|
نصيحة... لزوار مطاعم مصر....مع الاحترام... السلام عليكم ورحمة الله وبركاته.... بداية احيي كل الاعضاء في هذا المنتدى الجميل ... واااه على مواضيعي اللي رااااااااااااااااااااااااااااااااااااااااااااااااا ااااااااااااااااااااااااااااحت.... معقول انا مسافر جديد... ماعلينا... بودي ان احكي بعض الامور عن الاكل في مصر بحكم زيارتي لمصر الدائمة...وملاحظاتي على بعض المطاعم فيها... بالنسبة لمطعم رفاعي اللي بالسيده زينب .. والله يشهد على ما اقول من اوسخ المطاعم اللي شفتها في حياتي المطعم ضيق من جوه فتظطر تجلس بره وانا جالس مع زميلي الا يطب بالاكل صرصور ......من بره حاجة مقرفه بمعنى الكلمه...والارضيه مقرفه ..وايضا الطاولات والكراسي في قمة القرف... واللحم مكشوف بطريقه ابدا لاتشجع على الاكل....كانت تجربه قاسيه جدا في هذا المطعم... المطعم الثاني ابو شقرة.. فرع شارع جامعة الدول.. للاسف الشديد غالي جدا على الفاضي والخدمه فيه سيئة وطلب البخشيش بطريقه جدا غير حضاريه...وعند مراجعتنا للفاتورة وجدنا انها لاطباق لم نطلبها ولا تطابق ما اخذناه....واتضح انها فاتورة لاتخصنا ولكن التدقيق مهم جدا في هذا المطعم...ولكن بكل امانه جلسته نظيفه والتكييف فيه ممتاز... مطعم ابو رامي...مطعم جميل جدا والخدمه فيه ممتازه جدا بس حر ههههه مافيه الا مراوح...يعجبني المباشر الراجل العجوز ويبدوا انه من اساسيات المطعم.... بس بكل امانه يخافوا ربنا في كل شي...بالوزن.. بالفاتورة... حتى ان البخشيش اللي ياخذونه يضعونه في صندوق ويتم توزيعه على العاملين جميعا...عيبه لما تاكل وتخلص.. وتطلع..مايمر عليك تكسي الا بالموت لا اعلم السبب....وخاصة لما يكون الوقت متاخر.... مطعم قدورة وما ادراك ما مطعم قدورة... يقع في شار عجامعة الدول .. تخصصه اكلات بحريه... الجلسه فيه الى حد ما مناسبة.. ورغم ان اسعاره غاليه جدا الا ان هناك نقطه يجب مراعاتها...لقد تسممت بهذا المطعم وخرب علي سفرتي بسبب الزيت الخاص بالقلي.. تعبت تعب شديد بسبب هذا المطعم ... لا انصح به بفتقد النظافه.. واقسم بالله مره وجدت تحت السمكه ذبابه....مطعم جدا لا انصح به ابدا... مطعم العمده بجانب فندق اطلس بشارع جامعة الدول...مطعم الى حد ما يعني يمشي الحال ولكن لا انصح باي مقالي...اجمل مافيه الملوخية والرز الابيض.... مطعم مجرشي في ميدان لبنان جميل جدا وانصح به اذا كان الاكل داخل المطعم فقط علشان يكون ساخن... مع عدم اكل السلطات....يعيب هذا المطعم الزحمه الدائمه وصغير يعني الانتظار لابد منه من اجل طاوله او جلسه فاضيه... كثير من المطاعم زرتها... ولكن نصيحه الاكل في مصر جدا يفتقد معاني وابجديات النظافه... لاقفاز واستخدام اليد بشكل مبالغ فيه.. والاكل المكشوف ... والازعاج.... والحشرات والقطط اللي وانت تاكل تتمشى تحت رجلينك.... انا انصح باي واحد يسافر ياخذ اكله معه من بلده.. ويطبخ يا انه ياخذ شقه ويطبخ براحته او ستوديو في فندق ويطبخ....والله انا لو اطبخ ببلكونة الفندق ولا اكل في مطاعم مصر للاسف الشديد... هناك الكثير من المطاعم اللي اذا غلبت الروم ممكن الاكل منها مثل الفيرمونت اكله نظيف وجميل ولذيذ.... وكبابجي السوفوتيل....الفنادق بشكل عام قد تكون افضل بكثير من المطاعم.... ولي وقفات باذن الله ساعود للتحدث عنها... كونوا بخير |
حمدا لله على سلامتك يا فالها بقوووه ومرحبا بعودتك لمنتداك ومشكور عالمعلومات |
هلا بالغردقاوي ... اسعدني جدا وجودك وانك بخير... |
من اجمد مطاعم الكباب والكفتة فى القاهرة ،،، مطعم ابو رامى بالسيدة زينب . |
اقتباس:
LE CHANTILLY لو شانتيي: من أعرق مطاعم الكوربة ينتمي لسلسلة المطاعم السويسرية منيو عالمي شبه متخصص في الأكلات السويسرية والفرنسية . مكان راقي جداً ونظيف جداً مطعم بابريكا بجوار مبنى الاذاعة والتلفزيون ماسبيرو مطل على كورنيش النيل . اكله خيال ونظيف و مافيه زحمه من اجمد مطاعم الكباب والكفتة فى القاهرة ،،، مطعم ابو رامى بالسيدة زينب . مطعم البرج مطعم سمك أكلهم لذيذ و النظافة ما عليها غبار |
المطاعم النظيفة في المناطق الشعبية تكاد تكون معدومه ابو رامي افضلهم . غير كذا مطاعم المولات وتجمعات الكفيهات نظيفة وشغلهم طيب اكثر شي بالقاهرة المطاعم ولكن اختر مكان نظيف وراح تنبسط |
المشكلة أن المطعم ذو المنظر القذر هو اللذيذ .. :) أحدهم قال لي اذا أردت الذهاب الى مصر قم بأكل ثوم و بصل نيئ بداية رحلتك لكي تسلم من حالات التسمم .. |
اقتباس:
يقال ، وقد تكون خرافة أو شئ من عبق القدامى : مكان تبغى تسلم منه ، كل بصله :24: < أعتذر عن الكلام المشكل بالفصحى والعامي :1::1: |
للأسف صعب تجد مطاعم نظيفه ونادرأ تجد مطعم يطبق الشروط الصحيه |
مساء الخير ممكن الاحداثايات وشكرا |
| الساعة الآن 09:24 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO