شبكة و منتديات العرب المسافرون - اقتراحاتكم بسفرتي يا اهل الخبره

- البوابة السياحية (https://www.arabtrvl.com/vb/f16.html)

- - اقتراحاتكم بسفرتي يا اهل الخبره (https://www.arabtrvl.com/vb/t40466.html)

اقتراحاتكم بسفرتي يا اهل الخبره

السلام عليكم احنا 8 اشخاص كبار من 19 سنه ومافوق وواحد فقط 12سنه..
احتاج مشورتكم بسفرتنا في اوقيست ميزانيتنا بين الفنادق والطيران 50 الف لمدة 15 يوم وتم اختيار طيران الاماراتيه لان دايما احجزها بسفراتنا واسعارها مناسبه بس للان ماحجزت لين اتأكد من الأماكن
أولا.. ايش ترشحون لي مناطق باوروبا نسافر لها ؟؟
ثانياً.. حابين السفره تكون طبيعه واستجمام ولامانع من زيارة منطقه وحده تكون حيويه وفيها أسواق وناس صاحيه لاخر الليل(فأفكر الرحله تكون الوصول ميونخ يومين ونزور قارمش 4ايام وبعد كذا سويسرا تكون بين لويزرن وجريندلود وانترلاكن باقي الأيام "فكرت بجنيف بس بين مؤيد ومعارض" ونرجع لميونخ يومين وعلى الطياره)..

ثالثا.. نفكر بألمانيا بالوصول والعوده عشان أسعار السيارات انسب من سويسرا لان حابين نستأجر سياره ونتمشى ونتنقل براحتنا..
رابعاً.. فكرت بالنمسا بس كثير قالو اجوائها تكون مايله للحراره وباريس سبق لي زيارتها فأتمنى تعطوني رايكم بمخططي هل عليه إضافات او تعديل او تقترحون لي أماكن أخرى!!
خامساً.. حابين نعيش أجواء السكن بأكواخ بوسط الطبيعه فإذا المخطط مناسب اقترحولي سكن اكواخ بسويسرا أسعاره مناسبه ونظيف!!
سادسا.. هذي اول مره بزور فيها أوروبا باستثناء باريس وبرتب الرحله بمساعدتكم وبحجز بنفسي لان المكاتب السياحيه تأخذ أسعار مبالغ فيها يعني مثلا شيكت الطيران طلع علينا 18 الف وسألت مكتبين سياحيين مختلفين واحد قالي 25 الف والثاني قال 23 الف فقررت ارتب كل شي واحجزه بنفسي هل تشوفون الي فكرت فيه صح ولا لا علما فكرت احجز الفنادق من موقع Airbnb وبوكينغ

اعتذر عن الاطاله ولكن لايوجد لي مساعد الا انتو بعد الله وشكرا لكل شخص من القلب :13::e022:

وعليكم السلام

تفكيرك في محله و راح يوفر عليكم كثير

ممكن مخططكم يكون وصول ميونخ مغادرة جنيف

ميونخ
قارمش ومنها ممكن تزوروا سيفلد و انسبروك

لوزيرن ومنها ممكن تزوروا شلالات زيورخ

انترلاكن
قريندلوالد
انسي الفرنسية ومنها تزوروا جنيف شامونيه لوزان

رحلة موفقة بإذن الله

وعليكم السلام..

طبعا ما في داعي لأي مكتب سياحي، ممكن تحجزين كل شي بروحج.

شوفي فرق السعر بين الرجوع من ميونيخ والرجوع من جنيف أو زيوريخ،
إذا ما في فرق فالأحسن طبعا ترجعون من سويسرا بدل ما تردّون ألمانيا،
(زيوريخ أقرب لانترلاكن من جنيف).
وبعد يعتمد على سعر إيجار السيارة، هل بيفرق وايد إذا رجعتوها في سويسرا وإلا لا.

بالنسبة لسويسرا، بدل كثرة التنقل وتغيير السكن ممكن تستقرون في انترلاكن،
لأنها تقريبا في نص البلد، ومنها تطلعون في رحلات يومية
إلى المدن الثانية: Lausanne ، Lucerne ،
Grindelwald (ممكن تسكنون فيها إذا ما حصلتوا شي مناسب في انترلاكن
لأنهم قريبين جدا من بعض).
جنيف ما فيها شي يستاهل المشوار.

شوفي التقارير في بوابة سويسرا، احتمال تحصلين السكن اللي تبغينه،
أو ابحثي على بوكينج و airbnb ، بس المهم في أي سكن يعجبج إنج تقرين
ملاحظات النزلاء، لأنها تعطيج فكرة عن السكن وشو سلبياته وايجابياته.

وفي خيارات البحث على بوكينج حطي (أكواخ ، بيوت العطلات، شاليهات ، بيوت ضيافة)
علشان تطلع لج كل أماكن السكن اللي تنطبق على طلبج،
لأن المسميات أحيانا تختلف من مكان للثاني.

اقتباس:

المشاركة الأصلية كتبت بواسطة أم نووووف (المشاركة 466399)

انا سمعت ان فيه فرق سعر اذا اخذت السياره من ميونخ ورجعتها بمكان ثاني بس ايش تنصحوني بمكتب استئجار سياره وهل استأجرها واتفق معهم من قبل السفر او عند الوصول بالمطار

والف شكر لك ومانستغني عنك وعن خبرتك ياسفيرة السفر..

اقتباس:

المشاركة الأصلية كتبت بواسطة آخـــرفـــرصـــة (المشاركة 466324)

الله يعطيك الف عافيه يارب يعني افهم ان مخططي للرحله مضبوط بغض النظر عن العوده والميزانيه تكفي وما احتاج تغيير للدول

اقتباس:

المشاركة الأصلية كتبت بواسطة nada99 (المشاركة 466413)

لازم وقت الحجز تحددين مكان استلام السيارة ومكان تسليمها.

بتحصلين في مشاركتي في ها الموضوع صور السيارة اللي تكفيكم

https://www.arabtrvl.com/vb/t40437.html

هذا موقع لمقارنة أسعار تأجير السيارات في الشركات المختلفة

https://www.rentalcars.com/