|
زيارتي السريعه إلى مصر السلام عليكم ورحمة الله وبركاته من زمان كان نفسي أزور مصر وفي كل مره أقول بعدين لكن شاءت الاقدار انها تكون الاسبوع اللي راح كل اللي أحتجته عشان أعرف القاهره واماكنها بس موضوعين هنا موضوع آخـــــر فـرصــــه وبن قوت ... الله يعطيهم العافيه. بعد ماقرأت الموضوعين كونت فكره عن القاهره وين تروح ؟ كيف تتعامل ؟ وش تسوي هناك ؟ حجزت على القاهره قبل الرحلة بيوم ونص على خطوط طيران ناس وكان سعر التذكرة ب 1100 ريال. أحب الحجوزات المتأخره ماحب أحجز من بدري بعد حجز الطيران حجزت في فندق ستيجنبرجر التحرير مع الفطور لمده أربع أيام بـ 501 دولار كان حلو وعلى قد التطلعات ... الفطور عندهم متنوع وطاقم العمل خدومين جدا ً والخدمة مميزة. بعد الطيران والفندق وش باقي ؟ باقي المواصلات بصراحة لانها اول مره ماحبيت تكون المواصلات في اوبر ف قلت اخذ لي عربيه مع سواقها يكون معي طول اليوم افضل كلمت بن قوت مشكوراً وطلبت منه رقم السواق ... وماقصر على طول ارسل لي رقم السواق وبنفس الوقت كنت مكلم سواق ثاني ... أتفقت مع السواق الثاني بـ 500 جنيه باليوم لمده 12 ساعه طبعاً ماتناقشت معه على السعر لانه قال 500 جنيه فوافقت على طول .. وصلنا للمطار وكان زحمه شيكوا على التقرير الطبي للقاحات كورونا بسرعه ورحت للبنك تلاقي الشباك قدامك على طول اخذت فيزا بـ 25 دولار او 100 ريال أو 400 جنيه. بعدها طابور الجوازات يختم الجواز تستلم الشنطة وتلاقي كشكات الاتصالات قدامك اخذت شريحة من أورنج وهذي كانت عروضهم. https://www.arabtrvl.com/vb/attachme...1&d=1635353850 *معليش حاولت اعدل الصورة ورفعتها اكثر من مره بس ماضبطت اتفقت مع السواق يجيني من اليوم الثاني لاني وصلت بالليل فااخذت اوبر من المطار الى الفندق ب 133 جنيه (أوبر يقبل الكاش) مقتطفات... -زرت اماكن كثيرة منها متحف الحضارة المصرية وكان سعر التذكرة ب 60 جنيه (يستاهل الزيارة) - السواق كلم (قوده) راعي حنطور مع اني ماكنت ابي بس قلت اشوف بعد نقاش بسيط قال 300 جنيه بس بدا قوده الله يهديه يشتغلتي شوي يقول كم ساعه وكم صورة هتاخذ وكم اهرام هتروح له ... قلت له 200 جنيه موافق ؟ :24: -رحت الاهرامات انا والسواق ودخلنا بالسيارة ودفعنا 85 جنيه التذكرة ب 40 جنيه والسيارة ب 5 جنيه كان فيه واحد يوزع تذاكر للسواقين السواق اخذ التذكرة وقالي خذها ادخل فيها بدل ماتوقف على الشباك ... تمشينا وانبسطنا ورجعنا. تبعد عن الحنطور امورك طيبه وهذا اللي سويته. ( في نقطة التفتيش والدخول للاهرامات قالي التذكرة هذي للمصريين قلت له المصري والسعودي واحد ودخلت على طول) -المولات والمطاعم الاغلب المعروفه رحت لها ... -البلد جميل بصراحة والاجواء في هالوقت من السنه جداً حلوه -بعض المطاعم لمن جيت احاسب بالبطاقه بدت عليهم علامات الزعل والضيق .. :24: (واحد من المطاعم بعد ماحاسبت اسمعه يقول للي معه اللي يطلب فيزا قوله عطلانه) -بعض المطاعم والكافيهات ... مايرجعون الباقي الا لمن تطلب منهم ( إذا سوى هالحركة مايشوف بخشيش) -واحد من الكافيهات في مول كايرو فستيفال مارجع الباقي وراح وجا وانا اطالع فيه بس قالي فيه ايه ؟ قلت له فين الباقي؟ قالي شيك عندك انا رجعت لك الباقي .... عرفت ان فيه اكشن ف كنت مبسوط قلت له شيك على الكاميرات وشوف .... جا زميله رجع لي الباقي وقال آسفين حقك علينا ... -لمن تجي تروح في اوبر وتبي تختار سيارة الاولى اللي تطلع لك بالغالب بتكون سياره مستهلكة وتعبانه والثانيه تكون نظيفه وجديدة. -صرافه بنك مصر في مجمع كايرو فستيفال تبدل عملات مايحتاج يكون معك بطاقه دخل فلوسك على طول - استخدمت كاش مع بطاقه السفر من بنك الاستثمار - السواق كان ممتاز وهذا احد اسباب نجاح السفرة - السواقين اللي يوقفون عند الفنادق بالغالب نصابين يدورون زبون يروح لسهره عشان ياخذون نصيبهم ويمشون -البلد جميل ويستاهل الزيارة اكثر من مره ( بس لازم تعرف كيف تتعامل وتطول بالك) -في المطار وانا رايح وانا راجع ماحصل لي اي موقف ابداً حتى تلميح ماكان فيه بس لمن وانا راجع جاني واحد قالي ادخلك بسرعه من بوابه ثانيه قلت لا ومشي على طول وكملت طريقي هل سوف اكرر الزياره ؟ أكيد |
و عليكم السلام و رحمة الله و بركاته .. ما شاء الله تقرير بسيط و سريع مثل الرحلة يعطيك العافية أخوي brahimKSA |
شكرًا لك أخ إبراهيم على تقريرك السريع الذي بالتأكيد سيفيد الراغبين في زيارة القاهرة. وأرجو من الله أن تعود مجددًا إلى مصر للتعرف عليها أكثر. |
رحلة سريعة جميلة المهم انك خرجت بانطباع جيد ونية لزيارة مصر مرة اخرى الكثير من السلبيات تجاوزتها لانك كان عندك خلفية عنها بسبب قراءة الملاحظات عليها شكرا اخ ابراهيم لمشاركتنا تجربتك |
اقتباس:
يعافيك ربي شاكر لك مرورك |
اقتباس:
اقتباس:
العفو ي سارة شي اكيد مصر تحتاج لي اكثر من زيارة وان شاء الله في قادم الايام راح يكون لي زياره لها مره ثانيه ... يعطيك العافيه |
اقتباس:
البلد جميله بس يبي لها روقان شوي ... العفو حياك الله .. |
الحمدلله على السلامه استغربت من تصرف جرسون مطعم مول الفيستفال المفروض في امانه لانه مطعم في مول راقي والجرسونات مختارين بعنايه سؤالي كيف وجدت شريحة اورانج وكم سعرها مع البيانات؟ |
وعندي استغراب ثاني ليه ما اطلعت على تقريري :25: تقرير بن قوت أحسن مني ولا ايه !! |
اقتباس:
الله يسلمك وانا مثلك لو اذكر اسم المطعم كان كتبته بس للاسف مايحضرني حالياً هو شاب لسى صغير وفكر اني راح اسكت وامشي بحكم اني خليجي بس ويمكن عملها في ناس قبلي ومشت الامور ماتدري بس انا لو حبيت اكبر المشكلة وافضحه بالمكان اقدر بس خليها تمشي .. |
اقتباس:
ملاحظة مهمه :25: تقرير بن قوت لمن كان ينزله كنت متابع معه ف عشان كذا كان على بالي. وتقرير نجم السياحية مخليه للسفره الجايه قريب ان شاء الله :25: ولا اقولك بديت فيه :24: أنا اللي قاهرني تعامل البعض منهم معانا !! على أساس انهم أذكياء واحنا مغفلين !! هذي تنطبق على الجرسون :22: يعطيك العافيه نجم |
الحمدلله على السلامة تقرير جميل مختصر ومفيد عجبني ردك بان يشيك على الكاميرا طبعا خاف ورجعو لك الفلوس اهم شي ان لا تستغفلني حتى لو بقرش كون محترم تحترم وراح نعطيك بكيفنا واللي يعجبك بعد شكراا لذكر تجربتك اخي ابراهيم وان شاءالله سفرات ممتعه اكثر واكثر |
تحديثات مفيدة ومطمئنة بارك الله فيك. (بأكد الحجز بنفس الفندق) :) تحياتي |
اقتباس:
استفسار / (شيكوا على التقرير الطبي للقاحات كورونا)!! هل تقصد فحص PCR او طبعت جواز الصحن من تطبيق توكلنا موضح فيه اخذك للجرعتين فقط كافي عن الفحص PCR ؟ |
اقتباس:
الله يسلمك توبليرون والله بيني وبينك الاستغفال حصل اكثر من مره لكن الواحد يمشي شوي وهذا اللي اقوله المحترم يستاهل واللي يلف ويدور ... ماله شي العفو حياك الله |
اقتباس:
هلا سفير روح وتوكل على الله الاجواء جميييييييييييييييييييييله حاليا ً راح تستمتع وتنبسط والفندق حلوو بس حاول تسكن في آخر دور عشان ازعاج الهرنات مع انك بتسمعها :14: |
اقتباس:
اي شيكوا على التقرير الطبي مطبوع من " صحتي" وخذ الجواز الصحي من توكلنا انا قدمت الاثنين لامايطلبون فحص PCR اذا ماخذ الجرعتين تكفيك ، اصلا في المطار قبل ماتسافر راح يشيكون على كل شي هنا ... |
رحلة سريعة وموفقة مصر جميله اذا انت بالك طويل وتقدر تتعامل مع بعض المستغلين لكن عموما الشعب المصري فيهم طيبة وكرم ويحب مساعدة الغريب |
اقتباس:
صحيح هذي مايختلف عليها اثنين شعب طيب وكريم ويقوم بالواجب بكل وقت الله يسعدك يارب |
جميل أنك استمتعت بالرحلة القاهرة رائعة متى ما وسعت صدرك وتغاضيت عن بعض السلبيات الحلو أن عندك نية رجعة يعني انبسطت بالرحلة والسبب استعدادك المبكر تسلم يا عسل على التقرير الخفيف اللطيف :e306::e306: |
اقتباس:
اهلا آخـــر فــرصـــة والله هم بالهم طويل عشان كذا لازم يكون بالك طووويل مرره .. والله النيه موجودة وقريب إن شاء الله خصوصا إن الاجواء حلوه قبل مايدخل البرد .. ونستكشف أكثرر حياك الله ... |
تقرير سريع لكن يحمل بين طياته بعض الفوائد والاحتياطات اللي لابد لكل زائر للقاهره اخذها بعين الاعتبار . البخشيش لابد منه في مصر وغير مصر وهو نوع من الرضا ودفع البلا . زيادة قيمة الفاتوره ان مادققت على الفاتوره قبل الدفع والا احتمال وارد انهم يزودون عليك كم جنيه ! اللي لحاله يقدر يستقعد لهم ، لكن صاحب العائله وبعد الاكل ورؤية الابناء مبسوطين وشبعانين ياخذ الفاتوره ويدفع تلقائياً . المطار في الرجعه هل كان تخليص امور الحجز والجوازات والشنط نفس توقيت القدوم ؟ او تأخرت ؟ لانك لم تدفع لهم المعلوم يأخرونك في المغادرة . هل زرت شارع المعز ؟ هل اخذت مركب ع النيل ؟ هل اكلت كنافه مع كوب تركش كوفي ؟ دمت سالماً يا صديقي :e326: |
اقتباس:
هلا أبو عبدالله فعلاً صحيح البخشيش شي لابد منه لكن اهم شي يجي على خدمه حلوة وبالنسبه للفواتير ماشيكت عليها بس مثل ماقلت تصير بعض الزيادات وصارت لناس اعرفهم. في الرجعه ماصار فيه اي تأخير ابداً بس كان فيه زحمة شوي ولا الامور مثل القدوم ماشيه مية مية سمعت كثير انهم يأخرونك بس ماواجهت هالشي ولا شفت احد من الموجودين صار له هالشي ممكن فيه تشديد هالفتره أو تغير شي .. زرت شارع المعز ورحت النيل وكنت باخذ مركب بس اختلفت معهم على السعر وقلت بلاها هالمره اكلت كنافه بس بدون تركش كوفي بجربها مع التركش المره الجاية .. |
اقتباس:
وصلت للنيل ولا اخذت مركب !! انت مثل اللي راح الحرم الشريف ولا شرب من زمزم لكن بالمرات الجايه تجرب ياصديقي . الكنافه والتركش كوفي جربها في النادي السعودي الدبلماسي عندهم كنافه محترمة وجلساتهم على النيل محترمة . دمت سالم:e303: |
اقتباس:
ان شاء الله في المره الجايه ناخذ مركب على النيل وبالنسبه للكنافه والتركش كوفي خلاص محجوزة في النادي السعودي الدبلوماسي ... على توصيتك حياك الله |
ممكن تعطيني اسم السواق ورقمه |
مصربلد جميل ولكن عليك توخي الحذر في كل تحركاتك |
| الساعة الآن 08:21 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO