|
ارجوو مساعدة سلام عليكم انا رايح مصر شهر جاي لمدة اسبوع طبعا سفره شباب ممكن تقترحو علي جدول و فنادق كويسه نظيفه تعبت وانا ادور في بوكينغ طبعا اول مره اروح |
و عليكم السلام ... تروحون و ترجعون بالسلامة ... طالما أنكم شباب .. مصر ما تحتاج جدول فهي كتاب مفتوح أي مكان تروح له بحد ذاته تمشية و لكن ممكن أنكم تزورون المولات في مصر مثل: سيتي ستار - مول العرب - مول مصر تزورون الأهرامات .. تروحون الحسين و تتمشون في خان الخليلي تنزلون الأسواق الشعبية وسط البلد تأخذون جولة في مركب بالنيل .. أو تتمشون على الكورنيش و طبعاً المقاهي ما تفوت هناك ..و هناك الكثير منها صدقني الجدول حقكم بيصير مشغول طوال الوقت أما الفنادق يصراحة Booking مليان فنادق و حسب ميزانيك و لكن ما عرفنا كيف تعبت و أنت تدور ؟؟ فهل هناك تصنيف معين في بالك؟ |
اقتباس:
يعطيك العافيه اخي الكريم تعليقات غير واضحة ناس ترفع في سماء وناس تحط في الارض ا انا اهم شي يكون فندق نظيف مجرب حق نوم فقط |
اقتباس:
الله يعافيك ... طيب شف الفندق هذا ممتاز كموقع و قريب من كل شئ Steigenberger Hotel El Tahrir Cairo https://cf.bstatic.com/xdata/images/...91a6de&o=&hp=1 و فيه فنادق أخرى في منطقة وسط البلد مثل هيلتون رمسيس _ سميراميس أنتركونتينتال بالتوفيق |
وعليكم السلام ورحمة الله وبركاته ابو معتز كفى ووفى في الرد واتفق معه مصر كتاب مفتوح وبتلاقي وقتك مشغول فقط اختار موقع زين للسكن وتنزل برجولك تتمشى على النيل وتخلي اوبر صديقك لاي مشوار تريده اسكن في احد الفنادق الي ذكرتها لك في الخاص مثل ما سالتني واختار منها حسب ميزانيتك .. فيه ماريوت عمر الخيام وفيه الفيرمونت وفيه الهيلتون وفيه كمبنسكي اعتقد والشيراتون والفور سيزونز خيااارات كثير جميعها على النيل ومواقعها ممتازة ازيد على المولات الي ذكرها : كايرو فيستيفال مول .. مول الماظة مولاتهم مثل عندنا يوجد بها سينما ومطاعم ومحلات منوعة .. المطاعم في المولات فيه منها الفاخرة المستقلة وفيه منطقة تجمع المطاعم السريعة الي موجودة في كل مول مثل عندنا . اذا انت تحب السينما والافلام لا تفوتك تجربة تذكرة السينما ال VIP سعرها 50 ريال مدري 60 ريال مثل الستاندر عندنا اتكلم عن الي جربتها في سيتي ستارز كرسي كنب كبير جدا مثل حق الدرجة الاولى في الطائرة . مطاعم جربتها وارشحها لك : مطاعم الصباحي الدقي مشويات وماكولات بحرية وانا بصراحة جربت الاكل البحري لذيذ مطعم فاخر غالي شوي شخصين بيكلفكم حدود ال 200 ريال لكن يستاهل . مقهى ومطعم لوكيشن جربت عنده المشويات لذيذة الصراحة مقهى ومطعم ذا روف ( مركب السن ست سابقا ) المشويات عنده طيبة ولذيذة والشاورما اللحم سواء الميني او العادية لذيذة ( المكان غير مناسب للعوائل المحافظة .. لوكيشن نوع ما قد يناسب بعض العوائل ولكن يفضل البحث عن مقاهي مناسبة للعوائل المحافظة ) مطاعم برجر جربتها ممتازة : مطعم ذا برجر فاكتوري the burger factory في شارع 26 يوليو الزمالك مطعم صغير لكنه ممتاز جدا سواء في البرجر اللحم او البرجر الكريسبي الدجاج مطعم ذا مينس Mince Burger ممتاز وله فروع متعددة في المولات وخارج المولات بامكانك البحث عن اقرب فرع لك في قوقل ماب ولكن بالنسبة لي ذا برجر فاكتوري عجبني اكثر .. فيه مطاعم اخرى لم اجربها في اخر زيارة وسبق تجربتها في عام 2018 اتذكر انها ممتازة : مطعم فرحات وله فروع كثير ومشهور بالحمام المحشي والمشويات . مطعم ابو السيد في الزمالك وله ايضا فروع اخرى مطعم مصري منوع ممتاز في مطعم مصري شعبي يمدحونه لكن ما جربته الصراحة اسمه مطعم البرنس في امبابة ويقولون افضل من صبحي كابر الي نزل مستواه وصار يسخن الاكل بسبب الزحمة والضغط الي عليه . مصر جميلة وبتعجبك ان شاء الله وتروح وترجع بالسلامة |
سكنت في فندق شتاينبرقر اللي اقترحه ابو معتز موقع ممتاز وسط البلد ونظيف جدا اذا اول مرة تروح القاهرة شوف تقريري https://www.arabtrvl.com/vb/t38965.html رحلة موفقة |
الله يسهل دروبك مع اعضاء المنتدى لا تخاف عندهم ما يفيدك دائما |
| الساعة الآن 06:30 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO