|
سعر العمله وسعر صرفها السلام عليكم انتشرت كثير هذي الايام بطاقه بنك الاستثمار وانهم يصرفون بنفس سعر العمله ما يزيدون عنها ولا ينقصون و طلعت برضوا من بعدها بطاقة بنك الانماء برضوا نفس الشي سؤال : اللي مسافرين الان واللي رجعوا واستخدموا بطاقة فيزا التسوق تبع بنك الراجحي كم حسبها لك البنك ؟؟ ابغى اقارن هل فعلاً المبلغ فيه فرق جداً كبير يستاهل اني اطلع فيزا المسافر من الانماء ؟؟ وشكرا لكم |
اقتباس:
و عليكم السلام و رحمة الله و بركاته .... بالنسبة لبطاقة السفر من بنك الأستثمار .... ممتازة من واقع تجربة حالياً ميزتها ... أنه تحول من حسابك إلى رصيد البطاقة بالعملة اللى ترغب ... و فيها حوالي 26 عملة عالمية تجي 4 عملات أساسية عند أصدار البطاقة هي .. الدولار و الجنية الأسترليني و اليورو و الدرهم الأماراتي سعر صرف الدولار ثابت (3.75) مقابل الريال سعر صرف الجنية الأسترليني (4.89) مقابل الريال سعر صرف اليورو (4.40) مقابل الريال .... طبعاً الأسعار تتغير حسب أسعار الصرف اليومية فيما عدا الدولار ثابت (3.75) أستخدمت بطاقة تسوق الراجحي .. و كان فيها سعر صرف الدولار (3.83) مقابل الريال ... الفرق بين البطاقات بشكل عام سعر الصرف اللى يقدمه البنك للعميل .. و القبول في المحلات إثناء السفر بالتوفيق |
والله اذا كان سعرها مثل سعر السوق العالمي فهي مميزه لا الراجحي ولا الانما فيهم ميزه مثل هذي |
اقتباس:
هلا بك أخوي ... أذا تقصد بطاقة السفر من بنك الأستثمار .. نعم مفيدة و مميزة ز دائماَ عندهم عروض على معظم العملات و تقدر تشترى العملة وقت العرض و تبقى في البطاقة إلى وقت الحاجة لها .. في الرابط مزيد من المعلومات عن البطاقة ... https://www.saib.com.sa/ar/travel-card |
والله شي حلو هالبطاقة يعطيك العافية يابو معتز |
اقتباس:
الله يعافيك أختي أم حسين عن تجربة ممتازة |
انا طلعت بطاقه الانماء و يبدو اني اغلطت قالوا لي انها نفس بنك الاستثمار لكن بعدها عرفت انه ما يصرفون بالسعر العالمي يعني الان قيمة الجنيه ٤,٨٢ وبنك الانماء يصرفونه مثل بنك الراجحي بالظبط ٥ ريال = جنيه فقط الاختلاف بينهم الانماء ما ياخذون رسوم على الشراء و الراجحي بالنسبه لفيزا التسوق ٢,٢٥٪ من قيمة كل شراء وعند السحب من الصراف الانماء تقريبا ٢٠ و الراجحي ٣٥ على السحب يعني الفرق بينهم مو كبير جداً تبقى بطاقة بنك الاستثمار هي الافضل بين الجميع بعدها الانماء لو الانماء يصرفون بالصرف العالمي كان تطلع بطله حبيت اشارككم باخر النتائج اللي طلعت فيها |
اقتباس:
جربت بطاقة السفر من بنك الأستثمار ... و جربت بطاقة تسوق مسبقة الدفع من الراجحي ... و لم أحرب الأنماء .... بطاقة السفر .. تربعت على القمة بدون منافس حالياً " على الأقل من وجهة نظري" |
| الساعة الآن 09:11 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO