|
فيزا الراجحي السلام عليكم ي اخوان حابه استفسر عن طريقه الدفع سواء بالفنادق بماليزيا او المحلات والاسواق والصرف في ماليزيا يعني احول مثلا مبلغ سعودي بسيط لعمله ماليزيه وانا لسى في السعوديه قبل رحلتي بكم يوم واذ ايه كم المبلغ المسموح لي يكون عندي لاني سمعت في شي زي التعهد بعدم حمل مبلغ يتجاوز المدري كم عندهم واذ وصلت شلون اصرف ومن فين اعرف الاماكن الموثوقه لهذا الشيء يعنى احنا عندنا الصرافات وتطبيق الراجحي هم هناك كيف يسحبون فلوسهم 😂 ثانيا هل تكفى فيزا الراجحي العاديه هناك او بطاقه مدى العاديه وهل في كل عمليه شراء في البطاقه يخصمون مبلغ ؟ واذ يخصمون كيف اقدر اتلافى هاذا الشي ثالثا هل تطبيق الراجحي شغال هناك تحويل وعمليات بنكيه واذ في شخص بيحول لي مبلغ يطول على م يوصل ولا زي هنا ثواني حابه اعرف عشان قلت هذ تحويل دولي م ادري يمكن يتأخر؟ ان شاءالله انكم فهمتوا علي طرت هالاشياء في بالي قلت اتزهب بالدواء قبل الفلعه |
اقتباس:
حولي للدولار 1000 دولار ، ومبلغ بسيط رنجت بالكثير 500 ريال لرنجت أو اللي انتي حابته بس ما يزيد عن 10 ألاف دولار أنا أفضل MyBank بكل مكان متواجد وفي غيرها لو بتسحبون بس بياخذون عليكم مبلغ التحويل تطبيق الراجحي يعمل في أي مكان المهم الشريحة السعودية اللي عليها الرقم تكون شغالة عمليات الشراء لا يوجد عليها خصم أما السحب علي خصم تحويل العملة تحصلينه بكل مكان بشارع العرب في واحد بجاتب مطعم ناب وفي واحد أخر بالقرب من مول Lot10 هذي أنا إتعاملت معاها نصيحة طلعي بطاقة بنك البلاد أنا ندمانة إني ما طلعتها من زمان إستخدمتها لسفرتي الأخيرة لأسبانيا تقدري تختاري العملات اللي تبغيها وتحولي عليها وتحاسبين بعملة البلد الأمور سهلة وبسيطة وماليزيا بلد جميل وأهله لطيفين قبل تسافرين بلغي البنك للدولة اللي متوجهة لها |
ام احمد يعني بطاقه الراجحي العاديه والفيزا تبع الراجحي تفي بالغرض هناك؟ My Bank حق ايش بالضبط تطبيق الراجحي شلون بيشتغل معي والشريحه السعوديه م حتشتغل هناك؟؟ ايش الطريقه اخليها تكون شغاله عمليات السحب كم يخصم منها بحدود كم؟ عندي البلاد بس كيف الطريقه اللي تقولي عليها م فهمتها م عليش كثرتها عليك بس ودي افهم اكثر |
اقتباس:
*My Bank أحد البنوك في ماليزيا وأنا دايم أتعامل معاه في سفري لها إذا بسحب مبلغ مالي *الشريحة تشتغل بكل مكان بالعالم طالما ماهي مفصولة وتقدري تفعلي عليها خدمة التجوال الدولي حسب الشركة اللي منها شريحتك *أتذكر كل عملية سحب حول 35 ريال ممكن ألحين إختلفت *البلاد تفتحي التطبيق تطلبي بطاقة السفر وبعدها تروحي أي فرع في جهاز طباعة وتطبعي البطاقة وتفعليها من جهاز الصراف وتحولي عليها من التطبيق وتستخدمينها وبقلك شي مهم ما عليكي من الناس اللي تخوف من السفر وتهول الأمور أبد لا تخافين روحو وإستمتعو وجربو أشياء جديدة وإتعرفو على ثقافات كل شي بسيط وسهل بس خليكي حريصة من ناحية النصب وهذا الحمدلله بسيط ونادر في ماليزيا |
ما قصرت أم أحمد 1 طلعي بطاقة سفر بلس من الراجحي مجاناً وفيها 5 عملات رئيسية (الريال-الدولار-الدرهم-اليورو-الباوند) ثم نشحن محفظة الدولار وممكن نشحنها وحنا مسافرين من التطبيق كل ما اشتريت بالرنقت يسحب من محفظة الدولار بلا عمولة 1 دولار = 3.75 ريال سعر ثابت وهذي ميزة مهمة 2 بطاقة فيزا وماستركارد تستخدم لدفع حجوزات الفنادق والسيارات ان وجدت لأنها تحجز مبلغ تأمين يرجع للبطاقة بعد أسبوع من التشيك اوت وبعضها يرجع بنفس اليوم هذي البطاقات تأخذ عمولة حول 2.75% على كل عملية شراء لكنها تعطيك نقاط ممكن استخدامها في امازون أو صيدليات النهدي أوووو اذا بطاقة السفر تعطيني سعر منافس وأقل تكلفة خلال السفر بطاقات الائتمان تعطيني نقاط أقدر ابدلها مشتروات خلال أي رحلة من رحلاتي لابد يكون معي : 200 دولار كاش بطاقة سفر بلس بطاقة مدى العادية بطاقة فيزا أو ماستركارد بطاقة فيزا استخدمها للفنادق والسيارات واحطها في السيفتي بوكس بطاقة مدى اخليها دايم في السيفتي بوكس 200 دولار تستخدم للضرورة القصوى أو ارجع فيها للرحلة القادمة بطاقة سفر بلس اشتري فيها كل شيء واشحنها خلال سفري من التطبيق * ضروري تفعيل التجوال الدولي لاستلام الرسائل رحلة موفقة |
يعطيكم العافيه م قصرتوا |
| الساعة الآن 11:59 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO