|
تخطيط لرحلة لندن السلام عليكم ورحمة الله وبركاته بدخل بالموضوع على طول :(57): انا ان شاءالله بسافر مع الاهل بشهر مارس من 7 الى 19 تقريبا واحترنا بين بندن وسويسرا واستقرينا على لندن بإذن الله بس ابي اعرف اللي راحوا لها بداية مارس ممكن يفيدونا وابي افضل الاماكن اللي ممكن نروح لها ومفكرين نروح باريس بالقطار يومين نبي مكتن ريفي وبعد نبي ثلج ونبي كل شي :bleh: الاشخاص 8 تقريبا كلنا كبار اصغر عمر 17 سنه |
رد: تخطيط لرحلة لندن اقتباس:
انا مابعد شفت لندن في مارس بس احتمالية انكم تشوفون ثلج في لندن ضعيفه شوي اذا ملزم رح اسكوتلند لان هنا يقولون اهل الديرة لهم سنتين ماجاهم ثلج يسوى ( هذا كلامهم ) ويقولن رح لاسكتلند - افضل الاماكن والله الديرة كلهم تمشيات ؛ حدائق ، اسواق، ملاهي، مطاعم ) فانت ادخل التقارير وشف اللي يناسبك وكانك مواطن عادي زينا منتب مريخي:(56): فمهوب لزوم تسكن في الهايد بارك والا وسط لندن ، اطلع برا شوي وبتوفر النص او اكثر والمترو يقرب البعيد ويغطي كل لندن ... والارياف واجد بس ترا اهل الارياف دجاج ( الساعه 5 العصر يبدون يسكرون والساعه 6 خلاص ماعندك احد فاتح ) - باريس اذا جازمين عليها احجزوا تذاكر القطار من الحين لان يمكن يطلع الشخص ذهاب وعوده بـ 72 باوند بس لو تاخرت لحوالي وقت الرحله يمكن تدفع 200 باوند للشخص ...والباوند تقريبا يساوي ( 5.8) ريال سعودي يعني الفرق بين التذكرتين فوق الـ 700 ريال للشخ الواحد ( 8 اشخاص بتوفرون حوالي 6000 ريال ) اتمنى يكون ردي مفيد لك ولو بحاجة بسيطه والعذر على القصور |
رد: تخطيط لرحلة لندن ياهلا ومرحبا اخوي ماقصر اخونا ابوعبدالله جزاه الله خير بالنسبه للجو اكيد راح يكون بارد جدا لكن لايوجد ثلج في هالوقت اذا بعز الشتا ينزل مره بالسنه عليهم ثلج وبعض السنوات ماينزل عليهم وباريس كذلك فا احتماليه تحصلون ثلوج في بريطانيا ككل او باريس ضعيفه جدا وشبه مستحيله لكن لو كان اختياركم سويسرا اكيد احتماليه وجود الثلوج 100% بمعظم مناطقها وجبالها وافضل الاماكن في لندن وباريس ان شاء الله ابشر راح ننزلهم لك تباعا كلن في بوابته تحياتي لك يا غالي |
رد: تخطيط لرحلة لندن يعطيك الف عافيه اخ عبدالله ماقصرت والله شرحك جدا وافي مو مشكله الثلوج مو ذات اهميه اهم شي الجو حلو والثلج لو بينزل يمكن يخرب علينا السفره مشكور مره ثانيه .. Qa6ar يعطيك العافيه اخوي بدخل على تقاريرك واشوفها واذا خططت كل مكان كم يوم بجلس فيه ان شاء الله بقولك اذا تقدر تفيدني بشي يعطيك العافيه مشكورين كلكم ❤️ |
رد: تخطيط لرحلة لندن الله يعافيك يا عسل ان شاء الله ابشر من عيوني تامر امر شوف شنو ترتيبك او المفضل لك وان شاء الله راح نفيدك بكل الي تحتاجه وحتى لو بغيت اي استشاره في تخطيط سفرتك بعد حاضرين ولايهمك :(89): |
| الساعة الآن 09:39 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO