي بنكتفي بديزني لاند في باريس ان شاء الله ابغى ترتيب المناطق السياحيه بحيث تكون قريبه من بعض |
رد: اسستفسارات لخبراء لندن اي صح اختي انتي تطلبينها للباصات والاندر غراوند بالنسبه للمناطق السياحيه ان شاء الله ابشري ارتب لج الجدول وانزله لج و اي استفسارات اخرى تفضلي تحياتي |
رد: اسستفسارات لخبراء لندن وينكك اخوي القطري انتظرك ........ وين الباقين .؟ الله يجزآكم الجنه ابي جدول ل6 ايام في لندن |
رد: اسستفسارات لخبراء لندن انا اقولك الأمكان اللي قريبه من بعض وانتي تختارين اللي يريحك : - شارع العرب (اجور رود ) ليس شارع تسوق أصلا .. الشارع فيه مطاعم عربيه ومقاهي - للتسوق تقدرين تروحين لأكسفورد ستريت وريجنت ستريت وكلهم جنب بعض .. ( سيلفرج موجود في اكسفورد ستريت ) - هارودز موجود في نايتسبريج وما يبعد كثير عن الاكسفورد ستريت ( تقريبا محطتين بالتيوب) - الهايدر بارك وكنزنغتون بارك متلاصقين مع بعض وفيها كنزنقتون بلاس اللي هو قصر الملكه فكتوريا تقدرين تدخلينه وتشوفين طريقة حياتهم - ريجنت بارك ممتازه جدا .. وفي طرفها موجود حديقة حيوانات ( ماحبيت حديقة الحيوانات) وقريب منها متحف الشمع ( مدام توسو) - بيكاديلي سكوير تلقينها في آخر ريجنت ستريت وعندها بتحصلين ام اند امز - ترافلجار (الطرف الأغر) تقدرين تروحين له مشي من بيكاديللي سكوير لكن مادري اذا بنتكم تتحمل المشي .. على فكره لاتروحون للبيكاديلي بالويك اند بالليل أماكن ماتصلح للعوائل المحافظه - بيج بن و لندن آي و الرحله النهريه في التيمز كلها بجنب بعض - جسر لندن أو لندن بريدج فيه صعود فوق بتذاكر لكن بالنهار .. لاتنسون تزورون لندن تاور.. القلعه الشهيره .. على نهر التيمز |
رد: اسستفسارات لخبراء لندن يعطيييييييك العافيه أخوي سفير قوقل .. بطاقة الاويستر .. المكينات في المحطه اقدر اشتريها منها او محلات الكوشكات او من الكوانتر اللي في المحطه .. سكنا قريب من محطة ماربل ارش |
رد: اسستفسارات لخبراء لندن المكينات للتجديد واضافة الرصيد فقط تقدرين تشترين الاويستر في المحطات او بعض البقالات حوالين المحطات |
| الساعة الآن 08:41 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO