|
ساعدوني بجدول شهر العسل السلام عليكم اخوكم جديد ع المنتدى قرأت كثير من المواضيع فحبيت اكتب موضوع تساعدوني فيه طبعا ان شاء الله زواجي في نهاية شهر ديسمبر . ناوي اني اسافر لمدة 15 يوم تقريبا من يوم 29-30 ديسمبر الى 15 يناير . ان شاء الله وجهتي الى ماليزيا ويومين او ثلاثه في بالي من خلال قرائتي لكثيرمن المواضيع عن ماليزيا طلعت بخط سير قابل للتغيير لو في احد يشوف انه غلط طبعا السفر راح يكون من المدينه المنوره ان شاء الله. سيلانقور (يومين)-لنكاوي(4)-كوالا (3)- بالي(3) وممكن ارجع على دبي كم يوم بالنسبه للفنادق : سيلانجور : ذا فيلا - صنواي لاقون لنكاوي: لافيلا -ذاويستن كولا: ماندارين اورينتال بالي : بلاك بيني فيلاز أوبود بالنسبه للشريحه من خلال المنتدى قالولي ان افضل شريحه ماكسس طبعا اذا تشوفون في شي افضل ياليت لو تقولوه وهل ممكن اواجه اي مشكله بما ان الزوجه راح تكون بحجاب و نقاب كامل . شاكر لكم مشاركتكم |
طبعا انا نفسي اروح بالي بس بحثت في الطيران طلع صعب ان بالي تكون بنفس الخطه هذي ماادري ايش رايكم |
اقتباس:
ممكن بحاله واحده ان يكون الجدول سيلانجور ....ثم...لانكاوي ...ثم .. كوالالمبور ..ثم....بالي ....ثم ....جاكرتا العوده منها للوطن وتستغني عن دبي لان كوالالمبور تكفي وزياده بالنسبه لشهر السفر يعتبر موسم في ماليزيا والدنيا زححححححمه بسبب راس السنه الميلاديه وراس السنه الصينيه اقترح عليك تاجل السفر على الاقل تكون البدايه من 7يناير تكون اخف بالزحمه بالنسبه لفندق لانكاوي ( لافيلا )ما انصحك فيه لانه بمنطقه داخل الغابات ويكثر فيه الحشرات والوزع (البرص )وذلك مو داخل الفله الفله نظيفه لكن المسبح مكشوف من فوق ومنها تدخل الحشرات وايضا بعيد عن البحر وتحتاج تتفق مع سياره علشان تطلع لان ماحولك اي خدمات لامطاعم ولا غيره هذا الخيار حلو للي بيسكن ليله وحده للاسترخاء ولا يطلع من السكن الا الى المطار اما ذا ويستن ممتاز بما انك شهر عسل المده 14يوم اقترح تكتفي بماليزيا وتخلي تقسيمك ليلتين سيلانجور الخيار اللي اخترته جدا ممتاز لكن غالي اذا ميزانيتك تسمح خلك عليه اقصد الفلل اما صنواي ريزيدنت ممتاز وفي بديل هو براميد صنواي اذا صارو اللي قبل غالين اربع ليالي لانكاوي منتجعات كثيره وحسب ميزانيتك ممكن نرشح لك اربع ليالي بينانج الافضل تسكن بشارع باتوفرانجي والخيارات كثي افضلها للعرسان شانغريا راسا اربع ليالي كوالالمبور خيارك جدا ممتاز بالتوفيق تم الإرسال من SM-G935F باستخدام Tapatalk |
بالنسبه للحجاب الكامل فان ماليزيا واندونيسيا دول اسلاميه ومتعودين على الحجاب الكامل وخصوصا ان لهم سنوات طويله بالسياحه ومتعودين على السعوديين والخليجيين هناك بالتوفيق تم الإرسال من SM-G935F باستخدام Tapatalk |
اقتباس:
بالنسبه للجدول الاول احسه مرهق شويه ف ممكن اكتفي بماليزيا فقط واذا في وقت راح اروح دبي اما بالنسبه للميزانيه ماحددتها للان بس ممكن تكون حول ال20-25 الف وللاسف ماقدر اغير وقت السفر لاني مرتبط بدوامات. بانتظار اقتراحاتكم |
وايش رايكم استخدم اوبر وقراب او استأجر سواق خاص |
الميزانيه جدا مناسبه بالنسبه للمواصلات متوفر جراب بيوفر عليك اما اوبر شرته شركة جراب وانا رايي افضل وافر من السايق الخاص ويغنيك عنه بالنسبه للحجوزات لو تخلصها من الان افضل شوف سعر الرحله المباشره من المدينه المنوره الى كوالالمبور هلى الخطوط السعوديه الانطلاق 30ديسمبر الساعه 11:55 منتصف الليل والوصول الواحده طهرا تاريخ 31 والعوده 15يناير الساعه 3للعصر للوصول 7 العشاء والرحلتين مباشره بالنسبه لحجز الطيران رايي تنتظر الى اليوم الوطني السعودي لان تنزل خصومات وعروض في اليوم الوطني اذا صار في خضم اغتنم الفرصه واحجز https://uploads.tapatalk-cdn.com/201...749823e321.jpg تم الإرسال من SM-G935F باستخدام Tapatalk |
يعني الطيران الدولي 4500ريال مصروف يوكي ومواصلات 500* 15= 7500 ريال تقريبا حط 8000 ريال باقي 12000 ريال للفنادق والطيران الداخلي تم الإرسال من SM-G935F باستخدام Tapatalk |
اقتباس:
|
انصحك تستعجل بحجز الفنادق لان خذت لفه سريعه بتواريخ سفرك فوجدت ذافيلا سيلانجور فل مافي حجز لافي بوكينج ولا اجودا وايضا لانكاوي كنت بنصحك تاخذ ثلاث ايام في فندق كامار لانكاوي وليله في فله بمسبح في ذاويستن لكن الفندق فل وقت سفرك والكلام عن موقعين اجودا وبوكينج وحاولت اعدل الجدول بحيث يكون الفنادق متوفره 31-2 ليلتين سيلانجور في صنواي ريزسدنت 2-6 اربع ايام بينانج 6-9 ثلاث ايام لانكاوي فندق كامار 9-10 ليله لانكاوي فله ذاويستن بمسبح خاص حسب هذا الترتيب راح تلقى حجز بهذا التاريخ بالفلل 10-15 اربع ليالي كوالمبور الخيارات كثيره انصحك ماتاخذ غالي لان اغلب يومك خارج السكن فاسرع بحجز الفنادق من الان والطيران الداخلي وقارن الاسعار في موقع الحجز مثل اجودا وبوكينج وهوليدي مي والمسافر وفلاي ان وراسل شركه ماليزيه وشوف اي سعر مناسب لك لكن خل حجوزاتك قابله للالغاء افضل قارن الاسعار قبل كل شي بالتوفيق تم الإرسال من SM-G935F باستخدام Tapatalk |
| الساعة الآن 05:13 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO