|
ماليزيا شهر عسل السلام عليكم … يا إني ضعت من المواضيع الجميلة في المواضيع المثبتة، طبعاً اللي فهمته أن أغلب المواضيع لأشخاص تكررت زيارتهم لماليزيا، وأنا ماعمري تعديت دول الخليج 😶، سؤالي واستفساري للأشخاص اللي سبق وتكررت لهم الزيارة لماليزيا وش تقترح لشخص رايح لها أول مره وشهر عسل، مدة رحلتي تقريبا 13 يوم في يوليو اللي هو شهر 7 وحاب اجرب اغلب الاشياء الحلوه العب وازور اشياء جميله واتسوق قبل ارجع للوطن. أعتذر على التكرار لكن محتاج اقتراحاتكم ووفقنا الله وإياكم وجزاكم الله كل خير على ماتقدمونه. |
وعليكم السلام ورحمه الله وكل عام وانت بخير خطط رحلتك على التالي يومين بسلانجور ومن ثم الانتقال الى جزيره لانكاوي بالطائره على خطوط اير اسيا لمده ثلاثه ايام وبعدها الذهاب الى جزيره بينانج اما بحرا او طيران وهو الاريح وقضاء 4 ايام ومن ثم العوده الى العاصمه كوالالمبور بالباص او طيران وقضاء المده المتبقيه بالعاصمه |
وعليكم السلام ورحمة الله وبركاته,,, الف مبروك والله يتمم لك على خير , واختيارك موفق لماليزيا والمدة 13 يوم من وجهة نظري المتواضعه جداً ممتازه .الناقل الجوي عندهم 3 خطوط مرتبه حسب الافضل من خلال تجربتي لها. 1/ الخطوط الماليزيه. 2/ خطوط إير اسيا. 3/ خطوط إير فلاي. بخصوص الانتقال من بينانج إلى لنكاوي أو العكس فيه عن طريق الطيران ومدة الرحلة 50 دقيقة تقريباً وفيه العبارة ومدة الرحلة 3 ساعات تقريباً , بالنسبة لي طيران أفضل. توزيع الايام: يومين سيلانجور فندق (صن واي لاجون) لان مدينة الالعاب المائية موجودة فيه بالاضافة قريب منه مول يعني ما تحتاج تروح أي مكان. ثلاثة أيام بينانج فندق (بارك رويال) مقابل الفندق انشطة بحريه. أربعة أيام لنكاوي منتجع (بيلانغي بيتش ريزورت) مقابل له أنشطة بحريه. أربعة أيام كوالالمبور فندق ومساكن بولمان كوالالمبور سيتي سنتر عن شارع العرب 5 دقايق مشي تقريباً, وإذا حاب تسكن في شارع العرب راجع لك. بخصوص الفنادق أعلاه ذكرتها بحكم تجربتي لها شحصياً , وزياراتي لماليزيا كانت عام 2011 و 2012 و2014 يعني أكيد صارت تطورات جديدة وأن شاء الله توافينا بتقرير مفصل عشان نستفيد من التطورات اللي صارت. |
اقتباس:
اقتباس:
الله يجزاكم كل خير ياخوان ويكتب اجركم 🌹🌹 |
اقتباس:
وعليكم السلام ورحمة الله وبركاته تحيه طيبه وكل عام وانت وانتم بخير مبروك ياعريس والله يتمم على خير كوالالمبور العاصمة (تحتاج اقامة طويله فيها اكثر من ١٠ مولات كبيره + الذهاب الى جنتق (مع تحديث العابها ومنطقة التسوق الجديدة انا اشوف اقامة يومين تكون تغطيتها جينتق منطقه مرتفعه وبارده والضباب يحوم من حولك ممتعه جدا فيها العاب جديده افتتحت حديثا وفيها مقاهي عده+ مول ضخم فتح قبل سنتين +أوت لت ممتع ) والاماكن السياحيه بكوالا كثيرة مثل زيارة البرجين بجانبها حديقة klcc وبرج منارة وعندك المناطق المشهور مثل شارع العرب وساحة ميرديكا والحدائق مثل حديقة الطيور و الحيوانات titwangsa وحديقة بيردانا وسلانغور فيها العاب مائيه صن واي لاجون ومدينة بوتراجيا تبعد عن كوالا نص ساعة تسمى العاصمة الاداريه انظف واهدى من كوالا وفيها فنادق و حديقة كبيرة وفيه جوالات سياحيه على البحيرة والاجواء في المساء جميله مع اضاءة الجسر . عندك مدينة بورت ديكسون مشهوره بمنتجع ليكزس المبني على البحر مثل جزر المالديف عندك مدينة ملاكا (مدينة تاريخيه فيها مباني من الاستعمار الهولندي وفيها متاحف وفيها شارع ليلي مشهور اسمه jonker street night market وفيه كمان منارة ملاكا تقدر تشوف المدينة من الاعلى وفيه فنادق مطله على البحر تقدر تستكشفها ليلة والأفضل المبيت فيها تبعد عن كوالا ساعتين وربع بالسياره وعندك مدينة جوهور باهرو من على الحدود مع سنغافوره تقدر تجمعها مع بعض (سنغافوره يلزم تأشيره للسعوديين) تكون اضافة جميلة لكن تحتاج ايام اكثر . تبعد عن كوالا بالطائره ساعه وبالسياره حدود ٣ ساعات ونصف الشق الاخر ولاية صباح تبعد بالطائرة ساعتين ونص فيها جبل كينابالو على ارتفاع ٤٠٩٥ متر وفيها جزر جميلة تستحق الزيارة يعني جمعت شيئين بوقت اعلى جبل واجمل جزر اما جزيرة لكناوي من اجمل الجزر (جزيرة سياحية بأمتثال )وفيها طبيعه جميلة وفيها هدوء ثلاث ايام إلى ٤ مناسبه و كافيه لها اما جزيرة بينانج (تعتبر مدينة وجزيره في نفس الوقت ) شعور خليط بين اجواء المدينة والجزيرة (يعني فيها الصخب الليلي ) وفيها الفعاليات الكثيرة ٤ ايام إلى ٥ ايام كافيه بالنسبه لي تعجبني ولو اجلس فيها ١٠ ايام مامل يعني لو سائح اول مره تزور ماليزيا اشوف تكتفي كوالالمبور (أو سيلانجور ثلث ساعه من كوالا + جنتق هايلاند ساعه بالسياره من كوالا ) لنكاوي بينانغ اذا كانت المده +14 يوم لو زيارة ثانية استكشف الولايات الاخرى ،ملاكا ، كلانتان ،جوهور ، ولاية صباح |
انا اشوف مثل ماتفضل ابوضي مشكوراً يومين صن واي لاجون ريزورت ٤ ايام لنكاوي أو بينانج عشان التنقلات وأفضل لنكاوي عشان الهدوء وفيها منتجعات رائعه ارشحلك بما انك عريس كاسا دلمار لنكاوي أصغر من الفندق عباره عن اقل من ٣٥ جناح لكن نظيف جدا وممتاز وفي منطقه حيويه شاطئ سينانج ولو الميزانيه مفتوحه عندك اسكن في فيلا الدانا أو فندق ريتز كارلتون جينتق تخصص لها يومين اذا حاب تتمتع بالاجواء البارده كوالا بقية الايام تسكن في فندق بافيليون مربوط بمول بافيليون فندق جديد وحديث وموقعه حيوي إذا تبغى لنكاوي وبينانج لامشكله انت اختار وحنا حاضرين بأفضل جدول ممكن |
اقتباس:
افكر بشكل مبدئي بالجدول هذا: 2 يوم سيلانغور 3-4 ايام لنكاوي 3-4 ايام بينانغ 4 كوالا لمبور هالايام طبعا غير يوم القدوم والعوده. لاتحرمنا رايك يالغالي والميزانيه لا والله مب مفتوحه تقريبا 20 الف غير التذاكر وممكن تزيد ل25. |
اقتباس:
ممتاز داخل بتشكيله هجوميه طيب رايك ٢ سيلانجور ٤ لنكاوي ٣ بينانج يوم جينتق أو يومين ٤ كوالا |
شوف مقاطع لألعاب جينتق الجديده وشوف الأجواء والاوت لت إذا عجبك احجز يوم او يومين والأفضل يومين لان بتجي من رحله من بينانج |
اقتباس:
ناقصني توصياتك بالاماكن والحجوزات وهل تسلسلي بالرحله سليم ولا تقترح تغيير والله يجزاك كل خير ياغالي. |
| الساعة الآن 07:46 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO