شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة امريكا (https://www.arabtrvl.com/vb/f168.html)
-   -   الغرب الامريكي (https://www.arabtrvl.com/vb/t1220.html)

Escape 11-01-2015 08:24 PM

الغرب الامريكي
 
السلام عليكم ورحمة الله وبركاته

احتاج خبرتكم في تقسيم 45 يوم للغرب الامريكي في فتره الصيف المدن الي ودي أزورها مع العلم انها زيارتي الاولى لهذه المدن لوس انجلوس / لاس فيجاس / سان ديقو / سان فرانسيسكو بالاضافة الي رحله كروز من سان فرانسيسكو

جم المده بالسياره من سان فران لي سياتل بالسياره ؟ وهل سياتل تسوى أني اقعد فيها ولا اروح دايركت للبورت حق الكروز؟

مع العلم ان الطيران دايركت LA

وشكرا لتعاونكم :(114):

Impact 12-01-2015 08:49 AM

رد: الغرب الامريكي
 
العودة من سياتل او من لوس انجلس ؟

منيرة 12-01-2015 09:59 AM

رد: الغرب الامريكي
 
من سان فرانسيسكو الى سياتل 12 ساعة بدون توقف ممكن تبات ليلة بالنص


اقتراحي لك


الوصول لوس انجلوس العودة من سان فرانسيسكو دام فيها الكروز


لوس انجلوس
بالسيارة سان دييغو
بالسيارة لاس فيغاس
و بالطائرة الى سان فرانسيسكو


بس اذا تقدر تغير و تخلي الوصول سان فرانسيسكو و العودة من لاس فيغاس افضل
بحيث
بعد ماتخلص كروز تاخذ خط الهايوي 1 الى لوس انجلوس
و بالسيارة سان دييغو
و بالسيارة لاس فيغاس

Waleed 12-01-2015 11:56 AM

رد: الغرب الامريكي
 
بالنسبة للكروز الخيارات ممكن تكون اكثر ومتنوعة من سان دييقو
بالتوفيق , , ,

Escape 12-01-2015 03:57 PM

رد: الغرب الامريكي
 
هل يعتبر هالتقسيم مناسب ؟

١٥ يوم لوس انجلوس
١٠ ايام سان ديغو
٥ ايام لأس فيغاس
٥ ايام سان فرانسيسكو

بالنسبه للكروز حابين نزور ألاسكا بس لي الحين ما تأكد موضوع الكروز
مافي مشكله اني اخذ طيران داخلي لي سياتل من سان فرانسيسكو و العوده من سياتل لي لوس انجلوس

لكن الي بهمني هل تقسيم الايام مناسب لكل منطقه ؟

وشكرا

BoAziz2001 12-01-2015 04:44 PM

رد: الغرب الامريكي
 
اذا ٤٥ يوم فاقترح تغطون اغلب المدن الرئيسيه بالساحل الغربي
تبتدون بسياتل ومنها الي بورتلاند ومنها لسان فرانسيسكو ومنها لاورانج كاونتي ومنها لسان دييغو ومنها للاس فيقاس وأخيرا لوس انجلس

اذا ٣٥ يوم فالبدايه سان فرانسيسكو ٥ ليالي ومنها لاورانج كاونتي ٧ ومنها لسان دييغو ٧ ومنها للاس فيقاس ٥ والنهايه لوس انجلس ١٠

نصيحتي ضروري تحديد عدد الايام الاجماليه / تحديد المدن / كروز ام لا .... بعدين يتم التوزيع

Escape 12-01-2015 05:21 PM

رد: الغرب الامريكي
 
بوعزيز .. يزاك الله خير .. انا ناطره رد القروب على الكروز اذا عجبهم البرنامج .. و بالنسبه للطيران مو حابين نطير ابعد من لوس انجلوس عشان جذي اهي نقطه البدايه و النهايه و هم الكروز الايام الي ناسبتنا تصادف باخر الرحله عشان جذي صارت الكروز اهي النهايه و المده ٤٥ يوم مع او بدون الكروز باْذن الله

BoAziz2001 12-01-2015 06:36 PM

رد: الغرب الامريكي
 
من الكويت ماكو مباشر للوس انجلس

من لندن الي سياتل نفس مده الطيران لندن لوس انجلس او لندن سان فرانسيسكو

لو انا اروح بالذهاب الكويت ترانزيت لندن ومنها لسياتل
وبالعودة لوس انجلس ترانزيت لندن الكويت


علي العموم نصيحتي تحددون المدن والكروز او لا والمده وبعدين توزعون الايام

Mrs.Bee 14-01-2015 12:04 PM

رد: الغرب الامريكي
 
نفس تخطيطي تقريبا باعطيك خط سير رحلتي ((رود تريب)).. بديت انا من سياتل نزلت لبورت لاند ،بعدين ريحنا باوريكا ،لانه بين بورت لاند وسان فرانسيسكو مسافه طويله لازم نقطة توقف،،كان احد ذكر هالمدينه بتقرير سابق بالمنتدى الله يجزاهم خير،،المهم بعدها سان فرانسيسكو ،،لوس انجلوس،،سان دييغو ، من لوس انجلوس بالطياره الى نيويورك ،، مدة رحلتي كانت ٢٢ يوم تقريبا
احس سان دييغو ماتستحق اكثر من ٤ ايام
سياتل كانت مرا جميله وهاديه وشعبه مثقف :(60): تمنينا لو كنا مخصصين له وقت اكثر لانه كانت اول زياره عكس كاليفورنيا كنا شايفينه قبل ،،

Escape 22-01-2015 02:59 PM

رد: الغرب الامريكي
 
مستر بي .. يزاك الله خير


الساعة الآن 12:38 AM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO