|
سؤالين ضروري. السلام عليكم ورحمة الله وبركاته رحلتي للقاهره لمدة اسبوع لوحدي وأول مره اجي مصر. طبعا بس استفسارين لاهنتم الإفاده وبأذن الله اوعدكم بتقرير مفصل. كم تقريبا أخلي مصروفي اليومي.؟ طبعا كل شي من غير السكن لإني حاجز ودافع. 2-ابي مقاهي فخمه وكويسه حقت شيشه. |
اقتباس:
و عليكم السلام و رحمة الله و بركاته .. للأجابة على تساؤلاتك : السؤال الأول: كم تقريبا أخلي مصروفي اليومي.؟ هذا أصعب سؤال على الأطلاق فلا أحد يقدر يحدد لك سلوك في الصرف فهناك من الأشخاص من لا يكفيه ألف ريال باليوم و هناك من يتصرف بـ 500 ريال و البعض أقل من ذلك فمسألة المصروف في الغالب متباينة بين الأشخاص و بشكل عام مصر ما هي غالية ... (200-400) ريال ممكن تكفيك و لك الخيار ... بعد التجربة السؤال الثاني: ابي مقاهي فخمه وكويسه حقت شيشه. أن شاء الله يفيدك أصحاب الخبرة ... (مالي فيها) بالتوفيق |
250 ريال -300 باليوم تكفيك تراك بالقاهره .. (اذا انت مبذر بعد ) وهناك انواع الخيارات الرخيصه المواصلات استخدم اوبر .. وامورك طيبه .. اما المقاهي فمعذره مااقدر افيدك .. |
أسفل فندق أم كلثوم في الزمالك شارع أبو الفداء يوجد مقهى يقدم الشيشة اسمه بوتري كافيه. مقهى ومطعم نجيب محوظ بالحسين هذا ما أذكره لكن بالتأكيد هنالك أماكن أخرى أفضل ويمكن أن تبحث في جوجل مابز وتقرأ التعليقات. أرجو لك التوفيق |
اقتباس:
مرحبا يا عزيز تروح وترجع بالسلامة دامك لوحدك فما راح تزيد صرفيتك بشكل عام ومعتدل عن 300 ريال / 1250 جنيه ، بالنسبة للشيشه فلا علم لي لأني غير مستخدم للشيشه ،، ولكن تقريباً مصر كلها شيشه في شيشه واللي مايشيش عندهم تلاقيه يدخن . شارع الجامعة العربيه اغلبه مقاهي راح تلاقي الشيشه بالهبل واذا بغيت على النيل اغلب المقاهي تقدم الشيشه. |
اقتباس:
وعليكم السلام ورحمة الله وبركاته المصروف يختلف من شخص لآخر حسب وين راح وايش دخل أماكن وهل فطوره وغداه وعشاه من الخارج ؟! لكن عموما المصروف مثل ما ذكر الأخوان لن يزيد عن 300 الى 500 ريال في اليوم شامل فطورك وغداك وعشاك وجلستك في كافيه للشيشة وحتى وان تخللها بعض الترفيه مثل السينما وغيرها ! لكن اذا كنت ناوي تسهر في حفلات وخرابيط فراح يزيد المصروف اليومي حسب المكان . الشيشة مالي فيها ولله الحمد لكن كل مصر معسلات وشيش واغلب الكافيهات والمطاعم الي ستايلها كافيه ومطعم في نفس الوقت الي في شارع جامعة الدول او في النيل والبحر الأعظم توفر المعسلات والشيشة وجوجل ماب عندك يعطيك تعليقات وانطباع الزوار لكل مكان . تروح وترجع بالسلامة ان شاء الله وتعطينا تقرير مفصل بإذن الله |
منذ ظهور جائحة كورونا تم منع الشيشه بالمقاهي ونادرا ما راح تجدها والاخوه الي ردوا بان كل مصر شيشه ومعسل فمعلوماتهم قديمه قبل كورونا نسال الله ان يرفع الوباء والبلاء عن العالم اجمع |
| الساعة الآن 12:11 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO