|
مسافرة وشايله مطبخي معايا !!! السلام عليكم ي احلى منتدى ،، متابعة لكم بصمت ليا ثلاث شهور ،، والان بما انه سفرتي قربت ( 7 نوفمبر 2016 ) حبيت اخذ رايكم في تجهييزي لشنطة المطبخ انا اول مرة حسافر خارج السعودية ... وانا وزوجي رياضيين جدا و اكلنا جدا صحي ماناكل اي شي كارب ( رز مكرونه مقليات حلويات سكر) يعني الحمد لله عايشين حياتنا نظام صححححي جدا لناا تقريبا سنه كامله على هذي الحياه الصحيه وشايله هم اش حناكل هناك ؟!!!!! وارفض فكرة اني ارجع من السفر زايدة دهون وكيلوات :2: الزبــــــــــدة :23: عدد الافراد المسافرين : ( انا وزجي واثنين من الاولاد ( 4 سنين - 1 سنه ) عدد الايام : 15 يوم انا قررت اشيل شنطة صغيرة خاصة للمطبخ ،، محتوياتها حتكون : 1. غلاية ماء صغيرة جدا 500 مل ( من ساكو اخذتها ) ما احب استخدم حق الفنادق 2. قمارة التوست صغيره جدا ( برضو من ساكو ) 3. كاسات صحون ملاعق بلاستيك ، سفر اكياس قمامه .<< لاتقولوا كل شيء هناك انا احب اسافر جاهزة مجهزة ، ما احب شيء ينقصني 4. عين كهربائية صغيرة ( اذا احتجت اغلي خضار لطفلي الصغير ، اجهز وجباته لليوم ، واسوي شوفاني بالحليب ع النار ، و الكابتشينو روقاني لابد منه :e045::e022: ) 5. قدر صغير . 6. سناكاتنا الصحية من شوكولاتات وكذا 7. التموينات ( شاي ربيع ( ما نحب اي نوع ثاني ) :e419::63:- نسكافيه - سكر ستيفانا ( اول واحد يتحط في الشنطة :3: - مربى خالية من السكر - علبة شوفان هناء - تونة ( للطوارئ تمشي الحال وقت الجوع ) - علبة جبنة بيضاء فيتا المرراعي - وزيتون حلواني علبة ) وطبعا فقط الخضار والحليب اللي ممكن نشتريه من الماركت :14: ما ادري في شي نسيته ولا شيء ؟!! :24: الحين لا احد يجي ويقول رايحه تسافري ولا تطبخي :23::24: والله مافيها شيء اذا وجبه او اتنين اكلتها من يدي وضامنه نظافتها وصحتها ,,, طبعا هذا مايمنع اننا ماناكل من برا زي ( المشاوي وكذا ) ولكم ارقى التحيات :e306::e306::e306: تنويه مهم ( هذا الموضوع كتبته قبل السفر ، والان بعد ماجربت السفر والتعب ،، لا انصح بـأحد انه يتحممس زي ما كنت متحمسه في هذا الموضوع ،، صعب صعب اتباع نظام غذائي صحي خارج بلادكك .. !!! ولم استطع حذف هذا التقرير ، من أجلكم لاخذ العظة منه لكل ام متحمسسسه زيي سابقا ،، << الحين خلاص عقلناا بعد ما تعبناا بالشنط .. ) |
جميل جدا ان يهتم الانسان بصحته وكان الله في عونكم وييسر امركم |
اقتباس:
الاجمل مرورك اللطيف وردك الجميل ،، يعطيك العافيه يارب :e32b: |
عادي اختي انا اول شي احطه في الشنطة الغلاية مستحيل استخدم حق الفندق اخدت صغيرة للسفر ومكواة سفر واشيل صحون وملاعق بلاستيك وسفر وازيدك من الشعر بيت حتى شراشف اخد لا يمكن انام على شراشف الفندق حتى لو كان افخم فندق بس طبخ مااطبخ حتى لو متوفر كل شي لانه السفر بالنسبة لي اجازة من كل شي حتى الطبخ دايم الغداء يكون مشاوي في مطاعم نظيفة في الغالب واخد شاي بس انا ليبتون:22: وجبنة وسناكات للاولاد والباقي كله موجود في كوالالمبور في البقالة العربية فيها كل شي مراعي وليبتون ونيدو ووووو نفس بقالاتنا بالضبط بس الضريبة الشنط متعبة وهاذا الشي يكون سبب زعل ابو الشباب في السفر بس مو مشكله:32: ورحله سعيدة لكم يارب |
ماشاءالله عليك .. أنا لو يحصلي اروح من دون شنطة ما اقول لا هههه .. اتأكد مية مرة قبل ما احط اي شي في الشنطة اني راح استخدمه .. لكن على العموم اتأكدوا من مسألة الوزن وحاولوا تخففون اذا المناطق اللي بتزورونها كثيرة لأن التنقل مع الأطفال الله يحفظهم فيه شيء من التعب وما ودك تنسين شي هنا ولا هنا .. أغلب ما ذكرتيه متوفر هناك زي ما قالت الاخت الكريمة عاشقة لنكاوي لكن للناس فيما يعشقون مذاهب :) تنويه بالنسبة لسكر ستيفانا .. إذا كنتم ناوين تزورون بينانغ إن شاءالله, محل الهدايا في حديقة التوابل يبيع ورق النبته الأصلية لستيفانا (موجودة في الحديقة) واسمها تقريبا نفس الإسم .. يعني شي طبيعي .. شخصيا ما جربتها لأني الحمدلله استغنيت عن السكر لكن ذاقوها اخواني واشترى منها ولد اختي وجابها هنا واعجبتهم جدا .. ممكن تستحق انكم تجربوها اذا رايحين هناك .. والله يوفقكم ويجعلها رحلة ممتعة وتروحو وترجعوا بالسلامة .. |
ما شاء الله تبارك الله اولا تروحي وترجعي بالسلامه الموظوع جدا جدا عادي ملاحظتين بسيطه اولا: اتأكدي من كهربة الغلايه و السخان تكون 220 او 110 انا افضل ال 220 لانها اذا كانت الكهرباء 110 تشتغل بس تكون ضعيفه اما اذا كان العكس ممكن تنفجر ثانيا حاولي تختصري عدد الشناط قد ما تقدري عشان التكاسي والشحن فانا اشوف شنطه ليكي انتي والزوج و شنطه للاولاد وشنطة ( مطبخك ) ههههههههههه ونتمنا لك رحله سعيده والطفل ابو سنه نصيحه خذي عربة اطفال معاك اصغر شي تقدري عليه تحياتي |
اقتباس:
اهلا اهلا جميلتي شاكرة لك مرورك اللطيف :e20c: وانا كمان ازيييدك شكلك زيي ، حتى انا شراشف جديده للسفر واذا مرا ماكنت مرتاحه انام بشرشف الصلاه :14: وتدري على فكره جملة ( السفر اجازه بالنسبه ليا ) دايما كانت جملتي لكل رحلاتي ف السعوديه ودايما اندم اني ماشلت شي معايا حتى لو سندوتشات 😔 وانا سمعت انه البقاله العربيه هناك اسعارهم مبالغ فيها :4: والمهم انا حاسبه حسابي من ناخيه الشنط ومضبطه كل الامور الحمدلله ثلاث شنط وبس هيا اللي حنشيلها وشاكره لك :3: |
اقتباس:
اللهم اميييين يارب ،، جزاك الله كل خير 🌷🌷 على معلومه السكر والله نفسي مرا اجربها بالورقه نفسها :e20c: واكيييد ماحاخذ شي الا جدا ضروري وحنستخددمه كثير وبالنسبه لتنقلاتنا قررنا نستاجر سياره لطول الرحله ان شاء الله 🚙 وباذن الله ناويه اكتب تقرير جميل ومميز عن رحلتي ترقبووني 😎✌🏻 وشاكره لك مرورك الكريم |
اقتباس:
الله يسسسلمك اخي الكريم واتاكد توي من الغلايه كويس طلعت 220 غلايه بلاك اند ديكر واشتريت الفيش الدولي كمان 🤓 واكييييييييد العربيه قبلي تروح لمالييزيا :10::e328: والله انا في هدي الرحله افكر اول شي في راحة اولادي قبل ما افكر في نفسي حتى في ادق التفاصيل واشكر لك مرورك الجميل :e303: |
[QUOTE=ام جسومي;273116]الله يسسسلمك اخي الكريم والله انا في هدي الرحله افكر اول شي في راحة اولادي قبل ما افكر في نفسي حتى في ادق التفاصيل تقريبا عمر اطفالك مثل عمر اطفالي لما رجعنا قبل شهر حبيت اذكرك بعدة نقاط مهمة لراحة الاطفال: الحليب الخاص للطفل .. حفايظ ...بعض الادوية .. مناديل معطرة .. كاسات خاصة للاطفال ما ينسكب منها العصير وكنا نستخدمها في المطاعم ... مريلة ...بعض الالعاب البسيطة اللي تشغلهم في الطيارة والمطاعم .. تابلت وحملي عليه الالعاب وافلام كرتون اللي يحبوها في الطيارة والمطاعم ... قطعة كروم كاست لاتنسي في المطار في ماليزيا لكم اولوية في التقدم عند شحن الشنط يعني في طابور خاص لمن معه اطفال يمشي بسرعة بدل الانتظار الطويل وايضا عند بوابة الصعود للطائرة وهذا الشي حصل معاي في مطار كوالا الدولي ومطار سوناي الدولي بجوهور اما عندنا زي الطيبين تصف سرررررا وتوقف في الزحمة هههههه رحلة ممتعة هاي مزمز |
| الساعة الآن 03:18 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO