|
مخطط لسفرة عائلية ميونخ وانترلاكن وزيلامسي السلام عليكم في البداية أشكر أعضاء المنتدى على حرصهم على المساعدة وتقديم النصائح والمشورات جالس اخطط لرحلة الصيف القادم ان شاء الله وعندي بعض الاستفسارات أتمنى من الخبراء المساعده. الرحلة على السعودية الرياض-ميونخ -الرياض بتاريخ 8 يوليو والعودة بتاريخ 25 يوليو المسافرون : انا وزوجتي وأبنائي (ولدين اعمارهم 15 و 10 وبنتين اعمارهم 12 و 6 ) التنقل راح أستاجر سياره فان عائلية من يورو كار من مطار ميونخ واسلمها في المطار الاماكن الي ابي ازورها 1-ميونخ للتسوق 2-قارمش3- انترلاكن4- قرية هايدي 5-زيلامسي6-سالزبروغ طبعا المهم في الرحلة الارياف والطبيعه وبعدها الترفيه والملاهي للعيال استفساراتي: 1-كيف توزيع الايام وخط السير وايش القرى أو الارياف الي مفروض ازورها او اجلس فيها غير الي الاماكن الي ذكرتها فوق؟ 2- الملاهي المميزه والزحليقات الصيفيه وين افضل مكان لها؟ 3-بالنسبه للسيارة كل السيارات الي أحصلها مكتبوب 5 اشخاص واحنا عددنا 6 طبعا بنتي الصغيره عمرها 6 سنوات وش الحل فيها لازم كرسي او الوضع عادي لان الكرسي ياخذ مساحة زيادة بالسيارة؟ 4-ابي اسكن في شقق فندقيه ويكون سعرها مناسب طبعا الميزانية كالتالي: التذاكر موجوده وجاهزه عندي مبلغ 30 الف ويمكن يوصل ل 40 الف لباقي المصاريف هل هو كافي اذا كان التسوق مو كثير؟ طولت الاستفسارات عليكم لكن حاولت أجمع كل الي في خاطري وانتم ماتقصرون ان شاء الله |
وعليكم السلام ورحمة الله وبركاته سفرة موفقة ان شاء الله 8 يوليو ميونخ وصول (8:25 صباحا) استئجار السيارة ( 8 - 9 يوليو) التوجه مباشرة الى قارمش والسكن فيها ممكن تزور سيفيلد او بيرتساو في النمسا (10 - 12 يوليو ) الخروج صباحا من قارمش مرورا بشلالات الراين التوجه الى فرايبورغ والسكن فيها يوم زيارة مدينة العاب يوروبا بارك يوم زيارة بادن بادن - ستراسبورغ - كولمار (لك حرية الاختيار كلهم او بعضهم) (13 - 17 يوليو) التوجه الى انترلاكن والسكن فيها او في القرى القريبة وانصح بالسكن في لوتربرونين او ايسلتوالد (خيار 1) او جرايندلفالد (خيار 2) او انترلاكن (خيار 3) مخطط انترلاكن نعتمده لاحقا (18 - 22 يوليو) مرورا بقرية هايدي في ماينفيلد والتوقف للاستراحة ثم اكمال المشوار الى زيلامسي مخطط زيلامسي نعتمده لاحقا (23 - 24 يوليو) التوجه الى ميونخ 25 يوليو طائرة العودة بالسلامة (10:55 صباحا) احرص على الحضور مبكرا او سلم السيارة بالليل واستخدم تاكسي الى المطار بالنسبة للسيارة عددكم 6 اشخاص، يعني لازم سيارة 7 اشخاص او اكبر وانا افضل اكبر حتى يكون لديك مكان للعفش بالنسبة للسكن ستة اشخاص يعني فندق (غرفتين ثلاثية) او شقق بغرفتي نوم وانا افضل استخدام موقع بوكنج للفنادق والشقق وايضا موقع (airbnb) للشقق هذا مخطط مبدأي ويحتمل التعديل والتغيير حسب رغبتك اولا وثانيا وثالثا رابعا استشير اخواني في المنتدى ثم استخير والله يوفقكم |
شكرا لك خبيرنا الغالي ابو مهاب تقريبا البرنامج الي حطيته مناسب جدا لكن انا احب الطبيعه وش رايك ليلتين في قارمش احس يوم واحد غير كافي خاصة بعد تعب السفر؟ او تشوف يكفيها يوم؟ وبالنسبه لمدينة الالعاب وين الأفضل اسكن في فرايبورغ أو بادن بادن؟ طبعا لازم ليلتين لان كثرة التنقل متعب مع الاطفال وكم المسافه منها لين انترلاكن؟ وليش ماتنصح بالسكن في انترلاكن؟ وبالنسبه للسياره في موقع يوروكار حصلت فان بس مكتوب 5 اشخاص مع انه واضح انه كبير بس مدري ليش حاطين 5 اشخاص؟ وهل لازم استخدم كرسي الاطفال لبنتي الي عمرها 6 سنوات؟ |
الله يحيك يا غالي قارمش ليلتين (يوم الوصول وثاني يوم 8 - 9) والطبيعة في انترلاكن وزيلامسي افضل السكن في فرايبورغ (3 ليالي، 10-11-12)افضل من بادن بادن لسببين (القرب من الالعاب اولا والحيوية ثانيا) المسافة بين فرايبورغ وانترلاكن 220 كم تقريبا (ساعتين ونص - 3 ساعات بالسيارة) ما افضل السكن في انترلاكن اولا بسبب الزحمة وثانيا حرارة الجو في الصيف نوعا ما وثالثا السعر المبالغ فيه السيارة لازم تكون 7 راكب ، بعض الفانات تكون كبيرة وتكفي 7 ركاب لكن يكتبون 5 ركاب لأن المقعدين الأخيرة تكون نوعا ما صغيرة وعادة يشيلونها عشان تعطي مساحة للعفش بالنسبة للبنت الله يحفظها ، نظاميا تحتاج مقعد اطفال (مقعد بدون ظهر) وهذا ما ياخذ مساحة مثل كراسي الأطفال لكن عموما الوضع عادي وممكن ما تستخدم المقعد |
أشكرك اخوي ابو مهاب الله يجزاك خير |
ابو مهاب لاهنت وش الحل في السيارة في النمسا اذا ماتنفع الرخصه السعوديه والدولية ؟!! نغير المخطط أو فيه حل |
حتى الآن ما في حل للرخصة حلاوة ارياف النمسا السيارة خصوصا للعائلة صحيح المواصلات العامة ممتازة لكن بوجود اطفال اتوقع متعبة شوي ممكن نخلي المخطط على المانيا وسويسرا او 5 ايام زيلامسي تقضيها بالباصات |
ماقصرو الشباب جميعا بخصوص الرخصه انت بتستأجر السياره من المانيا فماعليك مشكله وراح تستلم سيارتك بخصوص النمسا انا زرت أوروبا لمده 16 يوم قبل 5 سنوات لم تصادفني الشرطه ابدا وخاصه ف الأرياف والقرى ماعدا زيلامسي كان موجودين بحكم انها قريه سياحيه ( ملاحظه زيلامسي لم تعجبني ابدا ولن تعجبني ) فقد صادفتهم في المدن مثل سالزبورغ وميونخ توكل على الله ولاتجعلها سبب واذا استوقفك وش بيسوي غرامه فقط ومع الوقت اتوقع راح تنحل هالمسأله فلاتشيل همها كثيير ملاحظه المانيا وخاصه الجنوب فيها من الطبيعه الشي العجيب |
اشكر لكم اخوي ابو مهاب واخوي مللوك بتوكل على الله وبحجز الطيران الايام الجاية واذا ماصار تغير في موضوع الرخصه من هنا لين موعد السفر عدلت في المخطط حتى لو اضطر اكنسل زيلامسي |
و عليكم السلام السياره أكيد مهمة جدا لكن هذا ما يمنع انك تتجول بالباصات في زيلامسي في ناس وايد ما يستخدمون السيارات يشوفون التنقل بالباص و القطار اسهل من رايي ما تحط السياره عائق و تلغي زيلامسي عشانها الطبيعه هناك خيال و بالأخص كابرون تقدر تسكن في كابرون وتطلق العنان للمشي فيها و ان شاء الله ما راح تندم |
| الساعة الآن 05:24 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO