|
اخر جدول لي باذن الله رايكم ارجو للخبيرين الدخول السلام عليكم كيف الحال كتبت موضوع قبل https://www.arabtrvl.com/vb/t38622.html بخصوص الجدول والايام واتضح لي ان الايام شوي والجدول كثير طبعا السفرة لشهر عسل فهذا ماحجزت اوخططت حاليا وحبيت اعرف رايكم بالفنادق وايش الفعاليات اللي تمشي اليوم :13: ومثل ماتعرفون جدولي الوصول 10 /12 /2018 والعوده باذن الله 19/12/2018 جدولي كالتالي فندق وسبا ذا فيلاز أت صن واي ريزورت الدخول 12/10 والخروج 12/12 ثم الذهاب الى بينناق منتجع بارك رويال بينانغ 5 نجوم الدخول 12/12 والخروج 12/15 ثم الذهاب الى كوالا لمبور فندق تريدرز كوالالمبور 12/15 والخروج 12/18 ومن ثم الذهاب الى بورت دكسن فندق ليكسيز هيبيسكوس بورت ديكسون الدخول 12/18 والخروج 12/19 سؤالي 1 ايش الفعاليات في سيلنجور وفي كوالالمبور وفي بينناق و بورت دكسن بحيث اقضي على اليوم بالكامل 2 رايكم بالفنادق حلوه او لا 3 القرية الفرنسيه ومرتفعات جنتنق كم تبعد من كوالا لمبور 4 التنقل فكرتي بواسطة برنامج grap شرايكم حلو او لا علما باني ببدا باستعماله من المطار 5 اخيرا وليس اخر انا من الشعب اللي ما اقدر اكل اكلات غريبه زي اكلات ماليزيا فهل بعاني من هالشي او ترشحوني على مطاعم معينه 6 سمعت المطار الدولي له وزن معين بالحقائب والمطار الداخلي اير اسيا له وزن ثاني صح او لا 7 بخصوص الهدايا ومحلات الشوكليت والشاي والكافي وين محلاتهم وسعرهم الحلو 8 سمعت اقدر ارجع الضرائب من المطار شلون وكيف الطريقه هل احتاج فواتير ولا ايش بالضبط ودمتم بحفظ الله :69::69::69::69: |
للرفع ماشاء الله 18 مشاهده ؟ |
اقتباس:
|
فندق وسبا ذا فيلاز أت صن واي ريزورت الدخول 12/10 والخروج 12/12 الوصول : اذا كان الوصول الصباح ياليت تتاكد من ساعه وتاريخ الوصول والاغلب الوصول الصباح بعد ماتخلص من المطار واستلام الامتعه تحتاج ساعتين تقريبا ومن المطار الى الفندق ساعه بتوصل الفندق على 11 ونص تقريبا وعلى ماتستلم الفله وترتاح الى العصر الخروج والتوجه الى المارينز مول واذا كان مغادرتك المغرب فتوجه الى الاي سيتي اليوم الثاني 11 التوجه الى ملاهي صنواي بعد الفطور وقضاء الوقت هناك وبعدها اذا تحتاج ترتاح ارجع الفله وارتاح وبعدها الى براميد مول القريب منك اليوم الثالث 12 يفضل حجز رجلة الظهر الى بينانج التوجه الى المطار قبل الرحله بساعتين ونص الوصول الى بينانج العصر واستلام الفندق والراحه وبعدها استكشاف المنطقه حول الفندق وخدماته الشارع اللي يقع عليه الفندق حيوي جدا كل المطاعم والخدمات فيه وسوق الليل كن حريص على نقودك فيه واسعاره اغلا من السابق ثم الذهاب الى بينناق منتجع بارك رويال بينانغ 5 نجوم الدخول 12/12 والخروج 12/15 اليوم الرابع 13 حديقة الفواكه والفراشات والتوابل ثم الى هضبة بينانج ثم الى جورني بلازا اليوم الخامس 14 الصباح الى معرض القهوه والشوكولاته ثم رحله الغروب (حجز الرحله من احد المكاتب اللي في شارع باتو او من مكتب الكونجريس اللي بالفندق او في مكاتب على البحر توفر رحلات ) اقرى عن الرحله قبل الحجز فيها اذا عجبتك اعتمدها والعشاء باحد مطاعم اللي عند الفندق او مرض القهوه والشوكولاته ثم الغداء في برج كومتار ثم الى البيت المقلوب ثم بيت العجائب ثم العشاء باحد المطاعم في شارع الي خلف الفندق اليوم السادس 15 السباح التمتع بالشاطئ والاسترخاء بالفندق والتوجه الى المطار قبل الرحله بساعتين يفضل رحلة الظهر او العصر الوصول الى كوالالمبور والتوجه الى الفندق والراحه ثم التوجه الى البرجين والنافوره ويوجد اكواريوم ومول سوريا (klcc ) ثم الذهاب الى كوالا لمبور فندق تريدرز كوالالمبور 12/15 والخروج 12/18 اليوم السابع 16 اليوم مخصص لجينتينج ( حديقه الفراوله ثم التلفريك والصعود الى جينتينج ثم القريه الفرنسيه ) اليوم الثامن 17 التوجه الى التايم سكوير هو الافضل بالتسوق ومتنوع واذا تبي ماركات عالميه في مول البارفيلون اليوم التاسع 18 الفطور بالفندق التوجه الى البورت ديكسون ومن ثم الذهاب الى بورت دكسن فندق ليكسيز هيبيسكوس بورت ديكسون الدخول 12/18 والخروج 12/19 بفضل ان تشتري من كولالمبور سناكس واشياء بسيطه احتياط علشان اذا احتجت سناك تلقاه موجود الاكل بيكون من الفندق لان ماحولك خدمات تستاهل تطلع لها بيكون استرخاء والتمتع بالخدمات اللي يقدمها المنتجه اليوم الاخير 19 يفضل الحجز المسبق للمواصلات سواءا من الفندق او سايق خاص والتوجه الى المطار قبل الرحله ب 4 ساعات ساعه طريق و3 قبل االرحله بالمطار لقص البوردينج وشحن الامتعه القهوه او الشوكلاته قول للمعرض وضبطها لك وقت ماتشتريها لسفر هم بيفهمون اعرف صديقه لي شالتهم معاها بالطياره ضمن 7 كيلو لكن تاكد من شروط الخطوط اذا تقبل هذا الشي التوجه الى المطار للعوده للوطن بالتوفيق |
اقتباس:
|
بارك الله فيك |
اقتباس:
الله يعطيك العافيه مشيت على الجدول ولله الحمد أموري طيبه والله يبارك فيك سوالي اتضح لي بيننانق قريبه من الكاميرون حول 250 كيلو سوالي هل تعرفين فندق حلو مستوى فنادق اللي اخترت ووين التمشيه فيها وهل يوم يكفيها او يومين ؟ والله يعطيك العافيه مقدما :48: |
الكاميرون متوسطه بين بينانج وكوالالمبور ولا تستطيع الذهاب لها الا عن طريق الباص او السياره طريقها جبلي ومتعب شوي لان فيه تعوجات والتواءات واذا بتزوره فالافضل انك تاخذ تكسي اوسياره بسايق تتفق معاه او باص الباصات ممتازه لكن بالنسبه لعدد ايامك جدا قليل على انك تضيفها وبيصير مرهق الذهاب اليها يعني كلها 9ليالي ليلتين سيلانجور ثم ثلاث ليالي بينانج ثم ثلاث ليالي كوالالمبور وليله بورت ديكسون كذا التنقلات كثير ورايي اضافة الكاميرون ماله داعي لانه بيصير هجوله كل يومين بمكان والمده تسع ليالي هذا رايي ولك الحريه تم الإرسال من SM-G935F باستخدام Tapatalk |
هذا افضل خيار في الكاميرون http://www.booking.com/Share-2EXQSq اذا انت حاجز طيران من بينانج الى كوالالمبور وناوي تزوره من بينانج وترجع بينانج ما انصحك ابدا مرهق وماتسوى الافضل تكون من بينانج الى الكاميرون (المشوار ثلاث ساعات )ثم من الكاميرون الى كوالالمبور ( المشوار ثلاث ساعات ) وكلها عن طريق سياره بسايق او تكسي او باص ادخل قوقل ماب وتاكد من الوقت لاللي يحتاجه الطريق لانه جبلي متعوج رايي تستغني عن الكاميرون لرحله قادمه ان شاء الله يكون عدد ايامك اكثر وتنقلاتك اقل بالتوفيقى تم الإرسال من SM-G935F باستخدام Tapatalk |
الف مبروك ياعريس الاخت عشقي السفر ماقصرت بس جدول بينانغ انا افضل يوم الوصول الفندق وبعدها. الهضبة وبعدها المرور بمحلات الكوفي والعشاء في الجورني بلازا اليوم الثاني جولة الباص السياحي والتوقف عند الفراشات والتوابل والفًواكه وبحير السد وبعذها اكمال الجولة والنزرل عند محطة برج كومتار والغداءهناك بماك ثم صعود البرج ثم العودة للفندق اليوم الثالث البيت المقلوب وبعدها الجورني بلازا تسوق وغداء والعصر الشاطي والانشطة البحرية اليوم الرابع المغادرة أرسلت بواسطة iPhone بإستخدام Tapatalk |
| الساعة الآن 12:30 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO