|
إكمال جدول القاهرة ، بعض الاستفسارات السلام عليكم القرار تم على القاهره وشرم الشيخ لمدة 6 ايام اول يومين القاهرة .. ثلاثة ايام شرم الشيخ اليوم الاخير القاهرة التوزيع مجبور عليه بسبب الرحلات الخطة : اول يوم بروح لمنطقة الحسين مع سوق الخان خليلي والعشاء بيكون هناك ( رشحوا لي مطعم ) وبعدها الفندق وبنام استعداد الجلسة الصباح ثاني يوم بعد الفطور .. الاهرامات الصباح ما راح اتاخر لان لحالي وبس بروح اشوف الاهرامت واخذ كم صورة طول اليوم الباقي ما عندي جدول ( رشحوا لي اماكن غير المتاحف الاثرية ) + ابي اروح مجمعين ممتازين بشتري كاميرا من هناكك + ( ابي اماكن سهر وشيشة رايقين ومرتبين + سهرات شعرية حسب ما سمعت ان بعض المقاهي يتجمعون فيها ادباء وين هالاماكن ؟ ثالث يوم الصبح ما عندي شيء ( الاسواق الشعبية وين ؟ ) والظهر طيارتي الى شرم الشيخ شرم الشيخ الجدول موجود وبححري كامل ف الامور طيبه باقي برضوا اخر يوم ما اعرف وين اروح لي اكثر من اسبوع وانا اقراء التقارير .. لكن ما عرفت ارتب لي جدول ف لجأت لكم .. طيارتي بكرا الصبح ، وبانتظاركم بالنسبة لشرايح النت + اماكن الصرف الممتازه .. ي ليت تعلموني عنها اوعدكم بتقرير عن الرحلة كلمة اخوكم | امجد ناصر |
تمنيت ذكرت وين سكنك عشان تتضح الصوره اكثر 1- بخصوص الحسين لازم تعرف انك رايح لا احد اقذر كافيهات على وجه الارض فلا تقرب كافيهاتهم وشيشهم الحسين فيه سوق شعبي اسمه الغوريه ..وشارع المعز تراث واثار ومحلات يعني اطلع من بعد الظهر بالمترو على العتبه تمشى فيها شوي وبعدها اتجه للحسين عشان تلحق شارع المعز يقفل 4.5 العصر وارشح العشاء في مطعم اسمه فرحات الحسين مطعم مشويات وحمام محشي وهو من افضل مطاعم المشويات في مصر 2- الاهرامات نصيحتي الصبح قبل الحر ولو تاخرت مافي مشكله بس لازم قبل العصر لانهم يقفلون المدخل 4 مساء و مهوب بالشكل اللي تتوقعه الزياره متعبه شويه ولازم تتفق مع اسطبل تاخذه من خيل ومرافق .. السعر من 150 الى 250 جنيه لفه طويل ساعتين على الاقل .. طبعا الاصطبل بيقول لك 500 و600 لكن ما عليك منه اتركه وهو يركض وراك وزي ما قلت لك 150 الى 250 وطبعا زيارة الاهرام كلها تقريبا من ساعتين الى ثلاث ساعات 3- انت ما قلت وين سكنك عشان نعرف الموالات اللي جنبك ولكن الافضل هو ستي ستار في مصر الجديده وكافيه كنوز في الدور الرابع غالي لكنها نظيف وقريب من الستي ستار .. مول ثاني اسمه جنينه مول بس اقل منه بكثير وكلها فيها صالات سينما وكافيهات فيه مول جديد اسمه مول مصر توه مفتوح في اكتوبر ما اعرفه لانه جديد زي ما قلت لك وقريب منه مول اسمه مول العرب كبير وفيه ترفيه ومطاعم اجنبيه كثيره واما الكاميرات انصحك تشتري من عندنا ارخص والضمان شغال عندهم نفس الموديل اغلى من عندنا بفرق 20% وان حبيت تشتري الموالات اللي ذكرت كلها فيها وكالات الشركات اليابانيه والكوريه 4- المطار في مصر الجديده ركز معي ...و موعد طياراتك بعد الظهر ما فيه امكانيه للتمشي.. الاسواق الشعبيه العتبه والغوريه بعيده عنك وما يبدا الشغل الا بعد الساعه 11 صباحا ولا تلحق نهائي نهائي لكن فيه سوق قريب من المطار مهوب بعيد عنه اقل من نص ساعه عن المطار اسمه روكسي تقدر تلف فيه شوي وتلحق طياراتك ان شاء الله فيه جامعة الدول العربيه تمشى فيه وتعشى في حضرموت السمار (مندي) ومقابل له فرغلي عصير وعندك الكافيهات في الشارع شانتي مقابل حضرموت او تمشى قدام عند العمده .. الافضل تروح بعد الساعه 8 مساء وانتبه انتبه انتبه من اي واحد يكلمك في جامعة الدول امش ولا كنك سمعته سامحنا ان نسينا و لاتتردد في استفسار والله يستر عليك |
أهلا اخوي الله يعطيك الف عافية .. شفت الرد ب مطار قطر لكن م عرفت ارد عليك الأمور مشت زي الحلاوة الحمد لله .. اليوم الصبح كله رأح علي في النوم وكنسلت الأهرامات .. راح ابتدي بعد ساعة من الحين ف تكملة الجدول السكن ي طويل العمر .. في بيرميزا الدقي بالنسبه للكاميرا .. ف انا مشجع اشتري ، عن الرخص سعر الصرف حتى وهو نازل رخيصص ف قلت بقران بينها وبين سعرها ف المملكة |
الحمد لله على السلامه الدقي مكان ممتاز .. كثير من اخوانا اليميين مقيمين فيه وجنبك مطاعمهم مثل الشيباني مقابل مسرح نجم او المطعم اليمني نفس الوضع عندنا مندي وفول وسلته الخ وكلها مطاعم مقبوله الى حد ماء وبما انك راعي شوبنق ..قريب منك مغربي للبصريات (محل نظارات ) مو مركز عيون في شارع محي الدين ابو العز ..تنزل عندهم عروض 50% و40% على النظارات الشمسيه وروعه ممكن الفرق 50% في السعر بينا وبينهم والافضل تروح نهارا عشان تختار نظاره صح والله يستر عليك |
عندي رحلة 23 يوم من 10 يوليو الى 2 اغسطس ,, حطيت ... 5 ايام شرم الشيخ وبعده بناخذ رحلة طيران للقاهره ,, باقي الايام مدري كيف اوزعها احتاج اقتراحاتكم |
اقتباس:
بما أن لديكم متسع من الوقت فأقترح قضاء 5 أيام أو أسبوع في مدينة الإسكندرية للاستمتاع ببحرها الجميل أو الساحل الشمالي وباقي المدة في القاهرة. يمكن الذهاب إلى الإسكندرية بالسيارة أو القطار والرحلة بالقطار ممتعة وأنصح بحجز مقاعد على الدرجة الأولى من القاهرة إلى الإسكندرية. في القاهرة توجد العديد من المولات إذا كنتم من عشاق التسوق فلديك مول ستي ستارز ومول العرب ومول مصر وكايرو فيستيفال ستي ومولات أخرى صغيرة مثل جنينة مول. وعشاق التاريخ والتراث الإسلامي لهم خان الخليلي والحسين وشارع المعز لدين الله الفاطمي والقلعة وعديد المساجد التاريخية والقصور والقلاع في مختلف مناطق القاهرة. وعشاق التاريخ الفرعوني لهم المتحف المصري والقرية الفرعونية والأهرامات ومركب الشمس وهرم سقارة ودهشور. |
اشكرك على الاقتراح .. لكن احتاج جدول محدد اتتبعه و امشي عليه لاني ضعت .. عندي 23 ليله : 6 ليالي شرم الشيخ ثم ماذا ؟؟ بالترتيب يعني .. |
الوقت قاعد يداهمني وللحين ماحصلت اي نتيجة مدري وش اسوي |
| الساعة الآن 10:17 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO