|
أول زيارة إلى ماليزيا السلام عليكم ورحمة الله أنا متابع للمنتدى منذ فترة حتى قبل التسجيل وقد أعجبني تفاعل الأعضاء وردود المشرفين وأصحاب الخبر مما حمسني للإنضمام للمنتدى لا أحب أن أطيل عليكم :3: أنا حاجز على ماليزيا في شهر يوليو القادم مع العائلة أنا وزوجتى ومعنا طفلان وهي أول زيارة لي الى هذا البلد مع العلم أن عدد الأيام هو 12 يوم من غير أيام السفر وأنا من محبي الطبيعة والجو البارد وقد قرأت عن كاميرون هايلاند وأعجبتني كثيرا وقررت أنها تكون من ضمن جدولي ياليت أخواني الأفاضل تعطوني أفضل تقسيم لهذه الأيام أنتظر تفاعلكم الطيب كما تابعتكم فالمنتدى والشكر موصول للجميع :3::3::3: |
عليكم السلام حياك الله يابو فراس تشرفنا بنضمامك الى فضاء العرب المسافرون يوم الوصول : سيلانجور 3 ايام لنكاوي 3 ايام بينانج 2 كاميرون هايلاند 4 ايام كوالا منها يوم تروح جنتنق وترجع في نفس اليوم |
الشرف لي طال عمرك بتواجد المميزين أمثالك ولا يهون باقي الأعضاء: طيب الله يسلمك أفهم من رسالتك أنه بمجرد الوصول أني راح أغادر على طول الى لنكاوي ياليت توضح !!! شاكر لك مجدداً تجاوبك معي |
الله يرفع قدرك يابو فراس لا ما تغادر على طول الرحلة طويلة ومعك اطفال صعب تطلع رحلة اخرى القصد يوم وصولك الى ماليزيا تروح منطقة قريبه من المطار اسمها سيلانجور تقضي فيها تلك الليلة ثم تغادر في الصباح الى لنكاوي في اي ساعة وصولك الى ماليزيا ؟؟؟؟ |
ويرفع قدرك لا عدمناك معليش أخوي ما أعطيتك تفاصيل رحلتي الإقلاع من جدة ان شاء الله في المساء الساعة 22:45 و الوصول الساعة 12:25 حسب ماهو مذكور في التذكرة |
طيب ممتاز جداً بأذن الله توصل في الوقت المحدد طيب حاول انك تحجز في فندق صنواي ريزورت او صنواي برميد في سيلانجور بصير المول جنبك والمطاعم موجودة في المول واذا مطعم عربي ايضاً موجود في اسفل دور في الفندق وصرافين العمله ايضاً موجودين في نفس المول الان يابو فراس اذا انت معجبك التقسيم نحدد لك بعض الفنادق في كل مدينة وانت اختار اللي يناسب ميزانيتك كذلك رحلات الطيران الداخلي ايش رايك طريقة التنقل بين المدن المذكورة في التقسيم سيلانجور الى لنكاوي طيران لنكاوي الى بيننانج طيران بينانج الى كاميرون هايلاند باص او سيارة خاصة كاميرون هايلاند الى كوالا باص او سيارة خاصه |
وعليكم السلام والرحمه ماقصر اخوي الردادي رايه سديد و لكن انا مااتفق معه بالرئي بما ان معاكم اطفال وودك تدخل الكاميرون بالجدول ارى ان من المرهق كثر التنقل وعدد الايام قليل اقترح تعطي كل منطقه حقها الوصول سيلانجور والاقامه ليلتين بينانج والاقامه 4 ليالي كاميرون هايديز ليلتين وكوالالمبور باقي الايام منها يوم زيارة جينتيج في سيلانجور منها يوم الوصول ترتاح لين المغرب وتنطلق الى الاي سيتي وثاني يوم تستمتع بالالعاب المائيه وباقي اليوم في براميد مول وثالث يوم مغادره بالطائره الى بينانج والانتقال من بينانج الى كاميرون عم طريق الباص او سايق وبكلا الحالات الطريق مرهق شوي بسبب كثرة الانعطافات ومن الكاميرون الى كوالالمبور ايضا باص او سايق انا استثنيت لنكاوي لعده اسباب اولها المنتجعات الفخمه الليرفيها مكلفه والرخيص منها ما انصح فيه والنشاطات اللي تناسب الاطفال موجوده في بينانج اكثر اذا اخترت جدو الردادي ما انصحك تسكن بمنطقة الصنواي لان الاغلب تسكنه علشان الالعا المائيه صنواي شوف لك فندق في برجايا قريب من الخدمات او بي منطقه شاه علم ويكون ارخص من الصنواي بالتوفيق تم الإرسال من SM-G935F باستخدام Tapatalk |
أخوي al-raddadi وأختي عشقي السفر ماتقصرون معاي ان شاء الله وأرائكم بالنسبة لي هي اللي ترسم لي الطريق في رحلتي أرجو أن تتحملوني أخوكم مربوش عارفين هذي أول مر أطلع العائلة ف ودي أغطي أفضل المناطق ومثل ماذكرت لكم في أول موضوع انه أنا أبحث عن الطبيعة أكثر وعلى فكرة سمعت عن رحلة المانغروف في لنكاوي وأعجبتني بصراحة المناظر وماودي أفوتها . للتوضيح بس دمتم بود |
ابو فراس اذا تتبغى جدول شامل فهو كما ذكرته لك واذا تبغى جدول روقان فهو كما ذكرته لك مشرفتنا القديره عشقي السفر لا ترتبش ولا شي الموضع ابسط من بسيط راح كون معك خطوة خطوة انت الان المطلوب منك حاجة وحده اختار لنا احد الجداول التي ذكرناها لك في الاعلى واذا ما قدرت تختار اي واحد عطنا الاشياء اللي تبغى تزورها ونعيد لك تقسيم الجدول على حسب رغبتك |
أول شي مبارك عليكم الشهر الفضيل جعلنا الله وإياكم من صوامه وقوامه أخوي al-radadi الله يرفع قدرك بصراحة المدن اللي ودي أزورها بعد ما قريت عنها في الكثير من المواقع وبعد توصية من بعض الزملاء اللي زارو ماليزيا قبلي هي : كوالا سواء (سيلانجور والا بوتراجايا والا شاه عالم ) و بينانغ و لنكاوي و كاميرون هايلاند وأنا حاب أزورها أعرف انه عدد الأيام قليل لكن الظروف تحكمك . رأيك ومشوررتك ثمينة جدا بالنسبة لي من غير قصور فالباقين وفيهم الخير والبركة تحياتي لك |
| الساعة الآن 03:54 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO