شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة ماليزيا (https://www.arabtrvl.com/vb/f111.html)
-   -   باكورة رحلاتي .. رحلتي الى ماليزيا ( لنكاوي بينانج كوالا ) شهر نوفمبر (https://www.arabtrvl.com/vb/t24179.html)

fahad_q8 07-11-2016 06:42 PM

باكورة رحلاتي .. رحلتي الى ماليزيا ( لنكاوي بينانج كوالا ) شهر نوفمبر
 
بسم الله الرحمن الرحيم

بالبداية احب اشكر هذا المنتدى اللي شفت فيه قوقل معلومات تبارك الرحمن من الجميع وطوفولي اي شي من ناحية التصوير او صياغة الكلام الا اني بحاول قد ما اقدر استعرض الرحلة

من زمان وانا ناوي السفر لكن حكم تغيير دوامي صار لازم يعدي 9 اشهر واكثر عشان تاخذ اجازة

وصارت الفرصة ان شهر 11 ميلادي ( نوفمبر ) هو شهر اجازتي السنوية

وكان الاختيار على ( ماليزيا )

وطبعا احب اقولكم اني ما احب دول شرق اسيا لأن الجو حار .. عاشق اسطنبول من الاخر

واحب اروحلها شتويه بس يعني انسوا اتاقلم مع الرطوبة ( الرطوبة بالخليج مو مقصرة فينا )

لكن اللي معاي ولد عمتي ( مصعب ) قال انا رحت تركيا وانت رحت خلنا نغير ونبعد نروح ماليزيا

وتم الاختيار والتخطيط قبل السفرة بأسبوع فقط يعني سفرة سريعة وبتكون اقتصادية بإذن الله وتم التخطيط على التوجه الى ( لنكاوي 4 ايام 3 ليالي .. بينانغ 5 ايام 4 ليالي ،. كوالالمبور الايام الباقي بحيث تكون الرجعة للكويت لتاريخ 11/18 والوصول بالضبط تاريخ 19 الفجر )

هاذي بداية الرحلة / اوافيكم بالصور حالا .. مع التفاصيل ليوم سميته ( يوم المطارات )



أرسلت بواسطة iPhone بإستخدام Tapatalk

fahad_q8 07-11-2016 07:38 PM

بداية الرحلة كانت على طيران الامارات fly emirates
سعر التذكرة 167 دينار للشخص ( سياحية ) لمدة 12 يوم واليوم ال13 نكون بالكويت
تاريخ 6 نوفمبر توجهنا لمطار الكويت الساعة 11 ونص الظهر


http://uploads.tapatalk-cdn.com/2016...1528411f41.jpg



وطبعا حطينا الجناط بالأول عن الزحمة
ولازم نتحرش بسناب على اهل السامسونغ ( بحكم اني موظف شركة اتصالات فضايفيني موظفين معاي بالدوام عشاق للسامسونغ ولازم اتحرش فيهم :)

http://uploads.tapatalk-cdn.com/2016...65ab157c73.png

فعلاً شي مو هين انك تمنع تلفون جديد من الطيارة خوفاً ع الطيارة

وهم طبعا لازم اي احد يزور مطار الكويت يمر مطعم الباستا الشهير هناك

http://uploads.tapatalk-cdn.com/2016...32d1e80f6e.jpg

بعد التچييك صلينا وتمشينا بالسوق الحرة

وعقبها رحنا للطيارة

موعد الرحلة 2:15 الظهر توقيت الكويت متجهين الى دبي دار الحي

http://uploads.tapatalk-cdn.com/2016...e608b583d0.jpg

http://uploads.tapatalk-cdn.com/2016...853772699d.jpg

ولازم صديق الرحلة ( فلم للتقزيرة = للتسلية )

http://uploads.tapatalk-cdn.com/2016...2f2f857a3f.jpg

وصلنا الامارات بحمد الله وكانت الساعه 5 بتوقيت الامارات يعني 4 توقيت الكويت
وتمينا منتظرين مع جولات بسوق الحرة ومطارهم ( اللي حرام تسميه مطار ومطار الكويت هم تسميه مطار )

كانت الرحلة الساعة 9 و 40 دقيقة بالليل

http://uploads.tapatalk-cdn.com/2016...4e8db88722.jpg

وكانت مدة الرحلة 7 ساعات ونص

حاولت انام ماقدرت لان الكراسي ما تساعد ع النوم ابدا

http://uploads.tapatalk-cdn.com/2016...b744bb29fa.jpg

http://uploads.tapatalk-cdn.com/2016...b9b784478d.jpg

هم لازم تسلية بعد 7 ساعات ونص

طارق العلي كان صديق الرحلة

http://uploads.tapatalk-cdn.com/2016...cbbcf1e3f4.jpg

وصلنا كوالالمبور الساعة 9 الا ربع بتوقيتهم يعني 4 الا ربع الفجر بتوقيت اهلنا بالكويت

مطار كوالالمبور كان مو زحمة بس مع هذا اشوفه كذلك افضل من مطار الكويت وكبير ماشالله فيه مترو بين البوابات مثل مطار دبي
http://uploads.tapatalk-cdn.com/2016...4bb872979b.jpg

اخذنا خط قبل التچييك والدخول
خط ماكسيس ( 10 غيغا تقريبا ب50 رينجت .. ال10 رينجت تقريبا 710 فلس كويتي )
وتقدر تضيف 10 رينجت للمكالمات
وضفناها
http://uploads.tapatalk-cdn.com/2016...c638566df4.jpg

للامانة وصلت لبوابة الدخول .. كان فيه كونترين فقط شغالين وزحمة غير طبيعية .. دبل اللي بالصور بس الاجراءات كانت سريعة واستلام الجنط ( الحقائب ) بدون تأخير يعني تقريبا 20 دقيقة مع استلام الجنط

http://uploads.tapatalk-cdn.com/2016...7e3926b5f7.jpg

وطلعنا نشم هوا شوي ونرجع لاكمال الحجز الى لنكاوي ( حاجزين الفنادق بلنكاوي وبينانغ من قبل الوصول فمانقدر نغير بالجدول وهذا الافضل ان نلتزم بالجدول
http://uploads.tapatalk-cdn.com/2016...8db2a97d26.jpg

حجزنا الساعة 10 على طيران والعياذ بالله منه اسمه ماليندو
تذكرتين بعد ساعتين 12و 20 دقيقة
تذكرتين ب410 رينجت وكان هو الارخص بين الطيرانات
صج طيران مش حالك
بس يمشي الحال
وكان في تاخير بالرحلة واحنا مو ناقصين لان بنكمل 24 ساعه بدون نوم وعلى قولة صديق الرحلة .. طيرانهم وكيفهم بعد

مده الرحلة كانت ساعة بين كوالا ولنكاوي
http://uploads.tapatalk-cdn.com/2016...dc3a76c161.jpg
http://uploads.tapatalk-cdn.com/2016...0622b49217.jpg
http://uploads.tapatalk-cdn.com/2016...355cd9d7f7.jpg

وهذا مطار لنكاوي اللي اشوفه زووين كونه مطار داخلي بس صغير
http://uploads.tapatalk-cdn.com/2016...b261a00d48.jpg
وعجبني هالاعلان عندهم لكن غير صحيح التكاسي برا ارخص

http://uploads.tapatalk-cdn.com/2016...e544a13fd8.jpg
وعجبني ان العربي مهم عندهم بالمطارات

واول مافتحت البوابة هلوا علينا جميع التكاسي
في واحد اخذناه قال 5 رينجت للفندق مسافة الفندق 7 دقايق او 8
عن المطار
يتكلم عربي بطلاقه وسيارته خاصه وجدا رائع اخذنا رقمه
لتكمله الرحلات غدا
هذا محمد
http://uploads.tapatalk-cdn.com/2016...810115e884.jpg

وصلنا فندقنا واحنا مانبي اي شي بس نبي الفراش طبقنا 24 ساعة بدون نوم
وهذا الفندق
مع اطلالة الغرفة
http://uploads.tapatalk-cdn.com/2016...1624b96845.jpg

http://uploads.tapatalk-cdn.com/2016...67a3994330.jpg
http://uploads.tapatalk-cdn.com/2016...89170e6228.jpg

الفندق مقبول نوعا ما
4 ايام
3 ليالي
ب228 رينجت
وانا ما اهتم للفندق كثير لان شباب وبنكون برا الفندق غالب الوقت
لكن للامانه طاقم الستقبال متعاون جداً واي شي نطلبه يتوفر

نمنا للساعة 9 ونص ( قبل 3 ساعات يعني لان الحين 12 ونص بتوقيت لنكاوي )
ورحنا تعشينا بمطعم السلطان
طبعا اتصلنا على محمد وودانا مطعم عربي اسمه السلطان فيه عمال مصريين فيه
http://uploads.tapatalk-cdn.com/2016...7c1d8bb6aa.jpg

المطعم جنب التلفريك
ولا تسالوني عن الحساب لان الجوع كافر اللي معاي دفع
ورجعنا الفندق

والحين بننام عشان نكمل الصبح بنشاط اكثر لان تقريبا يومنا راح واحترق بالمطارات

ملاحظات ؛ مطار دبي لا يعلى عليه

* عجبني بمطار كوالا ان كان فيه زحمة قوية
ومع هذا كان فيه طفل مع عائلة سعودية تعبان ويصرخ ويبجي ( يبكي ) وخذوا العائلة ومشوها قبل الكل

* مطار لنكاوي دخول الطيارة للعوائل والاطفال اول والمضيفات الله لا يوريكم .. نفسية سيئة
* الجو رطب واللي بالكويت ينزلون سناب وتغريدات ان انت من رحت من الكويت ، المطر هل علينا .. واضح الموضوع ضدي [emoji174] واني كنت نحس ( اللهم صبا نافعا )
*
تصبحون على خير ليوم جديد / وسامحوني ع الاطالة واذا في اي سؤال حاضر



أرسلت بواسطة iPhone بإستخدام Tapatalk

آخـــرفـــرصـــة 07-11-2016 08:56 PM

ياهلا و مرحبا فهد

أعجبتني صورة البرج لقطة جميلة
مطار دبي و كوالالمبور مانختلف عليها تعامل راقي

الطيران الماليزي عموماً اختلف كثير في السنين الاخيرة
و فقد الكثير من العملاء

بداية قوية و جميلة
كثير يحتاج مثل هذي الرحلات الاقتصادية

متابعين

فيصل 07-11-2016 10:37 PM

حمدلله علي السلامه

الله يعيين علي الرحلات الترانزيت

كان ريحتم في لنكاوي أو أنت من قاعدة خل التعب مره وحده

توبليرون 08-11-2016 12:23 AM

الحمدلله على سلامة الوصول
السامسونغ صح حتى فلاي ناس قالو نفس التحذير
حتى بوحسين قال لي تلفونج 7 قلت له بس انا ايفون وهم يبون سامسونغ

مطار دبي كبير وحلو واسواق بس اهتمام مافي للمسافرين وخاصه لما يغيرون البوابابات
واذا بغيت سيارة غولف عاد تعال خل السايق الهندي يركبك
ما يركب الا الهنود

علشان جذيه انا احب المطارات الصغيره
انزل من سيارتك واركب طيارتك ههههه

المهم الفندق باين عليه حلو بس ننطرك تعطينا الصور عقب ما تصحصح
بالعافيه العشا ومتابعين للآخر

fahad_q8 08-11-2016 12:46 AM

اقتباس:

المشاركة الأصلية كتبت بواسطة آخـــرفـــرصـــة (المشاركة 281531)
ياهلا و مرحبا فهد

أعجبتني صورة البرج لقطة جميلة
مطار دبي و كوالالمبور مانختلف عليها تعامل راقي

الطيران الماليزي عموماً اختلف كثير في السنين الاخيرة
و فقد الكثير من العملاء

بداية قوية و جميلة
كثير يحتاج مثل هذي الرحلات الاقتصادية

متابعين


هلا بك اخوي اخر فرصة .. صورة البرج عند مدخل المطار
الخضار اللي حوالينه شي رهيب .. بس بهاليوم لا تطلب مني صور حلوة لان فعلا صورت اي كلام من التعب اللي كنت فيه
وبتبشر بصور غيرها احلى كثير

صحيح اتفق معاك الناس بس تبي توصل للمنطقة الثانية فما تعلق

منورني استاذي وشكرا ع الدعم

fahad_q8 08-11-2016 12:49 AM

اقتباس:

المشاركة الأصلية كتبت بواسطة فيصل (المشاركة 281567)
حمدلله علي السلامه

الله يعيين علي الرحلات الترانزيت

كان ريحتم في لنكاوي أو أنت من قاعدة خل التعب مره وحده

الله يسلمك يالشيخ
قصدك ريحنا بكوالا

لان وصلنا مطار كوالا وبعدها على طول حجزنا رحلة للنكاوي

صح كلامك بس حلات العاصمة تكون اخر شي لانك مردك لها ولمطارها

فمرة وحدة على قولتك خل التعب بالمرة
ومنورني

fahad_q8 08-11-2016 12:54 AM

اقتباس:

المشاركة الأصلية كتبت بواسطة توبليرون (المشاركة 281599)
الحمدلله على سلامة الوصول
السامسونغ صح حتى فلاي ناس قالو نفس التحذير
حتى بوحسين قال لي تلفونج 7 قلت له بس انا ايفون وهم يبون سامسونغ

مطار دبي كبير وحلو واسواق بس اهتمام مافي للمسافرين وخاصه لما يغيرون البوابابات
واذا بغيت سيارة غولف عاد تعال خل السايق الهندي يركبك
ما يركب الا الهنود

علشان جذيه انا احب المطارات الصغيره
انزل من سيارتك واركب طيارتك ههههه

المهم الفندق باين عليه حلو بس ننطرك تعطينا الصور عقب ما تصحصح
بالعافيه العشا ومتابعين للآخر

منورة اختي ام حسين .. فعلا ضربة قوية للسامسونغ

بالعكس بمطار دبي بالمترو كان في هندي وصلنا للمكان اللي نبي وركب معانا الموتر

صادف معانا ان امس او قبله العيد الوطني الاماراتي فكان المطار مو زحمة مستغرب عكسنا

بإذن الله اكيد بترس الصور بفوني بس لان وصلت العصر الفندق فما كان لي مزاج الا للنوم وقعدنا ع الليل

شكرا لتواجدج

توبليرون 08-11-2016 01:50 AM

لا انا كانت تجربتي لووعه بمطار دبي

المهم مبروك على تغيير الأسم

من ميلاني الى فهد

أبن السلطنة 08-11-2016 06:29 AM

حمدلله علي السلامه

الرحلات الترانزيت متعبه

منتظرين منك الابداع :e303:


الساعة الآن 11:17 AM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO