شبكة و منتديات العرب المسافرون - كافيهات شارع فؤاد في الإسكندرية

السلام عليكم ورحمة الله

موضوع منقول بسيط لإثراء البوابة المصرية .

الحديث عن كافيهات شارع فؤاد يحتاج إلى وقت طويل، فهو ليس مجرد شارع عادي من شوارع الإسكندرية أو حتى شوارع مصر، بل هو فعليًا أقدم شارع في العالم كله، إذ يعود تاريخه إلى عهد البطالمة، وكانوا يُطلقون عليه الطريق الكانوبي.
والشارع بقي على حاله تقريبًا دون أي تغيير من حيث الطول والاتساع طوال هذه القرون، فهو مزيَّن بالأعمدة الرخامية وكل مبنى فيه يحكي روايات لا يمكن الملل منها أبدًا، وبالطبع كل هذا يتطلب وجود كافيه أو مقهى يحلو عليه السهر، وهنحاول دلوقتي نعرف اكتر عن أجمل كافيهات شارع .

1- كافيه L PASSAGE

https://uploads.tapatalk-cdn.com/202...c47cad73c3.jpg

وهو طبعًا من الكافيهات المميزة جدًا في الشارع ده، وبيعتبر واحد من أفضل الكافيهات في إسكندرية عمومًا مش بس في شارع فؤاد
وهو بيوفر أحلى جو لمة للأصحاب والعائلات والخروجات اللي بمجموعات كبيرة، علشان كده هو مش هادي خالص ودايما تحس فيه بالفرفشة والبهجة.
ولما يكون فيه ماتش مهم فأول مكان بيتم التفكير فيه هو الكافيه ده، فبيقدم أجمد المشروبات وفيه واي فاي ومكان جلوس خارجي وغيرها كتير.
العنوان: 52 شارع فؤاد
التليفون: 034860066

2- كوستا كافيه

https://uploads.tapatalk-cdn.com/202...d91f152df2.jpg

وهو من الأماكن المخصصة لعشاق القهوة الأصلية والمصنوعة بجودة عالية ونكهات لا يمكن تخيلها، وهذا الكافيه له فروع في القاهرة أيضًا، ولكن الموجود في شارع فؤاد مع الإطلالة العريقة والمنظر الساحر وطبيعة الإسكندرية ينقلك إلى مكان آخر.
وهو عمومًا من الاماكن الهادئة إلى حد كبير ويمكنك أن تذاكر وتقرأ فيه، وتستمتع بأجمل المشروبات على الإطلاق وتقابل أصدقائك لكن دون ضوضاء.

3- كافيه ومطعم تياترو إسكندريه

https://uploads.tapatalk-cdn.com/202...e74dda97cb.jpg

مع مشروبات مبتكرة ومميزة جدًا، وأنواع مدهشة من الإفطار بتبدأ بالفطير المشلتت وحتى الباتيه والمعجنات، أما عن الطواجن والأكل المصري الأصيل فمش ممكن تقدر تقاوم جماله.
ناس كتير بتعتبر الكافيه ده مش بس من أحلى كافيهات شارع فؤاد لكن من أجمل الأماكن في إسكندرية عمومًا، ففيه منطقة الجلوس مميزة والأكل رهيب ومتنوع وكمان قريب من أماكن مشهورة كتير.

ده طبعا غير إنه بينظم حفلات فنية ومعارض ونقاشات وندوات، والديكور نفسه مميز وعلى الطراز الفاطمي، يعني هتحس إنك رحت أكتر من زمن وإنت في نفس المكان.
العنوان: 25 شارع فؤاد – قريب من سينما ريو.
التليفون: 3901336

4- مطعم وكافيه DEJAVU

https://uploads.tapatalk-cdn.com/202...14a20c0756.jpg

وهو برضه واحد من كافيهات شارع فؤاد المميزة جدًا، وده بقى بيجي له الناس اللي ليها مزاج مختلف في الأكل وملهاش في التقليدي قوي، يعني هتلاقي السوشي مع مجموعة من أجمل الأكلات العالمية، مع ديكور مميز للغاية هيخليك تحس إنك في الماضي والحاضر مع بعض.
وهو بيعتبر برضه من الكافيهات الهادية إلى حد كبير وليه زباين مخصوصين بيحبوا الجو الغامض شوية بتاعه مع الأكلات الشهية.
العنوان: 14 شارع فؤاد, بجوار مسرح سيد درويش.
التليفون: 4858988 – 01227360571 – 01000051511.

5- كافيه أنتيكا

https://uploads.tapatalk-cdn.com/202...634502cae4.jpg

وهناك هتستمتع بكل لحظة فعليًا في المكان ده، فالمنظر الخرافي على البحر بالظبط من غير أي حاجة قدامك بالإضافة إلى أجمل المشروبات اللي ممكن تطلبها، وكمان أجمل وجبات الإفطار سواء الأومليت مع المشروم والجبنة، أو الفول بالبيض اللي ليه نكهة مميزة هناك.
ولو فيه ماتش فهتلاقي جو مناسب من التشجيع والمشاهدة وإنت على على البحر ولكن من غير خناقات، وغيرها كتير من مميزات بتخليه دايما من الاختيارات الشبابية للقاء الأصدقاء والتجمعات المرحة.

العنوان: 6 شارع فؤاد أمام قسم العطارين
التليفون: 01010802777 - 034850974 - 035214147

ودي كانت مجموعة من أجمل كافيهات شارع فؤاد، واللي التمشية فيه في حد ذاتها تعتبر فسحة تاخد العقل من جمال المباني والزخارف والمحلات.

دمتم سالمين

منقول

أرسلت بواسطة iPhone بإستخدام Tapatalk