|
مسافر بعائلتي هل من توجيهات نصائح الله يجعلكم في الفردوس الاعلى السلام عليكم ورحمة الله وبركاته اسعد الله اوقاتكم بالخيرات والمسرات وبالرضا من الرحمن وكما هو موضح سبق لي السفر ولكن فبل 15 سنه وها انا اعود بزوجتي وابنتي كم اليومية المقترحة من ناحية المصاريف ظهر لي المبلغ النهائي في بوكينج هل هو المبلغ بعد الضريبة والسحب الالي كيف هل هو متاح في بطاقة مصرف الراجحي مدى وافضل شريحة اتصال ترشحونها لي وافضل اتصال انترنت ثالثا هل احمل معي الدولار ام الريال وختاما لا استغني عن توجيهاتكم ونصائحكم الله يجزاكم خير الجزاء ولا حرمتم من خيري الدنيا ىالاخرة |
حياك الله اخي الغالي سام ورحلة سعيدة مع عائلتك وسوف تندهش من كثر التغيرات في مصر ماعدا الاهرامات لازالت على حالتها السيئة كم اليومية المقترحة من ناحية المصاريف تعتمد عليك فية مطاعم غالية ومطاعم رخيصة لكن من 400 الى 500 ظهر لي المبلغ النهائي في بوكينج هل هو المبلغ بعد الضريبة اكثر الشباب ينخدع في المبلغ المعروض في مصر لايضيفون الضريبة وعند الدفع تطلع لك اموال زايدة والسحب الالي كيف هل هو متاح في بطاقة مصرف الراجحي مدى كل البطائق شغالة هناك اما استخدمت بطاقة المسافر من الاستثمار وافضل شريحة اتصال ترشحونها لي وافضل اتصال انترنت فعل خدمة التجوال ممتازة جدا او خذ شرائح فدفون رخيصة ثالثا هل احمل معي الدولار ام الريال خذ ريال احسن سعرة ثابت رحلة موفقة ان شاء الله |
الله يجزاك خبر ويبارك فيك ولك |
أهلا بك أخي الكريم إذا أردت معرفة السعر الكلي للفنادق فابحث في موقع هوتيلز hotels.com حيث يضع السعر بالكامل مع الضرائب ثم تحجز من خلال booking وأنت على علم مسبق بالمبلغ الذي ستدفعه عند الوصول. بالتوفيق ورحلة سعيدة. |
بالاضافة لما ذكره الزملاء السعر في بوكينغ الظاهر يضاف له %27 ضرائب ورحلة سعيدة |
الله يجزاكم كل خير ويبارك فيكم بالنسبة للمشتريات كم رسوم السحب للمشتريات والسحب النقدي لدى مصرف الراجحي |
اقتباس:
رسوم المشتريات الدولية: %2.75 على المبلغ الأجمالي للعملية السحب النقدي لبطاقات الحسم المباشر 25 ريال استفسار عن الرصيد على الصراف الآلي 3.5 ريال لسحب النقدي من البطاقة الائتمانية: سحب مبلغ 5000 ريال أو أقل (75 ريال) |
الله يجزاك خير اخوي ابومعتز ويبارك فيك ولك ويجعلك موفق وين ما رحت |
اقتباس:
آمين و أياك أخوي سام 2018 |
اقتباس:
وعليكم السلام ورحمة الله وبركاته يا هلا حياك الله اخوي اول شيء الله يحفظ لك العائلة ان شاء الله وبإذن الله سفرة سعيدة ان شاء الله وتروح وترجع بالسلامة 15 سنة ما شاء الله مدة ليست بالقصيرة وراح تلاحظ فرق وتطور خصوصا في شوارع وطرق القاهرة وهذا ما لاحظته في سفرتي الاخيرة كانت في بداية يوليو اعتقد 7 او 8 وحتى 30 يوليو 2021 كلها كانت في القاهرة واربعة ايام فقط في شرم الشيخ .. حيث ان زيارتي السابقة لمصر كانت في اغسطس 2018 . اليومية المقترحة من ناحية المصاريف تعتمد عليك انت شخصيا وكيف جدولك اليومي لكن اذا افترضنا انه فطورك بيكون في الفندق او الشقق الفندقية مجاني فبيكون للشخص الواحد تقريبا من 300 الى 500 ريال غداء وعشاء ( مطاعم فاخرة مستقلة ولكن ليست تابعة لفندق 5 نجوم لانه ممكن يكون السعر اغلى ) وترفيه بسيط مثل السينما او الجلوس في كافيه او مقهى بطلباتهم .. طبعا المصروف لا يشمل التسوق من مشتريات والهدايا . بالنسبة للمبلغ الي يظهر لك في بوكينج يختلف من فندق لفندق ولكن بيكون موضح التسعيرة ايش تشمل ضرائب وخدمة الخ... يفضل ان تقرا تفاصيل السعر ولا مانع من الاتصال على رقم خدمة العملاء لبوكينج وخليهم يتواصلون مع الفنادق الي عجبتك ويجيبون على كل استفساراتك وانا شخصيا عملتها في الفنادق الي حجزتها في شرم الشيخ وخليتهم يتواصلون ايميل واتصال وسالت عن كل اجراءات الوقاية من كورونا وايش الاشياء المتاحة والمغلقة الخ... في القاهرة سكنت والله مع الاهل كانوا ماخذين فيلا روف في عمارة في مدينة نصر حي السفارات لكن لان حنا متعودين على هذا النظام عند كل زيارة للقاهرة ومو جديد علينا خلوكم على الفنادق او الشقق الفندقية افضل من ناحية الخدمات . بالنسبة للسحب الالي او الدفع بمدى للامانة ما جربت الا عام 2010 تقريبا اضطريت اسحب وانا في فندق سميراميس القاهرة من مكينة الصرافة واتوقع كان فيه عمولة 25 ريال على كل عملية سحب . انا متعود اخذ معي كاش ريال سعودي عند الذهاب لمصر بشكل عام فقط دفعت فنادق شرم الشيخ ببطاقة السفر من البنك السعودي للاستثمار لاني كنت حاجز حجز الغاء مجاني الين قرب موعد السفر وتاكدت بعدها شيكت على الحجز الغير مسترد ولقيت فرق في السعر حلو وغيرته لغير مسترد ودفعت المبلغ من هنا قبل السفر . اذا اخذت كاش ريال سعودي مثلي بإمكانك تغير العملة للجنيه المصري عن طريق مكاين تغيير العملة في الفنادق والمولات وما تحتاج بطاقة صراف للمكينة فقط تتبع تعليمات الشاشة وراح يفتح لك مدخل النقود وتحط المبلغ وتغيره لك للعملة المحلية بسعر صرف يظهر لك في الشاشة قبل وضع نقودك . احيانا وخصوصا في القاهرة كنت اواجه مشاكل اعطال في هذه المكاين ترفض التغيير او تقبل دولار ولا تقبل ريال الخ.. واكون للاسف متوجه للمول ومعتمد على هذه المكاين والكاش بالعملة المجلية الي معي ما يكفي وتحرجني ! فتجاهلت هذه الطريقة وصرت اصرف من فرع بنك يعمل 24 ساعة في فندق سونيستا شارع الطيران لانه قريب من سكني في حي السفارات مدينة نصر .. ويوجد فرع بنك 24 ساعة مثله في فندق هيلتون رمسيس على النيل اذا كان الفندق الاول بعيد عليك وهذه الطريقة اشوفها افضل من مكاين تغيير العملة ومشاكلها لانك راح تقابل موظف البنك وتسلمه الكاش ومافيه مجال لرفض او اعطال مثل المكينة . شريحة الاتصال والانترنت اشتريت فودافون من المطار عند الوصول وفعلت باقة اتصال محلي وانترنت من ضمن العروض الي عرضها علي الموظف ولكن للاسف طلع فودافون سيء بعد ما كان الافضل في عام 2018 عند زيارتي السابقة ! اذا شغلته جيل رابع انواع التقطيع وعدم الاستقرار ورحت فرعهم وقال لي ثبته على الجيل الثالث وبيستقر معك ! وفعلا صار مستقر شوي عن الجيل الرابع لكن بشكل عام سيء ولا يقارن بشبكتنا هنا في السعودية واكتشفت حتى الاتصالات او اورنج مثلهم وكلها اردى من بعض لانه الاهل وقتها مجربين . حسب كلام بعض المصريين الي تناقشت معهم يقولون اصبحت سيئة جميعها فودافون واورانج والاتصالات سيئة من يوم ما دخلت شركة WE الاتصالات المصرية الحكومية ( يقولون تابعة للجيش المصري الله اعلم ) السوق وهي الي صارت مميزة في قوة الشبكة واستقرارها لكن الله اعلم ما جربتها ولا اقدر احكم . اذا قدرت تجرب كل الشركات في اي محل قبل الشراء فانصحك بذلك خصوصا استقرار الشبكة وعدم تقطيعها . اي استفسار اخر حاضرين وتروح وترجع بالسلامة ان شاء الله |
اقتباس:
|
ربي يسهل دروبكم |
الله يجزاك خير ويرفع قدرك ويعلي منزلتك كفيت وفيت وبيض الله وجهك اخيي ولي عدة استفسارات بس خلك قريب عسى عمرك طويل |
اقتباس:
لا شكر على واجب ومرورك الاجمل الله يحفظك . اقتباس:
ومن يقول الله يجزاك بالخير على دعاءك ولك بالمثل وأكثر ... وجهك أبيض وأبد حنا بالخدمة طال عمرك اطرح استفساراتك وبنجاوب الي نعرفه ونترك الي نجهل جوابه للخبراء هنا ونستفيد من الجميع . |
الله يجعل من رباك بالفردوس الاعلى على سرر ما نستغني اخيي عنك عسى عمرك طويل. كم تقترح لي الاسكندرية كم يكفيها يوم وهل ترشح لي الذهاب لها صد رد بيوم واحد اخيي الاسواق الشعبية زي الحسين وطقته اين اجدها |
ما قصرو الشباب الله يعطيهم العافية .. حبيت ازيد ..اذا شريحتك stc تقدر تفعل خدمة تجوال العالم بيسك .. وهذي تعطيك ميزة استقبال المكالمات و سعر محدد على الاتصال سواء للسعوديه او مصر بمبلغ تقريبا ١ ريال للدقيقة .. واذا جيت هناك طلع لك شريحة بيانات و بتحصل باقات حلوه للبيانات والتصالات سواء فودافون او اورنج .. وخذ منهم اللي يناسبك |
اقتباس:
ومن يقول الله يحفظك ويجزاك بالخير ... على قد ما زرت مصر الا اني ما عمري زرت الاسكندرية الا وانا طفل صغير حسب ما يذكرون لي اهلي لا اتذكر من تلك الزيارة اي شيء هههههههه لا ابدا ما انصح صد رد لانها بعيدة عن القاهرة وانتم عائلة ولستم شباب الي ما انصحهم ايضا بهذه الطريقة ... هي تعتبر مدينة كبيرة وعلى البحر مثل جدة يعني راح تلاقي فيها مولات اسواق ومطاعم ومزارات سياحية شوف اقرا عنها وشوف ايش الي يناسب اهتماماتك وراح تعرف كم يوم تخصص لها . بالنسبة للاسواق الشعبية للاسف ما اعرف منها غير الحسين .. لكن هناك بعض الاسواق للملابس والاحذية الله يكرمك قد تناسب العائلة مثل سوق كرداسة ( متخصص للجلابيات والعبايات للنساء العادية والفاخرة ) ... سوق طلعت حرب وسط البلد ( منوع ملابس واحذية ) ... محلات شارع عباس العقاد مدينة نصر ( منوع ملابس واحذية ) ... شارع شبرا مصر التجاري ( منوع ) . كل المذكور من الاسواق والمحلات جودة وصناعة مصرية وممكن تلاقي فيها بضاعة مستوردة . بالنسبة للمولات الضخمة المشهورة مثل الكايرو فيستيفال .. مول الماظة .. مول مصر .. مول العرب .. سيتي ستارز الخ.... جميعها راح تحصل فيها المحلات والبراندات العالمية مثل مولاتنا في السعودية . بالتوفيق ان شاء الله |
اقتباس:
|
الله يجزاكم خير ما قصرتو بارك الله فيكم ولكم وجزيتم من النعيم ادومه لاحرمت الاجر مصاعفا |
اقتباس:
اخاف الباقة هذي بيانات محدودة وانا عندي منصه مدرستي ومثلك عارف بيانات تستهلك الله يجزاك خير ويبارك فيك ولك |
اقتباس:
|
| الساعة الآن 11:47 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO