|
السفر الى ماليزيا او اندونيسيا كشهر عسل السلام عليكم يعطيكم العافيه شايف الموقع مليان مواضيع تغني من انزل الموضوع هذا بس من كثر الموضيع الى في المنتدى بدى مخي يفصل وتضرب فيوزاته انا ابي اسافر شهر عسل لمده 15 يوم يزيد او ينقص يومين على حسب الميزانيه الى يشدني لاندونوسيا ان واحد من الشباب سافر لها شهر عسل ورتب لي خطه سياحيه حلوه بس اشوف ماليزيا مواضيعها احلا ما ادري احس اني قاعد الخبط في الكلام الى قلته فوق لاكن زبده الكلام ابغى لي جدول سياحي بالفنادق والترفيه لمده 15 يوم من واقع تجاربكم والف شكرا لكم |
توكل واحجز على ماليزيا دوله متطوره وبنيه تحتيه افضل من اندنونيسيا يومين سلانجور -فندق صن واي لاقون اربعه ايام جزيره لانكاوي فندق - اديا لانكاوي هوتيل اربعه ايام جزيره بينانج - فندق هارد روك او فندق بارك رويال خمسه ايام بكوالالمبور -فندق بارك رويال او ماريوت يتخللها يوم لزياره مرتفعات جنتنج هايلاند عند حجز الفنادق اخبرهم انه شهر عسل ورحله موفقه ان شاء الله |
اقتباس:
انا طبعاً بحجز عن طريق بوكينق ولا المسافر ما ادري كيف اقول لهم انه شهر عسل وابي لي مرشد سياحي في المدن الى قلتها لي فوق |
عليكم السلام الف مبرووووووووووووووووك الزواج الله يوفقكم ويتمم لكم بخير ماليزيا بلد جميع ومتطور وتنفع لشهر العسل كذلك اندونيسيا بلد رااااااااااااااائع وجميل الطبيعه فيها مسكته من الاخر والفنادق والمنتجعات والفلل كلها متوفرة بأسعار معقوله جداً انت االان اختر البلد وابشر بالمساعدة في الترتيب انا ارشح لك اندونيسيا بس اهم شي متى توقيت الرحلة ؟؟؟؟؟؟؟ |
اقتباس:
أمين الله يبارك فيك وعقبال باقي العزابية :3: وقت السفر بيكون في بدايه شهر يناير في يوم 6 او 7 طبعاً الوقت هذا جداً سي على ما بحثت في النت دول شرق اسياء بيكون عندهم موسم أمطار أما دول اوروبا بتكون صقيع و ثلوج فتخبصت عندي الامور اشوي لاكن الله ييسر الامور |
طبعاً الامطار ما تهمني ابداً لاني من ديره من جنوب السعوديه وطوال الصيفيه تكون فيها امطار وسياسه المطر من وجهة نظري ثلاث ايام بالكثير وانت طفشان منه خاصتاً اذا كنت تبي تتمشا |
اقتباس:
ماتحتاج مرشد سياحي بيزيد عليك التكاليف البلد واضحه مثلا عند وصولك مطار لانكاوي من المطار عند الوصول تلاقي مكاتب ترتب لك كل البرنامج السياحي خلال الاقامه مع المواصلات والرسوم وكل شي الامر سهل جدا |
ربي يتمم لك على خير أخوي أنا أشوف ماليزيا كشهر عسل أفضل لك من زحمة أندونيسيا ماليزيا متطورة جدا وفيها الكثير من الأنشطة المتنوعة وراح تنبسط فيها باذن الله والخيار لك أخي تحياتي وتقديري |
الله يعطيكم العافيه جميع وشكراً على تفاعلكم |
ترى عادي تقدر تروح من ماليزيا لاندونيسيا .. مو لازم تقعد بدوله وحده مثلا تقدر تروح لجزيرة بالي كم يوم من كوالالمبور ذهاب وعوده .. ثلاث ساعات وشوي بالطياره اقترح عليك لو 15 يوم اربع ايام بكوالا .. وبعدين للمطار تروح لنكاوي تقعد ثلاث ايام .. ثم ترجع لمطار كوالا .. وحاول تحجز رحله لبالي من كوالا بعد وصولك من لنكاوي بثلاث ساعات .. عشان تركب طيارة لبالي ترانزيت .. وبعدين تقعد ببالي 5 ايام .. وبعدها ترجع لماليزيا كوالا يومين تتسوق او اذا تبون هدايا طبعا الحجوزات من موقع اير اسيا .. والاسعار موضحه فيها ورخيص.. لكن انتبه من وزن الامتعه لان كل شخص 7 كيلو واذا تبي تزود وزن في وقت الحجز .. لان بيصير غالي عليك بعدين يعني يبيللها تخطيط وتركيز .. وسوي اللي يناسبك |
| الساعة الآن 12:48 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO