|
انتبه من عمليات النصب في القاهره السلام عليكم ا خواني اشرح لكم اول زياره لي للقاهره والاشياء اللي حصلت لي وسوف وبإذن الله بعد قراءتكم لموضوعي سوف يتجنبها الزوار الجدد طبعا المرحله الاولى هي وصولك لمطار القاهره اصعب خطوه اذا تخطيتها دون متاعب اعرف انك نجيت من اكثر عمليات النصب اول ماتعدى مرحلة التفتيش وتبي تطلع لخارج المطار تلقى أوناس معلقين عليهم بطايق يعرض عليك خدماته وإنه مرشد سياحي ويعرف كل شي بمصر وانه راح يوديك ويجيبك وين ماتبغى فإنت كل ماعليك تقول له انا معي صاحب ينتظرني برا المطار راح يسيبك وهذا اول واحد تخطيته ثاني واحد صاحب التكسي اول ماتركب معاه ويعرف انك عربي يقول لك اذا عاوز تتعشى او تسهر انا اعرف لك اماكن حلوه ورخيصه هاذا على طول نفس عذر الاول تقول له انا معي اصحاب منسق معهم هنا وراح تفتك منه بس اهم شي تكون مرتب وضع سكنك لانه لاحس منك منت عارف وين رايح راح ينصب عليك ويوديك شقق راح يغريك ويقول راح تاخذ راحتك فيه وماحد يسأل هناك طبعا كلامه كله كذب الفنادق هي اكثر أمان وتاخذ راحتك فيه ولو رديت على كلامه يوديك لناس يأجروك شقه دبل السعر وطبعا هو راح ياخذ منها مبلغ من وراك واذا دخلت الشقه ماراح يفارقك ذا السواق وراح تشوف كل يوم عندك وجه جديد ماتدري من وين يطلعو لك وكل يشحذك من جال فياشباب اذا حصل لك مكروه فالشقه وانصب عليك الشرطه السياحيه ماتحميك بحال اخذت شقه الشرطه السياحيه تحميك اذا كنت بفندق معروف وبالنسبه اذا وصلت الفندق لاتروح وتجي إلا مع كريم أو أوبر والسواقين بشكل عام لاتعطيهم وجه ولاتعطيه امل انك تبتسم له لان حينها يلف ويلعب غير يطلع منك بمصلحه طبعا اذا حاب تتسوق وشفت عند الكاشير جهاز حق الفواتير وراح الكاشير من راسه يعطيك مبلغ خليه يطلع لك فاتوره من الجهاز وبعدها ادفع واخر شي المطار اذا وصلت مواقف المطار وانت مغادر في المواقف شيالين الشناط يعرض عليك خدماته اني راح امشيك بسرعه والخ هذا تصرفه تقول انا معي اصحابي جوا تاخرت عليهم طبعا اكيد في احد قبلك دافع لهم ويظن انك من اصحاب اللي دفعو اختصارا لكل شي سبق احجز فندق معروف عن طريق البوكينق صرف السواقين او اي احد يعرض عليك خدماته معي صاحب هنا طبعا صاحب هنا اقصد صاحب مصري هذولا اذا نجيت منهم البقيه هين كالمطاعم ان نصب عليك بحاجه لاتذكر ك خمسين جنيه عشرين جتيه اهم شي السواقين هذولا يهبشو هبشات كبيره طبعا اذا رحت يمين او يسار خلك عارف وين تروح لان السواق اذا حس انك منت عارف وين تروح يستغلك ————— الاشياء اللي حصلت لي هي فور وصولي المطار حاجز عن طريق البوكينق شقه ماعرف عن حتى موقعها طبعا جديد لاتلوموني رحت ركبت مع تكسي وقلت وديني على العنوان وراح ووداني دورت بالمنطقه اللي هناك مالقيت اي لوحه تدل على الفندق اللي حجزته المهم السواق قال انا اوديكم على شقه خمس نجوم والشقه تحت حماية الشرطه السياحيه واغراني ورديت عليه ونصب علي بعقد اربع ايام ٦٣٠٠ جنيه وقال ٢٥٪ ضرائب ودعتها وكنت اقول سعرها معقول بس المفاجئه لما سألت واحد ساكن بالمنطقه قال الشقق هنا اجارها شهري ١٥٠٠ جنيه انغبنت وعطيتها وضعية الميت خابور واكلته المهم صاحبنا جا ثاني يوم وقال تتعشو حوديكم لمطعم حلو راحت معه دخلني مطعم بديسكو مالي بالجو هذا لكن السواق جلس على الطاوله معنا وطلبنا عشا قبل العشا استاذن يكلم عالجوال طبعا راح يتفق مع العصابه تدبل الفاتوره المهم بعد العشا طلبت الفاتوره الا وهي عشرة الاف جنيه انفرخ ذهني ورفضت ادفع المبلغ لحسن حظي مامعي الا الفين وفراطات خليتهم يفتحو محفظتي وحلفت ان مامعي غيرهم خويي جاب العيد وطلع فيزته وزاد الطين بله ودفع المهم من الغبنه عرفت ان السواق نصاب وقلت لاشوف وجهك معنا ولاشوفك تجي الشقه رجعت مع كريم وانا شبه منهار ثالث يوم في الشقه جانا وجه جديد من طرف الخادمه كنت نايم وخويي على نيته ودخله يوم صحيت انغبنت عرفت اللي مرسله السواق اللي طردته طبعا قلت مالها الا اني اسحب خويي من الشقه واطلب كريم واروح على الاهرامات اتمشى فعلا سحبت خويي وقلنا له احنا طالعين اللحين يجينا صاحب لنا هنا وطالعين معاه لو تشوفو وجهه كيف صار فهمها انها طرده وطلع فياشبابداعتبرو وابعد عن السواقين واحجزو بفنادق معروفه مصر جميله بس مشكلتها النصابين زي ارجل الاخطبوط اذا مسكك برجل مسكك بجميع الارجل شبكات نصب عاليه ومحترفه بالتمثيل انتبهو |
الحمد لله على السلامه بخصوص المطار كلامك سوداوي اكثر من الواقع المطار كل اللي فيه مؤمن بما فيه السواقين يكون مسجل اسمه عندهم واسمك لركبت معه وبخصوص مندوبين الفنادق مافيه مشكله كلهم امان حبيت تتعامل معه مافي خوف لان الدفع في الفندق بعد ماتشوف غرفتك و ما تعطي المندوب شي هم اللي يعطونه وهذي قاعده في مصر الزبون ما يتحمل شي اللي يدفع صاحب المصلحه اللي يستلم فلوس وبخصوص البخشيش في المطار ما فيه بخشيش وانت داخل وصول الا كرم منك وانت طالع من بوابة المطار الحوسه وانت مسافر خروج من مصر هذي فيها بخيشيش الزامي ومتعب شوي نبدا في المشاكل اللي حصلت لك الملاحظه انك سلمت نفسك الى سواق ما تعرفه وهذا خطا وحذرنا منه كثير في المنتدى وفيه بعض الامور تحتاج الى تفصيل منك اسماء المحلات اللي دخلتها عشان تحذر منها الناس الملاهي الليله مليانه نصب واحتيال بس ما تدخل الا وانت دافع كاش قبل تجلس مافيه شي اسمه الدفع آخر السهره وكل طلب زيادة تدفع كاش حتى لو طلبت مويه بعشرين جنيه لازم كاش عشان يتجنبون المشاكل مع الزبون لقال ما معي فلوس وياليت تقول اسمه الدسكو وللعلم السواق اي سواق جايب زبون دخوله مجانا وله عشاء مجانا ومشروب مجانا وياخذ نص اللي انت تدفعه دفعت الف له 500 بخصوص السكن ما قلت وين ونوعية الشقه وعنوانها وين وما نزلت صور لها عشان نقيمها والسواق مستحيل يجيك ويدخل عندك الا بطلب منك لان البواب ما يدخله والشقه او الفندق اللي انت حجزته وين وموقعهم على البوكنق اكيد تكون عندك وانت طالع لهم وفيه استقبال من المطار كيف تتركهم والسعر اللي انت سكنت به 1575 يوميا سعر موجود الايام هذي واعلى من الاسعار هذي هذا اللي لاحظته والحمد لله على السلامه |
الي صاحب الموضوع و الاخوة المشاركين اجمل التحايا و السلام ,,,, حبيبت اشارك كضيف شرف علي الموضوع بنظرة سريعة للموقف لازم كان يتنصب عليك لانك تركت حالك امام شخص لا تعرفة و جعلتة الدليل لك صدقني حتي وين ما تكون لابد من التقني و الحذر فى التعامل خصوصا انك غريب ما من اهل البلد ,, ان شالله تكون اخدت خبرة و المرات القادمة تكون لك البلاد مرحبة بك و بأصدقائك ,,, لك كل التحايا واتمني ما اكون طولت عليك فى الرد ,,,,, تحياتي من شمال النرويج ,,,,, |
:48: |
الله يخلف عليك اخوي و يعوضك خير مما انصب عليك بس انا اشوف انك لك دور في الي حصل اول يومين في دول معروف عنها هذا الكلام الي حصل معك و الكلام منتشر في العالم حتى الي ما سافر لهذه الدولة يعرف هذه المعلومة عنها - ومن هذه الدول للأسف مصر الشقيقة .. فأغتقد اخوي ممكن طيبتك كانت لها دور في الي حصل انا شخصيآ ولله الحمد زرت مصر مرة وحده في حياتي و ما حصل لي اي شي ولله الحمد لأني كنت ماخذ الاحتياطات اللازمة فقط مثل ما قال احد الاخوة في الخروج من المطار فاجأني ضابط الجوازات انه يبا فلوس فقط هذا الي تعرضت له -- غيره ولله الحمد مافي شي و استانست في مصر و انبسطت و إن شاء الله ربنا يكرمني و أعيد الزيارة لمصر الحبيبة |
الله يعوض عليك ياصديقي البخاشيش في كل مكان وزمان وانت وسخائك تقدر تدبر عمرك وتصرف لك مبالغ مصروفه او فكه وتخصصها للبخشيش تلافياً للإحراجات وإسكات للأفواه اما اصحاب البطاقات والعروضات فتراهم غاثينا حتى في ديرتنا وكل ماعليك انك تعطيهم وضعية ابو الهول وتطنش وتمشي في حال سبيلك ولامانع من ابتسامه سيجنال2 توفي بالغرض . اما اصحاب التكاسي فهم الشر الذي لابد منه والله يكون في عون كل محتد وغشيم . تحياتي |
ماشاء الله جميل |
والله خوفتونا رايحين بعد كم يوم واشكاليه كبيرة اذا تعرضوك في اشياء لازم تستخدمها مثل السياره او المطعم او الشقه :e506: |
بيسرها الله |
حمد الله عى السلامة ونصايح مفيدة ....بس صراحة انت انسان طيب ...لاتروح الا باوبر او كريم |
اقتباس:
وكل ربك ياصديقي وان شاء الله تروحون وترجعون بالسلامه ومهما كان انت رايح لدوله عربيه آمنه والسلبيات تلاقيها في كل مكان ،، واذا رجعتوا بالسلامه تعال هنا واعرض علينا تجربتك وخلنا نقرأ امورك الطيبه والرحله الممتعه لأرض الكنانه . |
اخوي الغالي تحملني شوي مثل اخوك الصغير اول شي الخطاء راكبك من فوقك الى ساسك يعني بالعربي الفصيح لو انا سواق وحصلت واحد مثلك اكيد بستغلة وانفض جيوبة وبنصب علية بعطيك مثال بسيط عن النصب صار علي انا من احدى السواقين في احدى الدول خرجت من ملهى ليلي على الفجر ووقفت تكسي وقلت ودني للفندق الفلاني السواق عرف اني غشيم في البلد وراح من طريق ثاني يختلف عن الطريق الي انا متعود اروح فية فجئة لقيت نفسي خارج النطاق العمراني وبديت ادخل في منطقة كلها احراش ومزارع وفي الفجر والمكان ضلام سألت السواق وين بتروح قال انتظر دقيقة بجيب بطاقة اتصال من صديقي عرفت ان الموضوع فية انا وتصرفت بطريقة الاغراء وقلت للسواق انا جديد في هذي المدينة واحب يكون معايا مرشد سياحي بسيارتة يمشيني في المدينة من الساعة 2 ضهرا الى الساعة 8 ليلا وراح اعطية في اليوم 2000 دولار وبجلس 10 ايام السواق على طول وقف سيارتة وقال 2000 دولار في اليوم الواحد يعني 20.000 دولار لمدة عشرة ايام قلت اية وكاش بس ابغاة يكون مرافق معايا للمنتزهات السواق انهبل وقال انا بكون معاك وافقت واخذ رقمي واخذت رقمة وعلى طول ريوس بتاكسي وطلع من الاحواش ودخل المدينة وفجئة لقيت نفسي عند فندقي سلمت علية وحاسبتة تقريبا حول 15 دولار واتفقنا بكرة على الساعة 2 ضهر على حسب اتفاقنا ومعاها 2000 دولار مجرد مادخلت الفندق نمت ع طول وانا ارتجف من الموقف وفي الصباح سويت شك اوت وغيرت الفندق والشريحة الزبدة خارج نفسك باقل الخسائر وابتعد عن النصابين وخلك انت النصاب عليهم |
حياك الله وبياك أخوي الكريم راشد ولا باس عليك يا صديقي ، وطالع من الشر بقولك سر بيني وبينك( لو تجيني أنا وأنت بهالحالة بانصب عليك من غير توفير ) هههههه الي فهمته من موضوعك انك شخص ما تعرف تخارج نفسك ولا تفاوض ولا ترفض متى ما حبيت مثلك مفروض اول سفرة لبلد اول مرة تزورها لازم تكون مع ناس فاهمة الدولة المقصودة وطبيعة لسياحة فيها انا اول مرة رحت القاهرة والاسكندرية كانت مع شخص يروح مصر 18 سنة وكان مجرم يتهاوش مع النصابين ويدفهم ويصرخ عليهم وبنفس الوقت عنده اصدقاء كثير بمصر هذا الشي خلاني اتعلم منه من اول سفرة عشان كذا بعدها طلعت شرم الشيخ لوحدي من غير اي مشاكل سوى الامن المصري مع الاسف يفتشونك تفتيش ذاتي كانك مجرم مهرب مخدرات ومع ذلك اتركهم لين ما يخلصون ولا اعطيهم كلمة وحدة واموري كلها بالسليم وشوفني الحين بعد حاجز على شرم الشيخ اسبوع من 30 اغسطس ويا رب يكتب لنا المتعة عند اخواننا المصريين |
جزاك الله خير |
انا رحت مصر وعلى كثر ماسمعت من تحذيرات لكن الحمد لله ماتعرضت لاي شيء حتى الاسواق والمطاعم حاطين على كل شي سعره للمصري وغيره بس مايمنع من الحذر برضو |
الله المستعان وان شاء الله الاخوة يستفيدون من تجربتك |
الحندلله ع سلامتك |
الله يستر وانا رحلتي قريب على مصر واول مره |
وعليكم السلام والرحمه ياخوي وأنت داخل مصر من المطار ما يحتاج تعطي احد وجهه خلص امورك وجوازاتك واطلب أوبر من المطار الى الفندق واللي يكلمك قوله معاي صاحبي ينتظرني شكرا مع ابتسامه لطيفه خذ اوبرك والى الفندق اطلع اسهر بس لا تخلي احد يوصلك غير أوبر ومن رأسك الى المكان اللي تبي تجلس فيه وحاول تكون في مكان محترم اللخبطة كلها في المطار وأنت راجع وبالضبط ف الجمارك خذ لك صرف 100 جنيه وبتمشي امورك هم في مصر ما يدورون الا ورا اللي يدور سهرات وخرابيط بيشوفونه كنز لازم يستغل ابتسم وطنش ولا ترد على احد احررررص على الفنادق 5 نجوم وفك نفسك من القلق الأماكن السياحية مثل خان الخليلي الحسين حاول لا تلتفت كثير لهم لان بتحصل واجد واللي يقولك ايه رأيك بالسهر بالمكان الفلاني قوله أصلا انا ما بسهرش خالص .. بيقولك في القاهره ومابتسهرش قوله انا عارف ازاي كده بس معرفش طبعي كده ازاي :29: |
الله يسهل الامر |
مشكلة البخشيش مشكله هناك لو ما اعطيته كلموك باسلوب ثاني |
تستاهل طال عمرك خليت الرجال يلعبون عليك وانت حي |
مع احترامي للجميع .. وخصوصاً للأخوان اللي يتفلسفون ويحملون خوينا الغلط ،، بالعكس انت لست غلطان بل يمكن طيب وهذي مشكلتنا وبخصوص مصر .. أنا ذهبت لها مرة سابقة وكنت عامل كل حساباتي بخصوص النصب والاستغلال وسوء المعاملة وتهاوشت معاهم كثير وكنت ناشف جداً وصارم في التعامل ومع ذلك نصبوا علي وتعرضت لمواقف غلبت فيها الكثرة الشجاعة ويؤسفني ايضاً عدم وجود أي تعليق من أخواننا المصريين الموجودين في المنتدى وهل يوجد حلول مستقبلية لمثل هذه الإشكاليات.. فمصر بلد عربي ومسلم وكلنا نحبه ولايجدر ان تستمر مثل هذه الأمور المخجلة |
اقتباس:
الاستاذ اسمر وغالي حياك الله ومساك الله بالخير لو قريت نص مشاركه اخونا الفاضل لوجدت انه يستاهل والخطا خطاه .. يااسمر الناس عام 2019 والكل واعي الان .. -يااخي بوكنج يعطيك موقع فندقك على جوالك كيف ضيع فندقه :) -يوم ضيع الفندق ليش يخلي قطعه سواق تاكسي يأجره 4 ليالي بـ 6300 جنيه -كل عاقل يعرف يقول ودني اقرب فندق وينام ليله وبكره يدبر نفسه -ثم كيف يسمح للسواق يسحبه من محل لمحل ويدخله اماكن السهر ؟!! - يطردونه ويرسل لهم احد ومع ذلك يفتحون له ويدخلونه وهم يدرون انه نصاب ؟!! الادمي يفتن عن نفسه ..اخلي قطعه مصري يسحبني من محل لمحل ( اعوذ بالله من العجز ) مصر بلد عربي ولكن لسنا كلنا نحبه ولا نحب زيارته سياحيا بصراحه -السياحه في مصر لن تختفي منها حركات النصب الا في بعد الف سنه -السياحه في مصر موخرا ( مخجله ) واللي يروح لمصر ( يستاهل مايجيه ) -التاكسي ينصب والشقق نصب وابتزاز والمطاعم يزوروا الفواتير والشحادين و و و و سلسله من المعاناه في كل زاوية ياخوي هي سياحه والا عناء ولهده :) |
الله يستر على الجميع اذا ضابط جوازات طلب بخشيش فما بالك بالتكاسي والمطاعم والفنادق |
اسواء شي في مصر الاكل و المطاعم البخشيش او الاكرامية او الزشوة مهي الزامية واحد ادى عملة ليش اعطية اكرامية واحد زود عليك السعر ليه اعطية اكرامية |
اقتباس:
اللي يطلب هم الافراد وفي مكان محدد هو التفتيش على سير الامتعه وانت مسافر خروج من القاهره |
ربنا يسترها |
مصر تغيرت كثير جدا لم تعد مصر التي أعرف ، حقيقة في الوقت الحاضر لن اتجرأ أسافر لها مهما تكن الظروف ، لا أنكر بأن فيها أناس طيبين جدا ولكن السيئين كثير والأسباب التي أدت الى تدهورها كثيرة جدا منها وأهمها ظروفهم الإقتصادية والتقلبات السياسية الغير معروف مصيرها حتى الآن . نتمنى لأخوتنا المصريين كل خير . |
الله يسترها بستره |
أخي الكريم..هكذا مواقف تحصل مع انسان ما قبل الستيلايت والانترنت،وليس كل الناس ايضا كيف تذهب الى بلد ولا تعرف الاسعار؟ كيف تحجز من بوكينج ولا ترى الخريطة؟ كيف تسافر ولا تسأل أي احد يعرف احد صديق لأحد مر جنب احد سافر لمصر وتسأله وتعرف منه كيف تتعامل وكيف تتصرف؟ |
معلش حصل خير حمدلله على سلامتك.. في غيرهم ولاد حلال كتير بس النصيب انك قابلت هذا الشخص.. اوبر وكريم أضمن وأأمن طبعا |
لو كل شيء مدفوع لك دول عربية X |
رائع جدا شكرا لك |
كلامكم يخوف ... الله يستر رحلتي قريب |
اقتباس:
الله يعينك على جر ان شاء الله :7:ان كانت اول مره راح تمرضين نفسيا لا رجعتي |
الله يعطيك العافيه شعب مصر شعب جميل وطيب وهذولا قلة يمثلون انفسهم |
ولا مانع من الاخذ بالاحتياطات الازمة |
الف شكر يالغالي |
| الساعة الآن 01:58 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO