|
ماليزيا واختيار الفنادق / رأيكم يهمني حياكم السلام عليكم اخواني تم حجز الطيران لماليزيا عن طريق الخطوط الاماراتيه ولله الحمد 4 اغسطس الى 19 اغسطس 2015 وجاء وقت الفنادق والاختيار ولابد من نصائحكم قبل الحجز النهائي راح اكتب لكم الخيارات المتوفره عندي وخيارات المكتب السياحي اللي مريته اليوم لاني قلت ابشوف يمكن يكون عنده عروض واسعار حلوه ولكم الحكم طبعا ملاحظه انا مخطط اكون متوازن بالاختيار و السعر بمعنى لانكاوي تكون التوب بالفنادق مثلا والبقيه خاصه كوالا تكون اسعار مناسبه 500 ريال كمثال بحكم ان كوالا تسوق واغلب اليوم تكون خارج الفندق رأيكم يهمني ؟ عموما المدن والفنادق المقترحه اللي جمعتها شخصيا من خلال هالموقع و مواقع مشابهه بالترتيب على حسب جدول البرنامج: 2 ايام سيلانجور ( صنواي بايراميد ) 4 ايام لانكاوي (الدانا / ويستن لانكاوي / لانجي بتش / لانكاوي لاقون / رويال شولان / فيفانتا باي تاج ايلاند ) 3 ايام بينانق ( جولدن ساندس / شانجريلا راسا سيانق / بارك رويال / ذا فيو بيتش ) 2 ايام كاميرون ( كاميرون ايلاند / ليك هاوس / كوبثورين هوتيل / دي لافرنس / اكوتريال ) 4 ايام كوالا ( تريدرز / افاني سيبانغ / بيست ويسترن بريمر / شانغريلا هوتيل / جراند ميلينوم / ماريوت / رويال شولان ) المكتب السياحي واختياره 2 ايام سيلانجور ( صنواي 985 ريال لليله ) او عنده ( بايرميد 725 ريال لليله ) المشكله طيارتي بتوصل بحول لله لمطار كوالا الساعه 9:45 المساء فأحس ما تستاهل اخذ اول ليلة بهالمبلغ وانا بوصل متأخر فهل اخذ اول ليلة بالقرب من المطار فقط للنوم واليوم الثاني اختار اما صنواي او بايرمد ليله واحده فقط ؟ ابي رايكم 4 ايام لانكاوي ( الشيراتون 812 لليله اطلاله جزئيه على البحر) وسالته عن فندق الدانا اتذكر شخص يمدحه وحصلته في بوكينق فوق 1600 وعند المكتب 1450 ريال ليله واحده مارين فيوو اطلاله كامله على البحر ( هل يستاهل هالمبلغ واختاره ) 3 ايام بينانق ( جولدن ساندس 950 ريال ليله) وعنده ( شانغريلا 1000 ريال ليله) 2 ايام كاميرون ( كاميرون ايلاند 750 ريال ليله ) 4 ايام كوالا (بارك رويال 600 ريال ليله ) وسالته عن( تريدرز 722 ريال اطلاله على البرجين ) وبخصوص كوالا تنصحون الفندق يكون قريب من البرجين \وكم يبعدعن اماكن التسوق و المولات اذا كان قريب من البرجين ؟ او الافضل اكون قريب من شارع العرب رايكم جدا يهمني بانتظاركم اخواني ومشكورين مقدما |
رد: ماليزيا واختيار الفنادق / رأيكم يهمني حياكم وعليكم السلام ورحمة الله وبركاتة حياك وبياك اخي الفاضل بين اخوانك بالنسبة لفندق سيلانجور ( صن واي بيراميد فهو 4 نجوووووم وبشكل عااااااام مستواه طيب صن واي لاجون ريزورت 5 نجوم ومستواه ممتاز فنادق لنكاااااوي كثير الفخمه بعطيك هي بالترتيب 1- فورسيزون 2- ذا دانا 3- تانجون رهو 4- داتاي 5- ويستن 6- اندامان 7- كاسا دلمااااار 8- فيفانتا باي تاج ايلاند الدانااااا ممتاز من تجربه بس سعره صراحة ناااااااااار ياحبيبي نااااااااااار فنادق مستواها جيد جداً بلانجي بيتش ... ولاتقرب من فندق الشيراتون مستواه اصبح سيء للغايه كثير يذمووووووونه بالنسبة لفنادق بينانج الافخم على شاطئ الباتو فرينجي فندق الشانجريلا راسا 2- القولدن ساندس 3- هارد روك 4- بارك رويال 5- هوليدي ان 6- باي فيو الكاميرون افخم فندق كاميرون هايلاند ريزورت وعندك كماااااااان فندق ليك هااااوس كوالا افخم فندق جراند حيااااااه ... وفندق التريدرز رائع جداً وقريب من مول سوريا 4 دقائق بسيارة القولف تبع الفندق و 10 دقايق لو حاب تمشي الماريوت وجراند ملينيوم ورويال شولان على شارع العرب تقع ياليت اخوي تعطينا التواريخ كااااامله مشان نشوفلك الاسعار في مواقع الحجز ونقارن مع المكتب ... وهل اسعار المكتب شامله الضريبه |
رد: ماليزيا واختيار الفنادق / رأيكم يهمني حياكم اقتباس:
مشكور على الرد و التفاعل وتحديد الفنادق بالترتيب ما قصرت الموعد 4 اغسطس الى 19 اغسطس 2015 بالنسبه لضرائب الفنادق ما سألته لكن كان كاتب لي مجموع اسعار الفنادق حوالي 11 الف ريال فلو فيه ضرائب يبي يقولي ومعلومه اضافيه حجز الفنادق عنده اللي كتبتها لكم شامله الافطار و امكانية الالغاء بالنسبة لاول ليله واني اوصل بالليل 10 م ما ادري و شرايك بالحجز باول ليله هل تكون قريبه من المطار واليوم الثاني احجز بالفنادق الموجوده بسيلانقور؟ كوالا تفضل قريب من البرجين او من شارع العرب؟ المواصلات قالي تقريبا 3400 ريال كيف السعر ؟ |
رد: ماليزيا واختيار الفنادق / رأيكم يهمني حياكم لا لا تاخذ مواصلات كثير جداً ... ,,, المشكله الفندق اللي يقع في المطار ساماساما سعره غالي مو رخيص قريب من البيراميد ,,,بكره ان شاء الله نفيدك انا واخواني في الباقي بحول الله تعالى ... |
رد: ماليزيا واختيار الفنادق / رأيكم يهمني حياكم مادري أخوي بس أجوف الأسعار واااااايد غالية أقترح عليك تحجز من مواقع النت بنفسك أحسن وأوفر |
رد: ماليزيا واختيار الفنادق / رأيكم يهمني حياكم اخي الكريم لفت نظري شي اصححه لك : بارك رويال في بينانغ رويال شولان في كوالالمبور :(89): لا تحجز قريب من المطار غالي توكل على الله واسكن سيلانقور حتى لو هي ليله واخوي بو عمر ما شاء الله كفا ووفى كل شي ذكره انا اتفق فيه معاه الأفضل تبتعد عن المكاتب السياحية لأنها اكيد بتاخذ ربح منك ومو شويه بوكينق او المواقع الأخرى وايد مضمونه وواضحه جرب تحجز منها حجورات فيها الغاء مجاني وشامل الافطار السعر مذكور بدون الضرائب الا رويال شولان دائما سعره مشمول بالضريبه او الحجز الغير مسترد لما تكون واثق تماما من سفرتك باذن الله ودايما سعر الحجز الغير مسترد ارخص بكثير من الحجز للي فيه الغاء مجاني تقدر تقارن وتقرر حسب ميزانيتك ونحن بالخدمة لأي مساعدة او توضيح سفرة موفقه ان شاء الله |
رد: ماليزيا واختيار الفنادق / رأيكم يهمني حياكم اختي قصه حب ,,,,,,, موجود فندقين بالاسم ذا في كوالا بارك رويال ,,,, والثاني فندق اجنحة بارك رويال |
رد: ماليزيا واختيار الفنادق / رأيكم يهمني حياكم اخوي الكريم شفت لك بعض الاسعار من موقعي بوكينج واقودا وكانت كالاتي صن واي لاجون ريزورت ب 877 ريال شامل الافطار والالغاء ( بوكينج) صن واي بيراميد ب 608 ريال شامل الافطار والالغاء ( بوكينج) لنكااااااااااااااااااااااااااااااااااااااااااااااا وي ريباك ايسلاند ( فيفانتا باي تاج ايلاند) ديلوكس ع البحر الغاء مجاني بدون فطور ب 750 ريال ( اقودا) ديلوكس ع البحر شامل الافطار بدون الغاء مجاني ب 833 ( بوكينج) فرنجيباني فيلا ع البحر الغاء مجاني شامل الافطار ب 747 ( بوكينج) ايديا فندق جديد ماله تقريبا 6 شهور اقتصادي ونظيف جداً ( غرفه ديلوكس شامل الافطار والغاء مجاني ب 303 ريال يابلاش ويستن غرفة سوبريور غير قابل للالغاء وشامل الافطار ب 821 ( اقودا) ويستن غرفة سوبريور شامل الافطار وقابل للالغاء ب 1155 سعر مرتفع على اقل غرفه ويستن اطلالة جزئية ع البحر شامل الافطار بدون الغاء ب 1188 ( بوكينج) شيراتون لنكاوي فندق مستواه مقبول مع انه 5 نجوم ولكن في السابق كان ممتاز وفقد امتيازه من عام 2009 تقريباً غرفة اطلالة جزئية ع البحر بدون فطور وشامل الالغاء ب 769 ( اقودا) كاسا دلمااااار فندق ممتاز وعدد الغرف تقريباً 35 فقط جناح مطل ع البحر شامل الافطار والالغاء ب 1070 ( اقودا) بينااااااااااااااااااااااااااااااااااااانج قولدن ساندس ديلوكس ع البحر شامل الافطار والالغاء ب 765 ( بوكينج) غرفة اكزاكتيف ع البحر شامل الافطار والالغاء ب 847 ( بوكينج) الفرق بين الغرفتين ( الديلوكس من الدور الاول الى الرابع ) ( اكزاكتيف من الدور الخامس الى السابع) هوليدي ان غرفة ع البحر مبنى الشاطئ شامل الافطار بدون الغاء ب 531 ريال ( بوكينج) كوااااااااااااااااااااااااااااااااااااااااااالا تريدرز ع البرجين الغاء مجاني بدون فطور ب 640 ريال ( تريدرز في اقودا وبوكينج بدون فطور الا في غرفة الكلوب) رويال شولان غرفة ديلوكس شامل الافطار والالغاء ب 430 ( بوكينج) اجنحة بارك رويال ( جناح استوديو ) شامل الافطار والالغاء ب 522 |
رد: ماليزيا واختيار الفنادق / رأيكم يهمني حياكم الاخوان واﻻخوات ما قصروا ما شاء الله هنيئا لنا وللمنتدى بتواجد هذه الكوكبة من النجوم بيننا |
رد: ماليزيا واختيار الفنادق / رأيكم يهمني حياكم هلا بالغالي انصحك بالتالي البراميد و لنكاوي عن تجربة شخصيه ريباك ايلاند بينانج جولدن ساندس الكاميرون هايلاند لا تدور غيره كوالا تريدرز لا يعلى عليه و موقعه جميل جداً و سعره معقول جداً و اذا تبي شي ارخص في e&o ارخص و احدث. |
رد: ماليزيا واختيار الفنادق / رأيكم يهمني حياكم االف الف شكر للكل ما قصرتوا على المعلومات والمساعده شكر خاص ايضا لاخونا ابو عمر انا هاليومين تقريبا انهيت اختياري وابي رايكم بشكل عام واذا فيه ملاحظات ما استغني طبعا الخطه بحثت الفنادق اللي ابي ب بوكينق وسجلت اسعارها وبكره بحول الله ابرؤح لمكتب XXXXXXXXXXXX واقارن ايهم اقل واتوكل على الله الاسعار ادناه بوكينق شامل الفطور و امكانية الالغاء شخصين شهر عسل سيلانجور بايرمد 600 ريال لليوم لانكاوي الاول مورتوس 1390 ريال اطلاله على المسبح ( مكانه قريب من المطار لكن هذا من توصيه احد الاقارب راجع من ماليزيا و يمدح فيه سألته عن الازعاج بحكم قربه من المطار قال لا يوجد ازعاج ) الثاني ويستن 1450 ريال اطلالة جزئيه الثالث الدانا حصلته في بوكينق حول 1700 واتذكر عند مكتب XXXXXXXXXXXX اطلاله كامله 1450 ريال بينانغ جولدن 580 ريال بدون اطلاله شانغريلا راسا لم اجد افطار و الغاء مجاني الا بغرف الاطلاله السعر 986 ريال كاميرون كاميرون ايلاند 700 ريال ديلوكس كوالا تريدرز 860 اطلاله البرجين 700 بدون اطلاله قراند حياه اطلاله 1280 والارخص ما فيها فطور ولا اطلاله ب 855 قبل اختم لانكاوي يهمني فيها فقط الاطلاله والمكان البقية فقط للنوم و المكان المرتب والاطلاله غير مهمه الا في حالة تقارب الاسعار مثل ما شفتوا في فندق تريدرز ملاحظه هل تأيدون اختار امكانية الالغاء او دفع دون استرداد ويكون السعر اقل طبعا؟ كم تكلفة الطيران الداخلي و التنقل بين المدن تقريبا يهمني اعرف المبلغ تقريبا لان المكتب قالي 3400 واحس غاليه ؟ ما قصرتوا حبايبي |
رد: ماليزيا واختيار الفنادق / رأيكم يهمني حياكم اخوي الغالي لاشكر على واجب نحنُ جميعاً في الخدمه ,,,, بالنسبة لفندق بيراميد جيد جداً ... فنادق لنكاوي بلانجي بيتش جيد جداً مستواه واحلى مافيه موقعه قريب منك المطاعم وكل شيء الويستن ممتاز مايعيبه اي شيء ,,,,, بس الشاطئ بدون فعاليات,,,,,,,,,,,,,, والدانا ممتاز جداً بس كثير مايفضلون موقعه لانه بعيد شوي عن المنطقه الحيوية في لنكاوي اللي هي بانتاي تشيانغ ,,, بالنسبة لي قضيت 3 ايام ممتعة في هذا الفندق من اجمل ايام حيااااااتي معاملة مللللللللللللوك من المدير الى عامل النظاااافة .. ولكن يستاااااااااهل كل رينجت تدفعه ابد مو خساره عليه ... الافطار الاصناف قليله ولكن جودة الاكل رهيبة وممتازة وعندهم البيض مره جميييل ... اثات الغرفة ممتاز اتعب وانا اقول ممتاز نظيف جداً وحجم الغرفة رائع جداً والبلكونه كبيرة ....... عيبة الوحيد عدم وجود الفعاليات وريحة الممرات بالفل ياعيني روعة جداً... اول ماوصلنا استقبلونا استقبال الابطال هههه استقبال جميل جداً وقدمو لنا مشررروب طعمه رهيب جداً ومساج لي وللمدام ... وجميع الموظفين في قمة الاحترام وفي موظف اسمراني اسمه احمد محترررم جداً ............. الفندق باختصار يستاهل عشر نجووووووووووووووم .... اذا سعر الدانا ع البحر ب 1450 ريال فالسعر ماشاء الله طيب جداً ... وتقدر تأخذ اطلالة ع المارينا السعر بينزل شووووي والاطلاله رائعه ... وتحت الفندق في مغسلة ملابس وفي مطعم عليه كبسه كلام وعلى بعد 5 دقائق من الفندق في المطعم الشهير السلطاااااااان عليه كباب دجاج وبطاطس ماتخرش الميه . هذي صورتين متواضعه جداً من تصويري http://www.tonshare.com/images/74057090770097657593.jpg http://www.tonshare.com/images/09790554935585293226.jpg , شاهدت اغلب تقييم مواقع الحجز وايضاً المواقع الماليزية الجميع يمدحون الفندق من جميع النواحي وانا اشوف الفندق مع فورسيزون افضل فندقين في لنكاوي بالنسبه لي بإذن الله ماراح اسكن في لنكاوي الا في ذا دانا والفندق الثاني تانجون رهوووووو وان شاء الله يفيدك اخوي العزيز الغالي هاي مزمز لان على ماعتقد جرب الدانا والويستن وهذا موضوع عن البلانجي بيتش http://www.arabtrvl.com/vb/t2347.html وهذا عن الويستن http://www.arabtrvl.com/vb/t297.html وهذا عن الدانا http://www.arabtrvl.com/vb/t2391.html بينانج فندق القولدن ساندس جيدجداً مستواه وسعره رائع ... بسعر 580 اعتقد تقدر تسكن في الهوليدي ان ع البحر مبنى الشاطئ اذا حااااااااب كاميرون هايلاند ريزورت مايحتاج افضل فندق في الكاميرون وهو الوحيد الخمس نجوم مع فندق ليك هاااااااااوس كوالا تريدرز وجراند حياه عن تجربه ممتازه للغايه >>> تريدرز قريب من سوق سوريا 5 دقائق بعربة القولف تبع الفندق و10 دقايق مشي ايضاً الجراند حياه قريب ابو 7 دقايق فقط او اقل مشياً انا اشوف اذا جراند حياه الاطلالة مثل هذي الصورة فيستاهل سعره جداً واسم الغرفة جراند ديلوكس .. هنا تحصل اطلالة على عزبة هنووووود ههههههه فوق 2000 ريال http://kualalumpur.grand.hyatt.com/c...g-1280x427.jpg اما اذا كان كانت الغرفة مثل هذي جراند فقط فالسعر مرتفع http://www.asiawebdirect.com/media/i...942/342434.jpg سامحني ع الاطاله |
رد: ماليزيا واختيار الفنادق / رأيكم يهمني حياكم بو عمر ما شاء الله عشرة على عشرة ماخليت شي كلامك 100-100 بارك الله فيك لكن هالصورة لمست احاسيسي جدا تبارك الرحمن الصورة تنطق |
رد: ماليزيا واختيار الفنادق / رأيكم يهمني حياكم ابو عمر ما شاء الله عليه اعطاك الزبدة من الاخر شكرا من الاعماق لك ابو عمر على هذا الجهد الغير مستغرب منك الله يعطيك العافية |
رد: ماليزيا واختيار الفنادق / رأيكم يهمني حياكم اخوي نسيت اقلك انه سعر الطيران مرتفع جداً |
رد: ماليزيا واختيار الفنادق / رأيكم يهمني حياكم الف شكر لكم على المساعده جهد جبار جدا جدا من ابو عمر جزاه الله الف خير ولله الحمد تم حجز الفنادق من المكتب السياحي بعد المقارنه مع بوكينق لما خلصت الفنادق اخترت الطيران المحلي وكانت تذكرتين كوالا لنكاوي لنكاوي بينانق حجز لي المكتب لشخصين ب 1140 ريال سألته كم نسبة المكتب قالي اماخذين منك حوالي 30 ريال شارج فقط الكلام هذا قبل يومين والان قلت خل اتاكد من موقع الماليزيه وطلع الموقع 857 ريال طبعا دفعت للمكتب قيمة التذاكر لكن كاتب عليها غير مسترجعه بعد الاقلاع بكره بحول الله ابروح له والغيها لكن هل راح ياخذ علي شارج طبعا اللي اختار لي الفنادق ماهو نفس الشخص تبع الطيران بالمكتب الغريب بموقع اير اسيا التذكره جدا جدا رخصيه ممكن اقل من 500 ريال كوالا لنكاوي ومعها لنكاوي بينانق لشخصين لكن غير مسترجعه فأيش تنصحوني ؟ نقطه مهمه ايضا المكتب لما حجز لي الفنادق وزي ما قلت لكم سعرها ممتاز جدا قالي غدا راح يسوي لي التنقالات من المطار للفندق طول رحتي الاسبوعين كامله من غير الطيران الدااخلي اللي كتبته لكم ( كوالا لنكاوي و لنكاوي بينانق ) بمعنى مطار كوالا الى بارميد والعكس مطار لنكاوي الى وستن والعكس مطار بينانغ الى قولدن والعكس بينانق الى كاميرون عن طريق سياره او باص كاميرون الى كوالا عن طريق سياره او باص كم تكلف تقريبا ؟ عشان اقارن مع سعر المكتب السياحي طبعا منطقيا المكتب بيكون اعلى من لو انا حجزت بنفسي ولكن هل تسوى ادفع زياده للمكتب ويكون الحجز عنده وارتاح من سالفه دور تاكسي ووو ؟ |
رد: ماليزيا واختيار الفنادق / رأيكم يهمني حياكم اخوي الغالي مايحتاااااااااج المكتب يعملك التنقلات شوف ارقام السواقين في قسم الاستفساااارات واذا تبغاني ادلك على سواقين تعاملت معاهم انا واقاربي ماشاء الله ثقه ثقه ثقه اتعب وانا اقول ثقه امانه واخلاص وكل شيء لدرجة انهم يتواصلون معاي اسبوعياً ع الواتساااااااااااب .. المكتب بيأخذ عليك مبلغ زياده انت اولى بهااااااااا انا عن نفسي كنت احجز غير مسترد لان التذكرة كذا ولا كذا رخيصه مافي مشكله ان شاء الله |
رد: ماليزيا واختيار الفنادق / رأيكم يهمني حياكم نسيت اقلك مباااااااااااارك عليك الحجز وان شاء الله تروح وترجع بالسلامه .... من تجربه شخصيه بالحجز عن طريق مكتب سياحي لصاحبي في المره الاولى كااااااااان ارخص من بوكينج واجودا بمبلغ ممتاااااااااااز ايضاً تم حجز 3 مرات لي ولقريبي عن طريق موقع عربي مشهور ومقرهم في ماليزيااااا ايضاً ارخص من بوكينج والبقية وفي اخر سفره ووفرت يعلم الله فوق 3000 ريال وفوقها خصم 200 رينجت وفوقها ليالي مجانيه |
رد: ماليزيا واختيار الفنادق / رأيكم يهمني حياكم يبارك بعمرك يبو عمر ما قصرت عزيزي قبل اكنسل حجز الطيران الداخلي من المكتب قالي ٣٠ كيلو لك وقت الطيران ف لو حجزت على ايير ايسا هل لي كيلوات مجانيه ؟ لان لو مافيه يمكن تطلع نفس قيمة سعر المكتب والاختيار تفضل اير ايسيا او الماليزيه الرحله ساعه والثانيه نص ساعه فقط بخصوص التنقلات ماعندي مشكله اخذ الارقام اللي قلتها لكن ابي اعرف القيمه فقط لاقارن شاكر لك على المساعده يا عزيزي |
رد: ماليزيا واختيار الفنادق / رأيكم يهمني حياكم اخوي كما هو معروف لك عشرين كيلو مجاني في اير اسيا وزيادة الكيلو على ماعتقد ب 5 رينجت تقدر تتدخل على موقعهم ويبين كل شي ايضا اختيار المقاعد بفلوس تبدا ب 6 ونص رينجت. بالنسبه لي جربت اير اسيا وماليندو وكلها طيبه يفضل اختيار مواعيد مناسبه الساعه 12 او 1 اذا الزياده اللي اخذها المكتب بسيطه فلاتنكسل اما اذا الزياده الضعف فلك الخياااار. |
رد: ماليزيا واختيار الفنادق / رأيكم يهمني حياكم ياليت تعطينا اسعار المواصلات . وانا اجزم انها زياده بالضعف. من مطار كوالا الى الصن واي عن طريق التكاسي ب 85 رينجت على ماذكر. من مطار لنكاوي الى الويستن ماعرف السعر بس اعتقد مايزيد عن 40 . من مطار بينانج الى منطقه الباتو فرينجي من 70 الى 80 |
رد: ماليزيا واختيار الفنادق / رأيكم يهمني حياكم ابو عمر ما قصر جزاه الله خير بس حبيت اوضح نقطة بما انك حاجز على ويستن لنكاوي فيوجد غرفة انتظار لنزﻻء الويستن يمكنك اﻻستفادة منها |
رد: ماليزيا واختيار الفنادق / رأيكم يهمني حياكم بالنسبة من بينانج الى الكاميرون ومن الكاميرون الى كوالا عن طريق سائق خاص تقريباً بالف رينجت او الف ميه بالكثير شامله السكن والجولات لمدة يومين .. وممكن تحصل اقل من السعر ذا ...اما عن طريق الباصات فالسعر مناسب جداً حدود 40 رينجت |
رد: ماليزيا واختيار الفنادق / رأيكم يهمني حياكم اقتباس:
اهلا بالخبير الاستراتيجي ابو عمر الطيران اللي حجزت عن طريق المكتب ( الماليزيه من كوالا لنكاوي ) و( فاير فلاي من لنكاوي بينانق ) السعر 1140 ريال 30 كيلو لكلا الرحلتين لشخصين اير اسيا بموقعهم فيه لك خيارين من كل رحلة الاولى سعر مخفض جدا من دون مميزات والاخرى اعلى وتضم كل من ( امكانيه الالغاء حتى قبل الاقلاع بساعتين ومعها 20 كيلو و وجبه ومقعد مميز ) هذا المكتوب بموقعهم بالضبط ( يعيبها فقط من لنكاوي الى بينانق يوجد رحلتين في يوم رحلتي وهي الاولى الصباح 10:10 صباحا و الثانيه المغرب ) سعرها 816 ريال موقع الماليزيه اخترت بالضبط نفس رحلتي اللي اختارها المكتب طلع المجموع 907 ريال لكن ما وضح كم كيلو لك لازم تروح لرابط اخر وتجلس تحسب !! ---- بخصوص التنقلات اليوم اتصلت بالمكتب قالي جهزت لك سعر المواصلات وانصدمت قالي 2700 ريال لاحظوا فقط توصيل من المطار الى الفندق فقط فقط الرحلات و الجولات مالهم دخل فيك! لا تعليق وقررت بحول الله ما اخذ المواصلات منه من خلال الاسعار اللي ذكرتها انت بالتاكسي شكرا لمجهودك وبارك الله فيك جهد مميز منك |
رد: ماليزيا واختيار الفنادق / رأيكم يهمني حياكم اقتباس:
بالنسبه لفندق ويستن ما فهمت عليك بموضوع انتظار النزلاء تقصد توصيل الى المطار وقت المغادره ؟ ما ادري هل فنادق ماليزيا عندهم هالخدمه وهي توصيل الى المطار وطبيعي اتوقع تكون اعلى من التاكسي لكن بكم : ) ؟ مشكور على المساعده بارك الله فيك |
رد: ماليزيا واختيار الفنادق / رأيكم يهمني حياكم اخوي الغالي ... بالنسبة للطيران ممتازه الماليزيه وفاير فلاي ... فاير فلاي غالباً توصل بينانج 12 او 1 وهذا الوقت ممتاز جداً بحيث اليوم مايروح عليك معروفين المكاتب نصااااااااااااابين 2700 ياظالم على ايش من مطار كوالا الى سيلانجور حدود 85 ومن سيلانجور الى المطار 85 ومن مطار لنكاوي الى الويستن قول 40 ومن الويستن الى مطار لنكاوي 40 ومن مطار بينانج الى الباتو فرينجي 70 المجمووووووع 320 رينجت شووووووووف النصب كيف . لو المكتب حسب الكاميرون متاكد بتصفق ال 4500 رينجت يحسبوووووون العالم هُبل ولو بتروح مع سائق خاص للكاميرون ويجلس يومين معاك ويوصلك لكوالا بياخذ عليك تقريباً 1100 رينجت 1100+320 = 1420 رينجت لاغيرررررررررررررر |
رد: ماليزيا واختيار الفنادق / رأيكم يهمني حياكم اقتباس:
حبيت اوضح معلومه ال 2700 ريال شامله من المطار الى الفندق كوالا لنكاوي بينانق ومعها كاميرون ما ادري سياره او باص ثم كوالا ثم المطار لكن برضو السعر مبااالغ فيه ولا؟ |
رد: ماليزيا واختيار الفنادق / رأيكم يهمني حياكم اقتباس:
فرضاً نحسن النيه ونقول تاكسي بيوصلك للكاميرون ايضاً السعر غالي حدود ال 1000 رينجت فايده |
:e304: |
| الساعة الآن 11:09 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO