|
المسافر السلام عليكم ورحمة الله وبركاته حبيت افيد اخواني عن تجربتي مع برنامج المسافر انا حجزت عن طريق المسافر في القاهرة وكان حجزي غرفة ستاندر مع اطلالة على النيل لكن لما وصلت للفندق قالي ان حجزك اطلالة جزئية ماعندنا اطلالة على النيل كلمت المسافر وقالوا لي ساعتين ونرد لك خبر ومايصير خاطرك الا طيب بعدين ارسلوا لي رسالة على الإيميل وقالوا لي كلام الفندق صحيح😵😵 طيب الفاتورة والحجز اطلالة على النيل ليه تكتبون كذا مادام مافيه اطلالة على النيل؟؟ انا صار معي من قبل نفس الموقف مع بوكينق صراحة الواحد احتار من وين يحجز هذي تجربتي واتمنى تفيدكم وتأكدوا عدل من الفندق قبل ماتحجزون تحياتي🌷🌷 |
وعليكم السلام ورحمة الله وبركاته أولًا الحمدلله على سلامة وصولك إلى القاهرة واستقرارك. أما بالنسبة للحجوزات نعم مشاكل من هذا النوع تحدث في أحيان كثيرة منها بسبب عدم انتباهنا لنوع الحجز الذي حجزناه أو اختيارنا لأرخص حجز أو بسبب عدم مصداقية بعض المعلومات التي يضعها الفندق عن نفسه. أحيانًا ننجح في الضغط على الفندق لعطينا خيارًا أفضل وأحيانًا يصعب ذلك بسبب تعنت الفندق أو أسلوبنا في التعامل معهم. في كل الأحوال مواقع الحجز عليها مسؤولية التأكد من صدق المعلومات من خلال تقييم العملاء. أرجو لك أيامًا سعيدة في القاهرة. |
اقتباس:
اي فندق يا اخينا المشعلاني ؟؟ لاتدقق واجد في مصر ترى تتعب وانا اخوك دامك تشوف النيل ولو بنص عين ترى عندهم تعتبر اطلاله :e43e: اتمنى لك اقامه جميله واوقات ممتعه في ربوع القاهرة وان شاء الله ترجع لنا بتقرير يبدد مخاوفك وترددك من زيارتها . كل الود |
السلام عليكم و رحمة الله و بركاته .. و الله يا أخوك هالمواقع مشكلة .. و موقع المسافر عليه ملاحظات كثيرة و أغلب المسافرين يشتكون .. بالنسبة للغرف و الأطلالة الفنادق تخصص الغرف المطلة على النيل لزبائنها المباشرين و البقية توزع على مواقع الحجوزات الأخرى .. على العموم .. الحمد لله على السلامة و أستمتع برحلتك .. |
اقتباس:
فندق كونراد المفترض انه خمس نجوم لو بيدي حتى نجمه مااعطيه😂😂😂 واشكرك على مرورك وتعليقك🌷🌷 |
اقتباس:
الحجز اللي حجزته منتبه منه وعندي فاتورة على الحجز لكن ماتوفر لي لكن لا الموقع عنده مصداقية ولا الفندق وان شاءالله انها تجربة اتعلم منها شاكر لك مرورك |
اقتباس:
اهلين اخوي ابو معتز ماعندي مشكلة باللي يتوزع لكن يكون فيه مصداقية من البداية بنوع الغرف المتوفرة فيه سائق اوبر قالي قبل ماتحجز اتصل على الفندق واسأله وكلامه صحيح يمكن انا غلطت بثقتي بالموقع شاكر لك مرورك الكريم🌷🌷 |
الحمدلله على السلامه ورحله سعيده من سنوات لم احجز عن طريق بوكتق او غيره في مصر بذات اتعامل مع شركة بمصر ولله الحمد ارخص واوفر والدفع عند الوصول يعني لو ماعجبك السكن مانت مجبر ولم اتعرض معهم لموقف سيئ ولو حاب اوصلك برقمهم ابشر |
اقتباس:
شاكر لك مرورك الحميل |
اقتباس:
أي فرفره تقصد هذي شركة ويحجز لك الفندق ويرسلك رقم الحجز وانت لسي هنا ما سفرت من بلدك وتقدر تتصل بالفندق وتتأكد من حجزك ومقصدي تغير لو ما عجبك اقصد الغرفة او حتى الفندق |
| الساعة الآن 05:40 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO