شبكة و منتديات العرب المسافرون - فيزا الترانزيت الاسترالية , في ثلاث خطوات .. ( بقلم / Yousef_A

العرب المسافرون
بوابة السفر إلي استراليا

http://www.arabtrvl.com/vb/picture.p...ictureid=29410

بوابة السفر الى أستراليا

فيزا الترانزيت الاسترالية , في ثلاث خطوات .. ( بقلم / Yousef_A_ )

http://www.arabtrvl.com/vb/picture.p...ictureid=29412

يسعد أيامكم

بما انه كثير يستفسرون عن فيزا الترانزيت الاسترالية ,
و كثير مكاتب تنصب ع الناس اللي ما عندها خلفيه ,

مثل مكتبين مرّيت عليهم اثناء سؤالي , و واحد منهم قال بـ 500 و الثاني بـ 1200 !
و هي اصلاً بدون فلوس ما عليها اي تكاليف !

حبيت اختصرها في خطوات صغيرة و بسيطة , و اعذروني انها ماهي مرفقه بالصور

الطريقة جداً سهله ,

ابختصرها في 3 خطوات

الخطوة الاولى
تعبئة الاوراق اللي ع الرابط هذا , من الصفحة الخامسة الاخيرة ( تمنّيت اني اشرح تعبئة الاوراق خطوة بخطوة لكن واجهت صعوبة في الشرح ع ملف البي دي اف , لكن اي استفسار , عطوني رقم السؤال من الاوراق و رح اشرحه لكم )

http://www.immi.gov.au/forms/Documents/876.pdf

طبعا بعد ما تطبعها تعبّيها كتابة, او تقدر تعبيها ع الكمبيوتر لا فتحت الرابط و تطبعها ع طول

الخطوة الثانية

جهّز :

1- صورة من الجواز ( بس الصفحات الاولى اللي فيها اسمك و الرقم و صورتك , و اي صفحة فيها ختم يعني الصفحات الفاضية لا تصوّرها )
2- صورتين شمسيّة خلفياتها بيضا بدون ما تكون لابس شماغ , و بدون اي تأثيرات ع الصورة ,
3- صورة من التذكرة
4- 6 ريال , تكلفة الرسايل اللي رح توصلك و تبلّغك ان الفيزا وصلت
5 و طبعا الاوراق اللي عبيتها من الرابط , تكون معك

الخطوة الثالثة ,

تروح المكتب
بحط رابط للمواقع , الخبر و جده و الرياض , وشوف الاقرب لك
(طبعا المكتب لـ الفيزا البريطانية و الاسترالية , البريطانية لازم موعد , فـ اول ما تجيهم قول له انه لـ الفيزا الاستراليه , ولا بيدفّعونك فلوس لـ دخول الفي آي بي , ع بالهم انك تبي البريطانية) > صارت معي , تهاوشت معهم و بالاخير يوم قلت ابي الفيزا الاسترالية قال كان قلت من زمان و دخلتك :/

الخبر

Australian Visa Application Centre
3rd Floor Gulf Centre, Prince Turki Street
Cornish Road, Al Khobar Kingdom of Saudi Arabia

صورة من المكان
http://www.arabtrvl.com/vb/picture.p...ictureid=30689

الرياض

Australian Visa Application Centre
4th Floor, Aldrees Centre
King Abdullah Road Kingdom of Saudi Arabia

صورة من المكان
http://www.arabtrvl.com/vb/picture.p...ictureid=30690

جده
Australian Visa Application Centre
Office no 87 & 88
2nd Floor Al Safowah
Commercial Centre, Prince Mamdouh
Bin Abdul Aziz Street
Sulemaniya Riyadh, Kingdom of Saudi Arabia

صورة من المكان
http://www.arabtrvl.com/vb/picture.p...ictureid=30691

اخواننا في الامارات
Australia Visa Information- UAE

اخواننا في البحرين و الكويت و قطر و عمان
Australia Visa Information- UAE - Contactus - Bahrain, Kuwait, Oman and Qatar

و بس , تدخل ع المكتب و تعطي كل الاوراق و رح ياخذون منّك البصمات لـ يدك
و يقولون لك ان الفيزا لا جهزت بتجيك رساله ع الايميل و ع الجوال,

و خلال اسبوع و شوي ممكن تكون عندك

بعد الاستلام

الفيزا رح تكون ورقة A4 عادية , مجرّد انك تاخذها للمطار عشان تورّيهم اياها وقت ابراز الجواز ,
افضّل انه تكون عندك اكثر من نسخة منها احتياط

بعض المعلومات عن الفيزا

فيزا الترانزيت بشكل عام , هي اقامة مؤقّته في استراليا , في مدة اقصاها 72 ساعه , يعني ثلاث ايام,

صلاحية الفيزا , : الفيزا رح تكون صالح لمدة سنة او سنتين من تاريخ الاصدار , و هالشي المكتب رح يبينه لك,

عدد الزيارات الى استراليا المسموح بها عن طريق هذي الفيزا:
زيارتين فقط , او متعدد الزيارات , و طبعا في أي وقت خلال مدة صلاحية الفيزا , و هالشي المكتب يبيّنه لك

بالتوفيق للجميع

http://www.arabtrvl.com/vb/picture.p...ictureid=29412

فريق التطوير يتمنى لكم رحلات ممتعة

http://www.arabtrvl.com/vb/picture.p...ictureid=13637