افزعوا للطفارى أول مره بنسافر دبي...
 

سلام عليكم ياجماعة الربع
الله يمسيكم او يصبحكم / كلن على حسب توقيته
الكتاب مبين من عنوانه

نبي مشورتكم وتجاربكم في السفر لدبي ..
( طيران - سكن - معيشة وترفيه )

رجججججاء خاص لحد يقول انت خبل تروح دبي بهالحر؟ لاني عارف الجو صلخ لكن الدنيا بتكون مكيفه ان شاء الله نبي نستمتع ونتأقللم


احنا 5 شباب بنسافر لدبي لأول مره بعد ثلاث اسابيع من الان .. يعني تقريبا بتاريخ 4 او 5 ذو القعده

بالنسبة للطيران بحثت في الموضوع لمدة يومين لقيت أرخص شي ( طيران فلاي دبي ) بـ 987 للشخص الواحد ذهاب وعودة من جدة لدبي .. واشوفها ممتازة كسعر لكن مدري وش رايكم كطيران ومشاكل .. الخ ،، نقول بسم الله ونحجزها ؟؟؟؟



..

والشي الثاني
باقي السكن محتار والله ما ادري وش نحجز وكيف الاسعار ابي فزعتكم في ذي الهرجه .. نبي شي مايكون بعيد عند مول دبي والمناطق هذي اللي فيها اشياء تسوق وتنقل وتمشيات راح نروحها في الغالب ( لان مامعنا سياره ولا راح نستاجر بنقضيها مواصلات كريم وتكاسي ومترو ) فنبي شي يكون موقع استراتيجي وسعره مناسب مايكون اكثر من 2000 تقريبا

..
ثالث شي والاخير ..
نبي رأيكم في المواصلات وش الافضل والاوفر كخمس اشخاص للتنقل داخل دبي او حتى خارجها

+

آخر شي خلاص من جد ..
اذا احد عنده جدول ينصحنا فيه نزور بعض المرافق والمراكز في دبي ياليت ينصحنا لأنه شكلها اول مره واخره مره لدبي نبي نستغل ههههههههههههههههههههههههه هههههه

سامحوني على الإطالة .. واتمنى القى اجاباتكم وتفاعل

هلا بك ياحربي

ماعلمتنا كم يوم بتقعدون في دبي ؟

عموما سعر التذكره مناسب في شهر July

والفنادق ارشح لك السلام للاجنحة الفندقيه ، اليوميه تقريبا ب 540 ريال للغرفتين

الفندق ممتاز على طريق الشيخ زايد وقريب من دبي مول والسيتي ووك . توجد محطة

للمترو اسفل الفندق يعني من الفندق الى المحطة على طول .


المواصلات غير المترو استخدم اوبر .

أهلاً حبيبنا ..

سعر التذكرة ممتاز ...

أغلب خيارات السكن حول دبي مول تكون شوي غالية ..

شيّك على فندق ( ذا روف ) قريب من المول وشبه اقتصادي ..

أو فنادق منطقة البرشا كخيار رقم 2 ... فيها خيارات سكن كثيرة

ومختلفة المستويات ومنطقة حيوية ومخدوووومة ..

استئجار سيارة .. خيار فكّر فيه كثييييييراً .. لن تندم باختياره ..

معالم ومزارات دبي ... اطّلع على تقارير البوابة .. ستجد كل ماتريده وبالتفصيل ..

موفق ياحبيبنا ...