|
لندن في منتصف ديسمبر السلام عليكم كثير مخططات و حجوزات و ترتيبات تكنسلت بالنسبة لسفره هذا الصيف والحمدلله على كل حال و صحيح الله عوضني بسفرة صاروخية سريعة جدا بدون ترتيب لميلان و لوقانو غيرت فيها جو (اثناء ما زوجي كان يخلص شغله) لكن الهدف من سفرتي اللي خططتها لماليزيا وضاعت اني اسافر باليهال ... الحمدلله على كل حال الحين استجدت امور كثيرة و تغير ترتيب الاجازات و صرنا ما نقدر نسافر الا مع نص ديسمبر ... عيالي الله يحفظهم عمرهم 3 و 6 سنوات .. هل الجو بيناسبهم .؟ او بيكون وايد برد ؟ و بنلحق على الكريسمس ماركت او لا ؟ اذا مفكرين نسافر بين 16 و 25 ديسمبر ؟ |
رد: لندن في منتصف ديسمبر وعليكم السلام الطقس في لندن في تلك الأيام سيكون بارد جدا لذلك يجب الإحتياط لهم بالملابس الشتويه الجيده والمظلات للوقايه من المطر وأغطية للرأس وجونتيات للوقايه من البرد وبإذن الله تستمعون ، فكثير من الناس يسافرون شتاء برفقة أطفالهم مع أخذ الإحتياطات الازمه بالتوفيق |
رد: لندن في منتصف ديسمبر ياهلا ومرحبا اختي ام ريمه الحمدلله انها كانت خيره لكم وتغيرت سفرتكم وربي عوضكم نفس ماتفضل مشرفنا الطقس راح يكون بارد جدا جدا وصعب الاطفال يتحملونه فتره طويله يعني راح تتقيدون بالطلعه ماراح تكون طلعات لفترات طويله وتاخذون راحتكم نفس لو كان الجو وحتى لو لابسين ملابس شتويه ثقيله بس راح تفيدهم كثير اكيد هالملابس ممكن تروحون مع الاطفال وماعليكم شر ان شاء الله بس حطي ببالج تكون مشاويركم الخارجيه قليله اوصيج في قاري الاطفال ويفضل تاخذين ابو شخصين او قاريين منفصلين لهم ويتغطى القاري با البلاستيك المقوى نفس الي بالصوره تحت راح يقيهم البرد ان شاء الله وربي يحفظهم ويحفظكم جميع ان شاء الله http://up.arabseyes.com/uploads2013/...9438586951.jpg العاب بالنسبه للكريسمس ماركت هل تقصدين الي يقام كل سنه في الهايد بارك !! الي فيه العاب واكشاك للبيع من جميع دول اوروبا اذا هذا قصدج اي نعم تلحقون عليه يبتدي فيه من تاريخ 20 / 11 / 2015 الى 3/1 /2016 |
رد: لندن في منتصف ديسمبر تاريخ الماركت في الهايد بارك قصدك يابو سعد ينتهي في ٣ يناير السفرة بالشتاء حلووة بلندن كان الجو بارد بس تقدرين تطلعين وتتمشين مع الاطفال والملابس الاندر وير الشتويه تدفي حييل اخذي لهم من هناك اكيد بتكون خاماتهم ادفى بس انصحج لا تروحون الشمال بارد حيييل لندن حلوو |
رد: لندن في منتصف ديسمبر اي صح ام حسين بخصوص التاريخ مادري كتبته وطلع مقلوب هههههههه |
رد: لندن في منتصف ديسمبر حلو .. عرفنا عن هالسوق :(6): الله يعطيكم العافيه وماقصرتوا |
رد: لندن في منتصف ديسمبر جزاكم الله خير كلكم ما قصرتوا ان شاء الله تتسهل الامور و نسوي لكم احلى تقرير من هناك |
رد: لندن في منتصف ديسمبر اقتباس:
ههههههههه هلا بالغالي هالمكان كل سنه بنفس الوقت يقام داخل حديقه الهايدبارك عباره عن ملاهي مؤقته + اكشاك بيع والالعاب والاكشاك تبع اشخاص وشركات من دول اوروبا المجاوره يجون لندن كل سنه |
رد: لندن في منتصف ديسمبر اقتباس:
ويجزاج بمثله اختي ربي يسهل اموركم ان شاء الله اي اهم التقرير لاتحرمينا منه :(33): و اي استفسار حاضرين مايردج الا لسانج بالتوفيق ان شاء الله |
رد: لندن في منتصف ديسمبر اقتباس:
|
| الساعة الآن 09:01 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO