|
مسافر بعد ٣ايام لوحدي اول سفره مسافر بعد ٣ايام الي مصر عشره ايام لوحدي اريد ان افتك من النصب والاحتيال والحرميه وخاصه في المطار كيف صرف العمله من المطار احتاج شريحه نت واتصال وافضل شركه في مصر من ناحيه السرعه كم سعر الصرف ريال سعودي |
تروح و ترجع بالسلامه بقولك على حاجه مصر ما فيها لا نصب ولا احتيال الا بكيفك انت اذا نزلت المطار لا تتكلم مع احد ولا تبتسم لأي احد لا موظف ولا احد خلصت اشتري لك شريحه مصريه واطلب اوبر منها تطلع وتحصل اوبر عن الباب لا تطلع الا اذا قالك اوبر انا موجود وإذا طلعت لا تتكلم مع احد اي احد يكلمك لا ترد اوبر وعلى الفندق فيه ميزه في مصر اذا ما رديت عليهم حتى اللي يطلبك او يحاول يستغلك خلاص يمشي المشكله في اللي يأخذ ويعطي تجنب النزول في أوقات متأخره وفِي أماكن مشبوهه مشاويرك كلها استخدم اوبر وابتعد قد ما تقدر عن التكسي الأبيض .. اوبر هي اللي تحكم بالسعر مصر بلد جميل وحياه..يا بختك بس خلييك حريص ولا تحاول تعطي احد اي مبلغ وإذا عندك استفسار حياك ع الخاص |
بالنسبة لشريحة الهاتف لديك اتصالات مصر وفودافون وأورنج والمصرية للاتصالات. يقال إن فودافون وأورنج أفضل من اتصالات مصر. المشكلة أنك غالبًا ستنزل في الصالة الجديدة رقم 2 وهذه ليس بها مكتب لشراء شريحة اتصال. في هذه الحالة أنصحك أن تحجز سيارة لتوصلك إلى الفندق ثم بعد ذلك تشتري شريحة من أي مكتب اتصالات لشركة فودافون أو أتصالات.. أنا استخدمت مرة خدمة التوصيل في مطار القاهرة cairoshuttlebus.com. تستطيع دخول الموقع وتحدد المكان الذي ستسكن فيه وسوف يعطيك الموقع السعر. غالبًا بين 255 و 285 جنيه مصري إذا كان المكان في وسط البلد أو الزمالك أو الدقي. تستطيع الحجز من الموقع. إذا كنت تفضل استخدام أوبر فيجب أن تخرج إلى صالة المطار رقم 3 (إذا لم تخني الذاكرة) وتشتري شريحة وتطلب أوبر. أحد الزملاء هنا ذكر في تقريره أنه استخدم أوبر وأنك يجب أن تلتقي به في مكان معين بعيد قليلا عن الصالة التي ستنزل بها. وكما نصحك الأخ عادل لا تتحدث مع من يعرضون عليك خدماتهم وتجاهلهم. سعر صرف الريال اليوم 4.74 جنيه إذا تحب أنصحك تنزل تطبيق أسعار العملات على جوالك، سيكون مفيد جدًا لك. وتستطيع الصرف من أي بنك أو من أجهزة تبديل العملات المتوفرة في بعض الفنادق كما قرأت. |
شكرا لكم الله يعطيكم العافيه جزاكم الله خيرا |
اقتباس:
هلا بك يا صديقي على قولة المصريين اللي بتروح لهم " امش عدل يحتار عدوك فيك " ابتعد عن اماكن الحرامية والنصابين تسلم منهم . الاحتيال ، انت انسان حر عاقل تميز بين الصح من الغلط يعني تقدر تخارج نفسك وترسوا لبر الأمان بشوية انتباه . صرف العمله ، اصرف في بلدك ياخي وافتك من الاحتمالات والفرق طفيف لايذكر !!! وخذ معك فكة على شان تسلك امورك مع المحتاجين واحتسب الاجر لرب العالمين ،، ولاحظ فرق العمله تراه من صالحك ، يعني لو تصرف 100 ريال جنيهات وتخصصها لوجه الله ما اعتقد انها راح تهز ميزانيتك وخصوصاً انها صدقه والصدقه بعشر امثالها . شرائح الاتصال ،، ماهنا عجله وانا اخوك ،، اذا مالقيت في صالة القدوم تلاقيها في البلد متوفره في كل مكان . وكل ربك ووسع صدرك واضحك مع ابناء النيل وفلها دامك لحالك لا بزارين ولا نسوان وامورك في السمبتيك . انت بس روح وادعي لنا واذا رجعت بالسلامة تعال وخبرنا ،، ترى محاكيك ناوي النزله للقاهره في ديسمبر وودي اعرف التفاصيل الحية منك :58: |
النصب والاحتيال غالبا في لفة النيل والحنطور وزيارة الاهرامات لا تدفع اكثر من 200 جنيه وتكون كمان كارمهم قوووي النصبه الثانيه مع اصحاب التكاسي اذا عرضوا عليك شقق .. وحلها خذ اوبر واسكن في فنادق رحله ممتعه |
الله يعطيكم العافيه شكرا لكم |
اقتباس:
|
اقتباس:
الا ان الاخ عادل اعطاك الزبد وكانه تكام على لساني خصوصا قضية لا تتكلم مع احد ولا تفتح مجال مع شخص انت ما تحتاجه او هو معترضك ومثل ما قالك عادل اذا اعترض لك شخص ووقفت معاه وفتحت له مجال يعرف انك غشيم فلا ترد ولا حتى تلتفت واذا كثر معاك يكفي بس ترفع له يدك وانا بزيد على كلام عادل - المصريين عندهم السان الحلو ماشاءالله فلا تستحي ان تقول للي ما نبيه لا والي تبيه نعم عادي ارفض بطريقة سياسية - دامك جديد على البلد ابعد عن التكاسي دام اوبر وكريم موجود - اذا دخلت مطعم او كافيه ونحوه وجاك الجرسون يشوف طلباتك احرص انك تطلب المنيو وتشوف الاسعار وتاكد اذا الاسعار مضاف لها خدمات اضافية وحجز طاولة والخ او لا بالنهاية المصريين ناس زينا زيهم ممكن يرفع عليك سعر لكن ما يجبرك واذا كاسرت يستجيب معاك انا حاليا بشرم والله بعضهم يسامحني بالتفاريق عشان ما عنده فكة واحيانا اكون مجبر اترك 5 جنيه او جزء منها لهدم وجود فكة اخوك حاليا بشرم الشيخ مروق ومبسوط وكل يوم النهار بالبحر والمسا تماشي وفسح اي سوال او استفسار لا يردك شي |
اقتباس:
مثل ما قالت اختنا سارة ياخي اكبر غلط تشتري الجنيهات في بلدك اما تحول فلوسك دولارات او تروح بفلوسك السعودية اهم شي تصرف داخل مصر عن طريق الصرافات الالية تبدل لك العملة افضل وقت للصرف وقت الصباح انا حاليا بشرم كل يوم او يومين اصرف 100 دولار بالصباح الصرف مرتفع عن المساء عشان كذا ابعد عن صرف المساء بالتوفيف |
حول لك 200 ريال سعودي تقريبا لمصاريف المطار وباقي فلوسك حولهم دولارات واصرفهم هناك ... ومن رايي انك تاخذ سياره من المطار افضل من اوبر .... كاسرهم اسعارهم مش خطيره .. وليموزين المطار شركه راح تتفق معاه عالسعر قبل لاتمشي و بيكتب لك رصيد ادفعه لما توصل .. وبحفظ الله |
الله يجزاكم بالخير يعطيكم العافيه بيض الله وجهكم |
تنصحوني اروح الاسكندريه |
نعمم الاسكندرية بلد جميل ومرتب راجع تقارير تونسية متتقلة عن المعالم الساحية فيها |
اقتباس:
:58: دام كلام الخبراء كذا ،،، اجل توكل على الله واصرف لك شي بسيط من بلدك والباقي في مصر ان شاء الله . مدري وش الحكمة من منع دخول مبالغ كبيره ؟؟ |
اقتباس:
|
اقتباس:
وجهة نظر وكل دوله ولها سياساتها . ، عندي سؤال للجميع ،، هل اقدر اودع المبالغ النقدية في صرافات الدول الاخرى ؟ وذلك في حال تواجد معي متبقى من الكاش واريد وضعه مجدداً في حسابي !!! |
جميل جدا استفدنا من كل الملاحظات المذكورة بالاستفسار شكرا للجميع |
اقتباس:
اعتقد اول مرة ينذكر هنا بوجود هذه الخدمة تغنيك عن استخدام التكسي العادي او حتى اوبر او كريم بما انها تتواجد في مخارج محددة وبهذه الحالة يخلص السائح من اول مشكلة تواجهه بمصر وهي التنقل من المطار للفندق وصداع اصحاب التكاسي. اخت سارة تقييمك للموقع عند استخدامه وهل يلتزم السائق بالسعر المثبت بالموقع والدفع يكون كاش عند الوصول للفندق ؟؟؟ شكرا مرة ثانية للاخت سارة. ان شاء الله يجربه اخونا صاحب الاستفسار او أحد الاعضاء ليعطونا انطباعهم عنه. |
اقتباس:
ومثلك أرجو من أي زميل استخدم الخدمة مؤخرًا أن يخبرنا عن تجربته. تحياتي وبالتوفيق للجميع. |
شكرا لكي على التوضيح |
مرحبا بكم جميعا لقد عدت من مصر الجميله سوف اكتب لكم تقرير مفصل عن الرحله قريبا شكرا لكم جميعا شكر خاص للاخ عادل |
اقتباس:
|
الحمدلله على سلامتك أخي الفاضل. منتظرين تقريرك بفارغ الصبر. أرجو لك التوفيق |
الحمد لله على سلامتك بإنتظار التقرير . |
بالتوفيق |
احذر من الاهرامات لانها تجمع للنصابين الي يركبونك الجمال باسعار غالية جدا |
| الساعة الآن 08:17 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO