|
تخطيط سفرتي لماليزيا ( أول زيارة ) السلام عليكم ورحمة الله وبركاته أخواني وأخواتي أعضاء المنتدى الكرام الله يعطيكم ألف عافية على كل اقتراح كل مساعدة كل رد علي أو على الأعضاء حميعاً ولله الحمد استفدتم من المنتدى ومنكم في كل رحلاتي وخصوصاً رحلة شهر العسل لإيطاليا :e50f: قبل 3 سنوات ونص تقريباً وبدوري حاولت أفيد كل من استفسر عن الدول اللي زرتها سابقاً فكلمة شكراً قليلة في حقكم.. كعادتي ومتعتي انسق للسفر قبل وقت طويييييل من موعد السفر عشان اقدر اقرر واعدل واختار السفره بروقان واقتناع :e419: هالمرة قررت السفر لماليزيا :62: أعضاء الرحلة أنا وزوجتي وبنتي ( بيكون عمرها في وقت الرحلة سنتين و 10 شهور ) ولله الحمد لا انا ولا زوجتي قد شفنا ماليزيا فعشان وقع الاختيار عليها :72: قريت تقريباً جميع مواضيع ماليزيا ورحلات واستفسارات الأعضاء ومن تجاربهم كونت لي فكرة ومخطط لسفرتي واحتاج رايكم فيه موعد السفر من 1 أكتوبر إلى 16 أكتوبر الخطوط السعودية ( الرياض - كوالالمبور - الرياض ) دايركت :e01d: تاريخ السفر 1 أكتوبر تاريخ الوصول 2 أكتوبر ( ضروري التأكد من تاريخ الوصول عشان مايضيع عليك حجز يوم كامل) مخطط الرحلة: سيلانجور ليلتين فندق وسبا صن واي ريزورت (2 أكتوبر إلى 4 أكتوبر) طيران على الخطوط الماليزية إلى لنكاوي لنكاوي 4 ليالي منتجع وسبا ذا ويستن لنكاوي (4 أكتوبر إلى 8 أكتوبر) فيري إلى بينانغ بينانغ 3 ليالي منتجع بارك رويال (8 أكتوبر إلى 11 أكتوبر) سيارة خاصة إلى كوالالمبور كوالالمبور 5 ليالي فندق بانيان تري كوالالمبور (11 أكتوبر إلى 16 أكتوبر) طبعاً تم حجز الفنادق مع إلغاء مجاني تحسباً للظروف راح استخدام برنامج قراب في التنقلات في كوالالمبور و الاتفاق مع سائق بالساعة في بينانغ و لنكاوي قبل موغد السفرة بيتم حجز الطيران الداخلي و الفيري تم احتساب مصروف يومي تقريباً 8000 ريال اسفتساراتي هي: 1- المخطط ممتاز أو يحتاج تعديل 2- انا متخوف من الطيران الداخلي هل تنصحون فيه أو التنقل يكون بالفيري (العبارة) :12: 3- بغيت ترتيب للأماكن الترفيهية موزعه على الأيام 4- المصروف اليومي كافي مع دخولية الفعاليات والأكل والتسوق الخفيف ؟ وفي الختام اعذروني على الموضوع الطويل حسيت انه تقرير رحلة مو استفسار ولكن حبيت حتى غيري يستفيد من هذا المخطط :1: |
وعليكم السلام ورحمة الله ابو طلال نورت قسم ماليزيا وعسى تستفيد من الخبراء هنا اهنيك على التخطيط الجيد للرحلات واختيارك لماليزيا ان شاء الله اختيار موفق وترجعلنا بتقرير طيب يفيد الشباب 1- اقتراحي لخط الرحلة: سيلانجور: ترتاح فيها بعد السفر يومين جدا مناسب لنكاوي افضل البقاء 5 ليالي بدل بينانج بصراحة لنكاوي جدا جميلة وجوها ممتاز للأستجمام وفيها اغلب المناشط السياحية بينانغ ليلتين مناسبه لأن المدينة متحضرة ومباني وازدحامات عن تجربة مافيها شي مميز ممكن فقط هضبة بينانج كوالالمبور 5 ليالي يوم جنتيج يوم بترجايا اوقات لشوبينج 2- الطيران الداخلي افضلك بدل مشقة الفيري ترتيب الأماكن اقترحلك تابع جدول الأماكن السياحية وتختار الفعاليات الي تناسبك وحرص لاتكرر المزارات https://www.arabtrvl.com/vb/t1485.html وهذا تقريري السياحي جديد ممكن يفيدك https://www.arabtrvl.com/vb/t1485.html 3- مصروف يومي 8000 ريال لتسوق خفيف يكفي ان شاء الله وكل المدن بإمكانك التنقل فيها عبر تطبيق جراب او ماي كار بنسبة للمطاعم اذا كنت نفسي ماتحب تجرب اشياء جديدة:32: اقترحلك تبحث عن اماكن مطاعم عربية من اقتراحات المنتدى وايد بيفيدك |
الفيري متعبة جدا و خيار سيء ابعد عنها وخليك عالطيران الطيران الداخلي مرتب و المطارات حلوة كتير اذا كان بالإمكان الغاء سلانجور و المتابعة برحلة داخلية مباشرة لتكسب ايام اضافية في كوالالمبور |
اقتباس:
يعطيك ألف عافية أخوي أبو مسلم على ردك بخصوص اماكن الترفيه انا مسوي لسته لجميع الأماكن للمدن ولكن مشكلتي ماعرف مواقعها وقربها من بعض عشان كذا بغيت مساعدة بترتيبها وباذن الله راح ادخل الروابط اشوفها وبالنسبة للمطاعم بالعكس الكثير يحذر من المطاعم العربية بسبب السعر الغالي والجودة الضعيفه فعشان كذا مقرر راح تكون فاست فود مابين ماك وبيتزا هت واللي مثلها :e120: وما يمنع تجربة بعض المطاعم الجديدة :1: |
اقتباس:
باذن الله التنقل بيكون طيران داخلي وعن طريق الخطوط الماليزية انا كنت متخوف من الطيران الداخلي لأني لست من محبين الطيران بشكل عام:12: اما بخصوص اقتراحك بمتابعة الرحلة للنكاوي انا احسها صعبه شوي لسببين: 1- لا قدر الله لو تأخرت رحلة الخطوط السعودية أو ألغيت تحت أي ظرف من الظروف هنا 2- بتكون مره متعبه خصوصا الرحلة من الرياض لكوالالمبور ساعاتها طويله وغير كذا معي طفلة :40: |
صحيح متابعة الرحلة ممكن يكون صعب وشاق بس طالما رحلتك مباشرة من السعودية فبتكون اسهل علما مطار كوالا مريح كتير وفيه سبا مساج و كل وسائل الراحة بالتوفيق |
اقتباس:
ولكن بافكر بإقتراحك الله يعطيك ألف عافية:58: |
Up Up :58: |
اقتباس:
اتفق معك وبقوة |
مصروف يومي 8000 ريال !!!!؟ ماليزيا غالية لهالدرجة ؟ |
[جدولك جميل جدآ ومرتب لكن اتمنى تعيد التفكير بالفيري متعب جدآ جدآ واغلب الي يطلعوا يجيهم دوار البحر حتى مع الحبوب بالنسبة لويستن لنكاوي اتوقع افضل خيار لكن لاوصلت هناك تقدر تكلمهم يعطوك ليلة بالفيلا الخاصه وفيها مسبح رووووعه من افضل تجاربي دفعت ٧٠٠ زيادة واخذتها |
اقتباس:
برأيي لشخصين وطفل تكفي وزيااااااااادة لكل فعاليات اليوم لمدة اسبوعين مع تسوق انا سافرت بمبلغ 13000 ريال شامل كل شيء ( طيران , تسوق , ..... ) لمدة 14 ليلة بمنتجعات اربع نجوم |
الجدول مرتب ترتيب جيد .. فقط تجنب الفيري .. واخذ الطيران للتنقلات الداخلية أفضل .. ! اعتقد 500 الى 600 ريال تكفيكم مصروف يومي .. يمكن تقل أو تكثر بحسب نشاطات اليوم . بالتوفيق . |
الباتو فرينجي ممتع جدا في بينانج تقدر تشوف تقريري اللي ماكملته 🤐 الويستن لنكاوي روعة روعة سكنت فيه 4 ايام بس فعلًا كان الوضع بالليل لمحبين السهر مافي نشاطات أو اي شي حتى مطاعم مافي الأكل العربي حلو بالمطاعم مو نفس ماسمعت وحتى الفاست فود حلو الفيري مزعج ومتعب ولا ينقال عنه تجربة حلوة الطفل كل ما تملل أزعجك حاول ندور الشي اللي يريحه بالفندق والنشاطات المشتركة |
اقتباس:
وان شاء الله بتكون رحلة داخلية من سيلانجور للنكاوي ثم رحلة ثانيه من لنكاوي لبينانغ لاني جربت الفيري في اليونان بين الجزر وكان الوضع متعب شوي وان شاء الله باجرب نصيحتك الله يعطيك العافيه |
اقتباس:
ولكن حبيت اخذ فكرة تقريبيه والمبلغ لازم تزود فيه شوي تحسباً لأي ظرف لا قدر الله فقط |
اقتباس:
الله يعطيك العافية ولكن كان ودي ارتب أيام الاماكن الترفيهية بحسب قربها من بعض وان شاء الله اشوف التقارير وارتبها |
اقتباس:
الله يعطيك العافيه باشوف ان شاء الله الباتو فرينجي مع ان تقييم بارك رويال كان ممتاز على موقع بوكينج وبالنسبة لويستن لنكاوي الحمدلله انا من محبين القومه بدري والروقان فاتوقع راح ينفع ان شاء الله بالنسبة للفيري خلاص باذن الله صرفت النظر عنها والاطفال اكثر شي شايل همه في الطيارة اما الباقي سهالات ان شاء الله |
| الساعة الآن 12:19 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO