|
ماخاب من استشار ،،، فزعتكم في ترتيب الجدول ( احس اني ضايع ) السلام عليكم كما هو واضح في العنوان ، باقي تقريبا شهر على رحلتي لماليزيا ان شالله وحبيت استشيركم في جدول الرحله من ناحية توزيع الايام والفنادق الرحله طبعاً للترفيه مع العائله ( شخصين و٣ اطفال ) لمدة ١٢ يوم من غير الطيران على النحو التالي سيلانجور 3 ايام فندق صن واي ريزورت بينانج 3 ايام فندق قولدن ساندس لنكااوي 3 ايام ( محتاااااار جداً في فنادقها ) 1. فندق كامار ريزورت 2. فندق بيلانجي بيتش ( غير مسترد ) 3 . الويستن كثير اللي يمدحونه وما ادري اتوقع انه full لاني متاخر كوالا 3 ايام عندي حجزين وابي اكنسل واحد منهم وش رايكم الحجز الاول فندق قراند حياة الحجز الثاني شقق اسكوت الفندقيه لاهنتم ابي ارائكم في توزيع الايام والفنادق وفيه كم استفسار الله يعطيكم العافيه • وش افضل شركة طيران داخلي ( باقي ماحجزت ) • افضل وارخص موقع لحجز الالعاب المائيه sun way lagon ؟ • هل الانشطه في لنكاوي وبينانج متشابهه؟ او فيه فرق والله يعطيكم العافيه جميعاً،،، |
عليكم السلام ابو فيصل الفنادق ممتازه في لنكاوي خليك على بلانجي بيتش وفي كوالا شقق اسكوت افضل للعائله فيها مطبخ والشقه وسيعه توزيع الايام اشوف انك تأخذ يوم من سيلانجور وتضيفه لكوالا والسبب ان سيلانجور وكوالا مكان واحد الطيران الدخلي ايراسيا الاغلب يحجز عليه اقتصادي ولا بأس به بس انتبه لحكاية الوزن لازم تشتري وزن يكفي عفشك لان قيمة الوزن في المطار غاليه مره ارخص مكان لشراء التذاكر هو تطبيق klook تشابه الانشطة نوعاً ما لكن انت لا تكرر النشاط المتشابه لان الفرق ليس كبير اتمنى لكم التوفيق |
اقتباس:
•بيلانجي بيتش باقي ماحجزت ولقيت غرفتين ( غير مسترد ) وباقي ماحجزت يعني اتوكل على الله واحجز غير مسترد ،؟؟ احس انها مجازفه •هل شاطئ بيلانجي بيتش خاص ،؟ او الكل يستطيع الدخول له؟ • هل تنصحون باستئجار سياره في لنكاوي ،؟ •وش افضل مولات للتسوق وتكون اسعارها معقوله في كوالا ، وهل تنصحون بزيارة الحي الصيني مدري السوق الصيني ،؟ • رحلة المنغروف اذا كانت متوفره في بينانج ولنكاوي وين الافضل ،؟ الاستفسارات واجد وشكراً لكم مقدماً |
الله يعافيك يابو فيصل بالنسبه الحجز غير المسترد انت ادارى بظروفك اذا كنت معزم على السفر والأوضاع مستقره توكل على الله احجز لا الشاطئ عام للكل ايجار السيارة نعم انصح تجربه جميله جدا المولات في كوالا كثير عندك مول ميدفالي ميجا مول ممتاز وكل شي فيه الاسعار متفاوته اما السوق الرخيص نوعا ما هو تايم سكوير لا انصح بالسوق الصيني نهائيا رحلة المنجروف في لنكاوي فقط |
الله يعطيك العافيه ماقصرت طيب بالنسبه لاستئجار السياره في لنكاوي هل لابد يكون معي رخصه دوليه ؟ واستفسار اخر اذا كان هناك بعض الانشطه مكرره في سواءً في بينانج او لنكاوي او كوالا حتى وين الافضل ياليت تفيدوني اقصد مثلاً حديقة الفواكه وحديقة الفراشات والتلفريك وغيرها من الانشطه المتشابهه وشكرااااااااااااااااااااااااااااااااا:e303::e303:: e303: |
طلبوا رخصة اعطيتهم الرخصه السعودية وما قالوا شي اخذها وصورها بس وما طلب دولية حديقة الفواكة او مزرعة الفواكة الافضل في بينانج كذلك حديقة الفراشات الافضل في بينانج التلفريك في لنكاوي افضل من جنتنج بس سعره اغلى و مدة الرحلة في جنتنج اطول من لنكاي الاكوريوم في كوالا افضل من لنكاوي |
الله يكتب لك الخير |
أهلاً أبو فيصل ... موفق يالغالي ... عندما يتداخل معك مثل خبيرنا الردادي .. ثق بأن الإجابات مكتملة ودقيقة .. لم أجد ما أضيف لك إلا أصدق الدعوات بأن يسدِّد الله دربك .. |
شكراً ع الردود المفيده:e314: |
الله يعطيكم العافيه جميعاً باقي للرحله تقريباً شهر ، وبصراحه قمت اقرا عن جنتنق ومرتفعااات الكاميرون ومزارع الشاي وحاب اني اضيفهم لجدول الرحله فياليت تعطوني ارائكم عن اعادة توزيع الايام وهل تنصحون بزيارة المنطقتين او ازور منطقه واحده وماهي الفنادق الجميله للحجز ،، وهل سوق الاوت ليت في جنتنق يستحق الزياره ؟ وشكرررررررراً |
عدد الايام قليل يابو فيصل راح يكون عندك تنقل كثير ممكن متعب على الاطفال بالنسبة لجنتنج ما فيه مشكلة قريبه جنب كوالا تروح الصباح وترجع الظهر تقريباً اما الكاميرون تحتاج 3 ايام على الاقل يوم ذهاب و يوم مزارات الكاميرون ويوم عودة من الكاميرون هل جنتنج تغني عن الكاميرون ؟؟؟؟؟ لا هل الكاميرون تعني عن جنتنج ؟؟؟؟ نعم سوق الاوت لت اذا رحت جنتنج زوره لكن لا تتعنى على حسابه بشكل عام التسوق في ماليزيا غير مشجع الاسعار مرتفعه مثل عندنا اعادة ترتيب الايام اذا التزمت بحجوزات صعب تغيره |
اخوي الرداادي صراحه احرجتني بكريم اخلاقك وسرعة ردك الله يجزاك خير انت وباقي الاعضاء . طيب بما ان سفرتي بتكون بشهر 7 ميلادي وحسب ماقرأت ان هذا الوقت هو اقل نسبة امطار والطقس يكون حاار ورطب نسبياً ( كفايه الحرر اللي عندنا بالسعوديه " الحمدلله " ) نبي مناطق تكون باارده فبالتالي هل اكنسل جزيرة لنكاوي واكتفي بجزيرة بيننج ويكون الجدول 3 ايام سيلانجور 3 ايام بيننج 3 ايام للكاميرون هاي لاند ( بدلاً من لنكاوي ) 3 ايام كوالا ماهي نصيحتكم ،،، واعذروني ع كثرة الاستفسارات :e032: |
للمعلوميه جميع حجوزاتي في الفنادق ( الدفع عند الوصول) |
لا احراج ولا شي نحن هنا اخوه عندي وجهة نظر مختلفه انا اشوف ان بينانج هي التي يمكن الاستغناء عنها بالنسبة للنشاطات السياحية لانها اغلبها لها بديل في لنكاوي وكوالا لو ابغى اعيد ترتيب جدولك راح يكون كذا بدون يومي الوصول والمغادرة 1 سيلانجور ( تطلع متأخر في اخر اليوم اذا تبغى ملاهي الصنواي لاقون) 3 ايام لنكاوي 2 ايام بينانج ( تطلع من لنكاوي بدري بيحث توصل الى بينانج الظهر على الاقل والعصر تزور قطار الهضبه ) 3 ايام الكاميرون 3 ايام كوالا الجدول فيه تنقل كثير ممكن يكون متعب على الاطفال |
جزاكم الله خير على المعلومات القيمة |
| الساعة الآن 04:47 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO