منتجع camar أو منتجع Best star في لنكاوي
 

ابي رايكم في هذين المنتجعين
محتاج غرفتين
الاولى بالغين وطفلين ( انا وزوجتي واطفالي )
والثانية 3 بالغين (امي واخي واختي)

حصلت منتجع camar وبسعر 3300 ريال
اما منتجع Best star وبسعر 1200 ريال

السعر فارق كبير مافيه شك
لكن احتاج مشورتكم بالأفضل والاكثر انشطة وقربه للبحر

لا هنتو :e33a:

ياهلا


فندق كامار
جديد لسى فاتح من فتره قريبه جدا وهو فندق اربع نجوم على البحر


فندق بست ستار

فندق اقتصادي ومستهلك للي يبي سكن رخيص للنوم



انصحك تشوف فندق هوليدي فيلا فندق اربع نجوم واقتصادي وفيه غرف مجدد مؤخرا ومقبول اكثر من بست ستار وسعره ضمن ميزانيتك وسيوجد عندهم استوديو مع اريكه تتحول لسرير





تم الإرسال من SM-G935F باستخدام Tapatalk

شكرا لك

قرأت عن منتجع فيلا انه سيئ عبر مرتادي بوكنج وتعليقاتهم

كيف تشوفه اخي الكريم

مستوى هوليدي فيلا مع بيست ستار واحد الفندقين اقتصاديين ومستهلكين ومع نقطه لصالح هوليدي فيلا اذا عطوك غرف مجدده قبل خمس شهور سكن فيه احد الاعضاء وقال مناسب من حيث النظافه مع انه

انصحك خلك على فندق كومار جديد وموقعه قريب من الخدمات والمطاعم والمنطقه الحيويه


مشكلة لانكاوي في منتجعاتها
يا اما نظيفه وفخمه وغاليه او مستهلكه واقتصاديه ورخيصه لكن للنوم فقط

لانكاوي طبيعه الجزيره غابات وبحر فيكثر فيها الحشرات والوزغ بحكم طبيعتها لذلك الافضل تاخذ مكان زين
وغير كذا لانكاوي جزيره هاديه من الساعه 6المغرب انت بالفندق فاحب يكون على البحر تساهد الغروب في مكان مرتب
طبعا هذي وجهة نظري وفي ناس تخالفني وتفضل الاقتصادي عن نفسي اشدد على النظافة في الفندق لاني اخاف على عيالي


ممكن تاخذ فندق ايديا رخيص واقتصادي وقريب من الخدمات لكن مو على البحر
وفي فندق جديد بعد اسمه فندق داش قريب من كومار لاكن اغلى منه



تم الإرسال من SM-G935F باستخدام Tapatalk

حجوزاتي بعد تنسيق الرحلات الداخلية
4 أيام كوالا
3 بيننج
3 لنكاوي
يومين سلانجور او كوالا

ممكن تقترح لي برنامج بارك الله فيك
علما انه انا معي زوجتي وطفلين
وامي واخي واختي

ياليتك كاتب الموضوع قبل تحجز رحلات داخليه

لان نفضل نحط سيلانجور اول الجدول لان فيها الالعاب المائيه واقرب للمطار
وكوالالمبور تكون اخر الجدول لان فيها بيكون اغلب التسوق ومولات وبعض الفعاليات البسيطه لانك اخر الرحله يخف نشاطك شوي
وغير كذا 12يوم قليله وكان الافضل تكتفي بثلاث مناطق
سيلانجور ....جزيره بينانج او لانكاوي ...كوالالمبور
اريح


شوف بقترح عليك
اول اربع ايام تقسمها اول يومين سيلانجور
وبعدين يومين كوالالمبور
واخر يومين كوالالمبور

مع اني ماحب التنقل كثير لكن احس كذا انسب



لكن حصل خير والخيره فيما اختاره الله ممكن تخلون اقامتكم كلها بكوالالمبور في البدايه والنهايه وتخصص يوم للالعاب المائيه وبراميد مول ببداية الرحله ويوم لزيارة بوترجايا ومول الماريز والاي سيتي اذا حابين

تم الإرسال من SM-G935F باستخدام Tapatalk