|
مسافر لأول مره لمصر احتاج مساعده السلام عليكم اخواني .. مثل ما قريتو بالعنوان انا اول مره ازور مصر راح اقضي فيها اسبوع لحالي طبعا " استفساري ميزانيتي كا الاتي .. 14000 طبعا مخصوم منها قيمة البكج السياحي الي اخذته طبعا حاجز عن طريق مكتب سياحه وسفر بعد الخصم صارت 7000 ( شركه السياحه اخذت مني 5500 ) ـ راح اعلمكم البرنامج حقهم اليوم الاول استقبال في المطار ويوصلوني للفندق شهرزاد يقولون قريب من النيل " وفيها سهره عشاء على النيل قالولي اليوم الثاني زياره الاهرامات وزياره متحف الحضاره وزياره خان الخليلي " اليوم الثالث يطلعوني من الفندق ويوصلوني للمطار واخذ طياره محجوزه عن طريقهم من القاهره الى شرم اقضي فيها باقي ايام الاسبوع " السؤال الان كا الاتي الفندق مدفوع والتذكره مدفوعه " والموجود معاي 7000 .. هل راح تكفيني هناك ؟ علما اني رايح سياحه يعني ماراح اروح اماكن سهر وخرابيط واقصد باماكن السهر الاشياء المحرمه " يعني بالعربي سياحه محترمه ان شاء الله " + سؤال ثاني معليش بطاقه الراجحي العاديه راح تشتغل هناك ؟ نسيت شيء ههههه الكاميرا عادي اخذها من هنا ولا اشتريها من هناك افضل لان ودي اصور بدال تصوير الجوال |
و عليكم السلام و رحمة الله و بركاته ... حياك الله أخوي نايف ... و الله بصراحة ما ودي أحسفك كثير و لكن تبي الجد .. مبلغ الـــ 5500 ريال كان بيكفيك مدة الأسبوع حق رحلتك !! الحجز عن طريق المكاتب السياحية غلطة بصراحة و تقييد في السكن و التنقلات يعني لو رحت و لا أعجبك الفندق أيش بتسوي ؟؟ عموماً الله يسهل دربك و أنتبه و أنا أخوك أنت مسافر لحالك ... و بشكل عام المبلغ اللى معاك بيكفيك و زيادة .. و أنتبه تدفع أي مبلغ مبالغ فيه في المطاعم أو المقاهي و دقق في أسعار المينو و الفواتير قبل الدفع و أستخدم البطاقة في الدفع .. و لا تشيل مبالغ نقدية معاك إلا القليل نتمنى لك رحلة سعيدة |
حياك الله اخ نايف ورحلة موفقة ان شاء الله المبلغ سوف يكفيك وزيادة المدة قصيرة في القاهرة جدا لو قسمتها بين القاهرة وشرم الشيخ لان القاهرة فيها اماكن كثيرة و جميلة اهم شي بما انك لوحدك انتبة من النصب وطلب مبالغ كبيرة فندق شهرزاد لاباس فية فية اطلالةعلى النيل رحلة سعيدة كل بطايق البنوك السعودية تشتغل في مصر انتبة من فرق العملة |
المبلغ يكفي لإسبوعين لو كنت حجزت بنفسك لكن لا بأس هذه تجربة تضاف إلى تجاربك ويمكن أن تفيدنا وتفيد الأعضاء الذين يفكرون في السياحة في مصر واستخدام المكاتب السياحية في ترتيب الرحلة كاملة. أرجو لك التوفيق ورحلة سعيدة. |
اقتباس:
|
اقتباس:
|
اقتباس:
|
اقتباس:
أن شاء الله تكون رحلة موفقة كما تحب ... (و ما فيه أحلى من التجارب اللى نتعلم منها) و بالنسبة للكاميرا عادي ممكن تأخذها معاك من هنا في شنطة اليد اللى معاك المهم لا تشحنها مع العفش علشان لا تسرق .. و طالما أنها رحلتك الأولى أحرص و أنا أخوك و أنتبه من أحتيال أصحاب منظمي الرحلة .. خلك واعي و أي عرض يقدم لك خارج أطار الأتفاق تأكد من سعره قبل تدفع ... بالتوفيق |
ياخوي نايف .. ستتذكر كلامي بعد 20 عام .. انت انلعب عليك بالملي ... ولبسوك طاقيه ... :32: يامسلم خمس الاف بمصر تكفيك 10 ايام واكثر وانت تدفع بعد .. 500 ريال باليوم ماهي سهله بمصر (راح كل الكلام ) انطلق الرشا .. مدفوع السكن والطيران ( سبع الافك وش بتسوي فيها ) بتوزعها بميدان التحرير ؟ يارجل .. لو ماسافرت ابد .. فلوسك ذي ماهي ورق لكن لي طلب .. رح بالسلامه ثم لارجعت تكفى تعال اكتب انطباعك .. |
ابصدمك بس ... التذكره تاخذها مثل الناس ( بسعر معروف) وش يسوون اللي يسافرون .. ؟ يدخلون بوكنج ويحجز 5 او 6 ايام بفندق حسب ميزانيته 4 او 5 نجوم .. ويركب الطياره ويروح هناك .. ويتمشى مع اوبر .. ويدفع مثل الناس .. ويجي وكل مصروفات مصر بدون مبالغه الخمس الاف تكفي اسبوع مع التذكره سالفه بكج سياحي بمصر صراحه صدمه وسبعة الاف باسبوع كل يوم الف ؟؟؟؟؟؟؟؟؟؟ وانت تقول سياحتي عاديه بلا خرابيط وبلا اماكن محرمه الالف وش بتسوي فيها يا( مسلم ) بالرياض لو تفحط ماصرفت الف بيوم اسمح لي ولكنك جديد واول مره و و و و( متفقين ) بس برضه .. ياخي الانترنت موجوده وبوكنج وجوجل .. اجل اطب وافرط 14000 بالقاهره واجي ( لو اني اخوك كان رميتك بشوزن ) :1::1: |
اقتباس:
وهنا تكون المصيدة اللي يوضعها اصحاب الشركات فمثلا بشرم راح تعرض عليك نفس الشركة اللي انت متفق معها برامج سياحية عديدة مثلا رحلة الغواصة وتوهمك بان اسعارها مناسبة وبالحقيقة هم يدبلون السعر اضعاف وبامكانك الحصول على نفس البرنامج وبكل سهولة وانت ماشي بشرم. فارجو من الاخ نايف الانتباه لهذه الامور ورحلة سعيدة |
أبولجيـن و الله أني مريت بنفس شعورك و لكني قلت دام (راح كل الكلام) انطلق الرشا .. مثل ما قلت لعل أخونا نايف ,, يسافر و ينبسط المهم النقطة اللى ذكرتها له بأن يكون واعي لكل شئ أثناء الرحلة و اي شئ خارج البرنامج يدقق فيه |
اقتباس:
بالفعل أخوي hazim .. العروض الأضافيه هي المصيدة التى تنصب لمن يعتبر في نظر أصحاب المكاتب السياحية "صيدة" |
اقتباس:
اقتباس:
اقتباس:
ابو لجين قال كل الي كان ودنا نقوله ههههههه يا رجل لو تروح كاليفورنيا او سويسرا وعلى قولتك بدون خرابيط وسهر يمكن ما تصرف الف ريال في اليوم :32: ههههههه ما بالك مصر ولعلمك بمصر والقاهرة خصوصا اذا ما كنت مركز وبالك ماهو طويل وزعول وما توسع صدرك مع المصريين ترا بتتعب وخذ معك دواء ضغط هههههه لازم لازم توسع صدرك وايضا تكون حريص في مشاهدة المنيو والاسعار حتى لا يتم التلاعب وتاكل مقلب ثاني غير مقلب مكتب السياحة . هذا درس لك مستقبلا حاول تقرأ تجارب الناس في المنتديات والسوشال ميديا وطريقة عمل جداولهم بأنفسهم ومشاهدة تقارير كثيرة لأي دولة في العالم تود زيارتها لأنه هذا الشيء بيوفر عليك مبالغ كبيرة انت اولى فيها وايضا بيثقفك ويعطيك انطباع مبدئي عن البلد قبل زيارته حتى تشوف تناسبك ولا لا ، لا تنسانا بالتقرير المميز بعد السفرة وترجع بالسلامة يارب . |
انا وزوجي بعد يومين في مصر ياذن الله ورتبت السفر بالاستعانه بموقعنا الجميل العرب المسافرون اللي كان له فضل بعد الله في سفريات لاوروبا وهي اصعب من مصر من حيث اللغه وغيرها ومن كثر ماقريت في المنتدى حسيت اني اعرف القاهرة وجزاكم الله خيرا للجميع على اثراء المنتدى بكل جديد |
|
اقتباس:
|
اذا يمديك تعدل في البكج السياحي اقعد اربع ايام في القاهرة وثلاثة في شرم القاهرة مدينة متنوعة ومصر كلها القاهرة اذا احببت القاهرة ، احببت مصر . لكن دامك لحالك فالأمر يرجع لشخصيتك !! كيف هي شخصيتك ؟ اذا انت وسيع صدر وتغض الطرف وتسمع وتطنش وتبتسم وتتجاهل فالامر طيب ولا حولك شر عيش بوسط الناس في القاهرة يحلو يومك . البكج ظالم القاهره لانه شمل الاهرامات والمتحف وخان الخليلي في يوم واحد !!!! كل جهة من هالجهات الثلاث يبغالها يوم خان الخليلي لحاله " حكاية " جرب وتدعيلي . حاول تعدل في الجدول لو تدفع 500جنيه تقريبا 100 ريال للتعديل . والله كان ودي تلاقي لك خوي في الرحله على شان تطلع ممتازه لكن انت بمقدورك تخاوي 100 مليون مصري بتقمص شخصياتهم. تمنياتي لك بطيب الاقامه يا صديقي :58: |
رحلة سعيدة يا نايف الشباب ما قصروا بس لا تشتري كاميرا خلك على كاميرا الجوال الفلوس اللي تحطها بالكاميرا حطها في جوال تصويره حلو مثل ايفون ماكس برو الكاميرا رح تضايقك في التنقل واللي جودتها عالية غالية والقرار لك :e032: |
اقتباس:
لا يأنبك ضميرك الحياة تجارب ودروس تستفيد منها وكويس انك لحقت تاخذ آراء الناس في المنتدى لعل ان شاء الله تفيدك وكان ودي انك حجزت الفندق حتى بدون افطار مع انه اتوقع اغلب الفنادق دائما الافطار مجاني حتى تاخذ راحتك في اختيار المطاعم ونوعية الاكل والافضل انك تاكل من مطاعم نظيفة وسمعتها كويسة عشان لا قدر الله لا يصيبك تسمم او شيء وانت لوحدك وحاول ابحث في قوقل ماب وتشوف تعليقاتهم عن المطعم الي ناوي تزوره ، انا من رأيي مثل ما قال أبو عبدالله حاول تتفاوض مع شركة السياحة وتخليها 4 ايام القاهرة و 3 ايام شرم الشيخ او العكس 3 ايام القاهرة و 4 ايام شرم الشيخ مع اني افضل العكس انه تكون المدة اطول في القاهرة بحكم انها اكبر وتعدد اماكن السياحة فيها وهي بصراحة تعتمد على رغبات الشخص اذا سياحة بحر وتوابعه خلي شرم الشيخ الاطول واذا تبي كافيهات ومولات واسواق ومطاعم وسهر وتوابعه طول في القاهرة . انا ما ادري ايش جوك والاماكن الي تبي تزورها في القاهرة لكن بما انه حجزك على النيل بإمكانك تقضي يومك تمشية فيه والجلوس في المطاعم والكافيهات الي فيه وابحث في قوقل ماب بالخريطة وتحصل تقييمات وصور للناس وانطباعهم عن كل مكان تجده . عندك المهندسين شارع جامعة الدول ايضا مليء بالمطاعم والكافيهات واذا تبي اماكن مغلقة تحتوي مطاعم وكافيهات وسينما مثلا وتمشي فيه عندك المولات كمثال كايرو فيستيفال مول ، الصن سيتي مول ، سيتي ستارز ، ومول العرب وفيه مول اعتقد جديد فتح في مدينة نصر سمعت عنه لكن والله ما اعرف اسمه . شرم الشيخ اذا باقي ما حجزوا لك الفندق او فيه امكانية تتفاوض وتعدل على الحجز خليهم يحجزون لك في خليج نعمة فندق النوفوتيل كخيار 5 نجوم او فندق المارينا كخيار 4 نجوم ، انا اتذكر على زياراتي السابقة في شرم الشيخ في 2012 تقريبا و 2018 ( زيارة 2018 كانت سيئة بسبب حادثة سقوط الطائرة الشهيرة ) كان خليج نعمة هو الافضل ولكن الآن لا اعلم ما زالت الافضلية له ام لخليج القرش او الشارك ومنطقة السوهو سكوير يفيدوننا الاعضاء في هذا الموضوع ايضا فيه فندق مدحه واحد زار شرم الشيخ في شهر مايو هذه السنة اسمه حدائق السلطان لكن لا اعلم موقعه في خليج نعمة ام خليج القرش . اختيار الفندق وموقعه في شرم الشيخ بالذات انك لوحدك مهم جدا لانه بعض الفنادق من النشاطات والاكتيفيتي والعروض الي فيها ممكن ما تخرج منها الا قليل . ان شاء الله تجربتك تعجبك وتوثقها وتنزل لنا التقرير هنا بعد رجعتك بالسلامة ان شاء الله ومثل ما قال اخونا آخر فرصة خلي توثيقك بجوال تصويره حلو افضل لك من قروشة الكاميرا ، ههههههههه محسوبك دايم يعتمد على من يرافقه في التوثيق احب اعيش اللحظة ولا اقروش راسي بتصوير وكذا واتوقع المنتدى يختلف معاي في هذه النقطة لاني ان سافرت لحالي ( وهذا لا افضله ) ما بيشوفون تقارير مني كذا ههههههههههههه تروح وترجع بالسلامة ان شاء الله |
نايف قصيمي جميل وروحه رياضيه .... حياك الله يانايف رحله سعيده وموفقه .. وحنا هنا اخوان ونهتم بتفاصيل بعض من باب التعاون .. الله يوفقك برحلتك ومره ثانيه لاتسافر الا مار هنا نتناقش انا الان حول الدليميه** ادورك بالقصيم .. |
المبلغ يكفي وزياده وبالنسبه للحجز عن طريق مكتب سياحي فكما يقول المثل الغريب اعمى ولو كان بصير ففي اول مره الشخص يروح بلد ما يكون بحاجه لمرشد او احد ذو درايه بالمكان يعاونه حتى يعتاد عالبلد واجوائها وهذا دور مكاتب السياحه وبرامجها اتمنى لك رحلة سعيده |
اقتباس:
حكمه معبرة |
| الساعة الآن 03:07 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO