|
رحله اقتصاديه لماليزيا (كوالالمبور - بينانق ) من ٤ الى ١٨ نوفمبر السلام عليكم ورحمه الله وبركاته اول موضوع و اول مشاركه في منتدى للسياحه والسفر واقدم الشكر لجميع الاعضاء لاني كنت ببحث في كثير من المنتديات قبل السفر وهنا لقيت جميع اجابات اسئلتي فقررت اشارك تجربتي في هذا المنتدى . طبعا مشاركتي ممكن تكون بسيطه جدا بس اتتمنى يكون فيها فائده . بس حابه ابلغ الجميع انو ممكن اكون زي ام الاميليزي الصغير واكتب تفاصيل صغيره خارجه عن الموضوع اليوم كان اول يوم ليا بعد العوده والله الحمد الى جده طبعا صحيت من النوم وانا مو مستوعبه انو انا في سريري وكنت قاعده اسمع صوت موسيقى وانا نايمه فاتخيلت نفسي لسى في الطياره الماليزيه لان من عيوبهم بالنسبه لي بيشغلوا موسيقى اتوقع انها موسيقى جاز سوا في الطيران الدولي او الداخلي وحتى وقت الاقلاع موسيقاهم مستمره ونحن قاعدين نسمي بالله في هذا الوقت ونقرا دعاء السفر وطبعا من عيوبهم الثانيه مواعيد الخطوط الماليزيه دايما فيها تأخير في وقت دخول الطائره وهذا الشي بيأخر الاقلاع وهذا صادفني في جميع رحلاتي معاهم وبعدين بفصلكم كل شي وعيبهم الاكبر اجلوا رحلتي وقدموها اكثر من ثلاثه مرات وسألت السواق الخلوق الاخ عبدالرحمن وقال ممكن يكون السبب انو الاداره اتغيرت وصارت اجنبيه . طبعا بعدها اكتشفت انو جوالي كان جنبي وشغل موسيقى وقرررت اصحى ولقيت الكل نايم بديت افتح الشنط واشوف الهدايا وابدا اوزعها لكل عيله بعد ما خلصت لقيت باقي وقت قررت اسجل في المنتدى وابدا اكتب الموضوع مع اني كنت حابه اخلي كاتبه الموضوع بعد فتره بس اتوقع الاستفاده بتكون اكبر الان التنقلات http://www.arabtrvl.com/vb/284326-post7.html http://www.arabtrvl.com/vb/284338-post9.html تطبيقات مفيده في السفر http://www.arabtrvl.com/vb/284348-post13.html تجهيزات للسفر http://www.arabtrvl.com/vb/284588-post22.html مشاكل شركه السياحه وخطوط الطيران http://www.arabtrvl.com/vb/284845-post27.html يوم السفر و الوصول http://www.arabtrvl.com/vb/284994-post34.html السبت ٥ نوفمبر http://www.arabtrvl.com/vb/285695-post51.html الاحد 6 نوفمبر http://www.arabtrvl.com/vb/286971-post62.html الاثنين ٧ نوفمبر http://www.arabtrvl.com/vb/292545-post89.html الثلاثاء ٨ نوفمبر http://www.arabtrvl.com/vb/293995-post105.html الاربعاء ٩ نوفمبر http://www.arabtrvl.com/vb/295984-post114.html الخميس 10 نوفمبر http://www.arabtrvl.com/vb/296297-post121.html الجمعه ١١و السبت ١٢ نوفمبر https://www.arabtrvl.com/vb/297550-post130.html |
وعليكم السلام ورحمة الله وبركاته بإنتظار التفاصيل الجميله |
عليكم السلام تشرفنا بنضمامك لفريق منتدى المسافرون العرب وننتظر تقريرك عن ماليزيا |
عليكم السلام ورحمة الله وبركاته هلا وغلا فيك نحن بالإنتظار بإذن الله أرسلت بواسطة iPhone بإستخدام Tapatalk |
عليكم السلام ...الحمدلله على سلامتكم وعلى نجاح رحلتكم.. منتظرين تفاصيل الرحله بشقف.. |
الحمدلله عالسلامة..ننتظر ملاحظاتك من ناحية الموسيقى لازم نعرف ان هذي ثقافتهم..في المطعم في الفندق في الطائرة في الشارع وياريتها رايقة �� |
قبل لا ابدا تفاصيل كل يوم حابه اسوي ملخص للبرامج او المواقع اللي استخدمتها واستفدت منها في السفر في المواصلات والتنقلات في كوالالمبور وبينانق من مطار كوالالمبور الى السكن والعكس كان مع الاخ عبدالرحمن وتم اخذ الرقم من موضوع ام الاميليزي الصغير وشكرا لها لانها سهلت الموضوع خصوصا انو نحن كنا خمسه اشخاص والتكاسي من المطار ما كان حل عملي طبعا تم الاتفاق معه قبلها بشهر تقريبا على حجم السياره والسعر ب ١٢٠ ومن ميزاته انه يحب يعطي تفاصيل الاماكن اللي نمر فيها وينفع مرشد سياحي وطبعا مع الكلام عرفت انه دارس اعلام وانه اشتغل كاتب في جريده بس مع الازمه في التسعينات قرر يشتغل لحسابه وهذا رقمه 0060133268353 التنقل من كوالالمبور الى بينانق اربعه اشخاص بالطيران الماليزي ذهاب وعوده ب ٧٢٥ رينجت = ٦٨١ ريال وتم الحجز عن طريق موقع الخطوط الماليزيه اون لاين ببطاقه الفيزا وكان في وقتها عروض لاني حاولت في نفس الوقت اسوي نفس الحجز عن طريق موقع الطيار وكان فيه فرق كبير في السعر تقريبا ١٠٠٠ ريال الوالد ما كنا متاكدين اذا بيقدر يسافر او لا فبعد ما وصلنا حجزله الاخ عبدالرحمن كان سعر الذهاب والعوده ب ٧٧ كان المحطه القريبه علينا في كوالالمبور TBS واقرب محطه لمطار بينانق Sungai Nibong Express Bus Terminal وقبلها حاولت انفذ الحجز عن طريق برنامج easybook بس كان في مشكله مع بطاقتي وما ضبط الحجز بس بعد ماحجزت تذاكر الطيران اتمنيت لو حجزت باص لانه اسرع من روحه المطار و مشوار المطار والانتظار في المطار والسبب الثاني جمال الطريق من كوالالمبور الى بينانق https://i.ytimg.com/vi/iy_fKn_iL80/maxresdefault.jpg من مطار بينانق الى محطه الباصات الى السكن كان باوبر والتكلفه ب ٦٥ https://encrypted-tbn0.gstatic.com/i...LBIQ2TUqKsYTqw في الرجعه كان موعد الرحله 10:40 الصباح واليوم اللي قبله كلمني عبدالرحمن اذا حابين نرجع معاه لانه جاي مع عيله لبينانق وانه بس بياخذ مبلغ المطار بس انا رفضت وطلبت منه ياخذ شنط السفر وهذا الشي ساعدني وقت الذهاب للمطار لان قبلها حاولت اتواصل مع سواق وكان طلبه ١٢٠ رينجت بحجه ان ما حلاقي اوبر في الصباح وهذا صحيح يوم السفر صحينا بدري استخدمنا باص رقم ١٠١ او ١٠٢ مو متأكده لمبنى كومتار تذاكر لخمسه اشخاص ب ١٣.٥ رينجت ومن هناك طلبت اوبر وكان وقت ذروه ولمحطه الباصات ومن هناك للمطار ب ٣٦ رينجت https://lh3.googleusercontent.com/GX...8TFQp_r14=w300 جربت برنامج جراب والحلو فيه انو لو استخدمت (Grabcar(Economy بيحددلك سعر محدد وتدفعه بس سوا كان فيه زحمه او حادث او اخذ السواق لفه طويله استخدمته لما رحت لسن وي لاقون http://www11.0zz0.com/2016/11/19/16/146857671.jpeg طبعا انا وقت ما ابغى اختار بين جراب او اوبر كنت بفتح قوقل ماب وبحط الموقع اللي ابغاه وبختار خيار المواصلات ويطلعلي جراب واوبر ومقارنه في الاسعار واختار الافضل http://www11.0zz0.com/2016/11/19/16/669798278.jpeg رحت جنتنق من محطه pudu وكان اختياري لها لان اتوقع تكون فاضيه عكس محطه كي ال سي سي واخذنا باصات go genting وتلفريك ذهاب وعوده لخمسه اشخاص ب ١١٠ افموسا مع عبدالرحمن ب ٣٥٠ ولما كلمت شخص ثاني كان نفس السعر طبعا جربت الباصات المجانيه في كوالالمبور http://1.bp.blogspot.com/-mq2ShFAJl2...0_16213055.jpg هذي خريطه الباصات المجانيه واماكن التوقف طبعا ركزوا على السهم وطريقه مشيه عشان بتفرق اي محطه تناسبكم وقت الذهاب او العوده طبعا هيا اربعه خطوط الازرق والاخضر والموف هذي كلها بتوقف عند بافيليون الخط الاحمر هذا عشان يستخدمه لازم استخدم الباص الازرق وتنزل في محطه توقف وتبدل مع الاحمر طبعا كل باص له محطه اساسيه يبدا منها و يوقف فيها مثلا الباص الاخضر محطه الرئيسيه klcc بتلاحظوا في الخريطه ان على المحطه دائره صفرا طبعا فكره المحطه الاساسيه ان الباص بيوقف فيها وينتظر ١٥ دقيقه الين الباص يتملى طبعا الركاب اللي كانوا في ذا الباص يخرجوا ويطلعوا للباص اللي من اول قاعد ينتظر يتملى وتلاقيه سريع يمشي هذا غالبا لو كان الباص فاضي واوقات معينه يكون عندهم بريك ملاحظه الجمعه والسبت الباصات تتوقف الساعه ١ الصباح وباقي الايام اخر باص يكون الساعه ١١ المسا طبعا في الموقع حقهم حاطين ان الباصات كلها توقف الساعه ١١ بس في اماكن محطه التوقف حاطين الساعه ١ الصباح |
وعليكم السلام ورحمة الله وبركاته الحمد لله على سلامة الوصول وإن شاء الله رحلة موفقة بإذن الله ...الطيران الماليزي كانت لي تجربة معهم عام ٢٠٠٤ ولكن بالنسبة لنا تضل الخطوط السعودية هي الأفضل رحلات مباشرة وخدمة ممتازة ومكان مخصص لأداء الصلاة متشوقين لقراءة التفاصيل ومعرفة المزيد |
اول مره استخدمت الباص سألت عن اقرب محطه لباص go kl ورحتلها وقعدت انتظر الباص وكل ما جا الباص أسأل اذا هذا الباص الموف ويقولوا لا طبعا المحطه طلعت للباص الاخضر وطلع كل باصات قو كي ال لونها موف بس فيها شاشه من فوق يطلع اش لون الباص زي كذا http://www.m5zn.com/newuploads/2016/...6e5fd1595b.jpg وعند كل محطه يبين لك اش الباصات اللي تجي لدي المحطه زي كذا http://www.m5zn.com/newuploads/2016/...d0e910a54b.jpg طبعا كمان في المحطه تعتبر اساسيه اللي في شارع العرب واسمها بوكيت بنتانق جنب مطعم اتوقع اسمه مندي حضرموت هذي بتوقف عندها الباصات الخضرا والموف والزرقا وفيها شاشه تبين كم باقي لكل باص عشان يوصل المونوريل استخدمته من برجايا تايمز سكوير لمحطه بوكيت بنتانق للتجربه صراحه وكان جدا رخيص كان سعره لاربعه اشخاص ٥.٢٠ رينجت القطار استخدمته للاي سيتي بس ما اقدر افيدكم لاي محطه رحت لان كنت مع صحبتي طالبه سابقه في ماليزيا وهيا سوت كل شي واستخدمت قطار لبوتراجايا من محطه كي ال سي سي الشخص ب ١٤ رينجت التكاسي ما استخدمتها الا مره او مرتين وكان واحد فيهم اسلوبه استغلالي وقت ماجيت ادفع الحساب الين طلعت الفلوس خلال العداد شغال وخلاني ادفع المبلغ الجديد طبعا هذي اغلب المواصلات اللي استخدمتها طبعا من مطار كوالالمبور لما جربت السعر التقريبي في اوبر كان مبلغ كبير بحكم بعد المطار وبحتاج اطلب اوبر xl فكان الحل العملي التواصل مع سواق وعكس بينانق جزيره صغيره المطار ما يعتبر جدا بعيد |
اقتباس:
اقتباس:
اقتباس:
اقتباس:
اقتباس:
اقتباس:
|
| الساعة الآن 06:49 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO