استفسار بسيط حول سفرتي لماليزيا لو تكرمتوا 🙏🏻
 

السلام عليكم و رحمة الله و بركاته

كيف حالكم عساكم طيبين يا اخوان ؟ عندي استفسار وَلا تهونون بما إنكم أهل الخبر

انا حجزت لماليزيا شهر 6 القادم من تاريخ 2024/6/12 إلى تاريخ 2024/6/22 ( مدة السفرة 10 أيام ) على الخطوط الإماراتية

الجدول بيكون كالتالي :

كوالالمبور 4 ليالي في فندق Mandarin Oriental

ثم السفر بطيران داخلي لجزيرة Langkawi مدة 3 ليالي في فندق The St Regis

ثم العودة بالطيران الداخلي إلى كوالالمبور و الذهاب لمنتجع Sunway Resort مدة 3 ليالي

ثم الذهاب إلى المطار و العودة إلى الكويت الحبيبة

استفساري هو :

مدة إقامتي في مدينة كوالالمبور أول 4 ليالي هل أحتاج أن أستأجر سيارة و أسوق بنفسي ؟ ولّا التكاسي أفضل ؟

و جزاكم الله خير 🙏🏻

أكيد التكاسي افضل واذا بتحمل تطبيق جراب رح يوفر عليك وقت وجهد و مال

كوالالمبور للتسوق فخليها اخر الرحلة افضل لأنه الطيران الداخلي مافيه وزن

ممكن تبدأ بسلانجور ( سن واي لاجون) لأنها اقرب عالمطار من كوالالمبور و خليها ليلتين فقط

وبعدها لنكاوي 4 ليالي

وباقي مدة الإقامة في كوالالمبور

جزاكم الله خير ما قصرتوا معاي ، كلامكم مع قراءة بعض المواضيع فجميعكم تحثون على تطبيق Grap و فعلاً بعتمده

شكراً جزيلاً 🙏🏻

وعليكم السلام ورحمة الله وبركاته
ما شاء الله الأخوان ما قصروا بالرد الأفضل جراب
وجهة نظر أخرى أنصحك تخلي كوالالمبور أخر الأيام للراحة والتسوق

اخوي انصحك لا تستأجر سيارة في كوالا لمبور، زحمة وشوارعهم تصدع الراس فخلك على قراب افضل.

في لنكاوي ممكن تأجر سيارة لان شوارعها مافيها زحمة واسهم من كوالا.

انا حاليا ساكن في فندق mandarin oriental وانصحك نغيره اذا تقدر، الفندق جيد جدا لو كان بنص السعر لان القيمة مقابل الخدمة لا تستحق.

اذا تقدر تمدد بلنكاوي افضل لنكاوي جميييلة وفعاليات واكلها لذيذ عكس العاصمه صج صج جزيرة ولا بالخيال

وما انصح تسوق بالعاصمة زحمه الافضل برنامج قراب رخيص واريح ماشتكيت منهم بالعكس محترمين

رحلة سعيدة بإذن الله

هذي تعتمد عليك انت حسب رغبتك
اذا لك واهس في التجربه وقوقل ماب
واذا لا تبي تستمتع اجر سياره بسواق افضل لاستمتاع افضل والراي الك:e15a: