شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة مصر (https://www.arabtrvl.com/vb/f80.html)
-   -   قبل ما تدفع الأجرة لسائق التاكسى.. تأكد أن العداد "مش شمال" (https://www.arabtrvl.com/vb/t5150.html)

تونسية متنقلة 21-04-2015 05:50 PM

قبل ما تدفع الأجرة لسائق التاكسى.. تأكد أن العداد "مش شمال"
 
الكثير منا يستخدم التاكسي الابيض كوسيلة مواصلات امنه و مريحة الا انه الأغلبية ايضا لا يعلم طريقة حساب العداد الخاص به والذي انتشر مؤخرا التلاعب فيه بطريقة غير ملحوظة للراكب الذي يعتمد علي انه عداد ديجيتال ويدفع زي ما العداديقول دون اي وعي بطريـــقة الحســــاب

كيف يشتغل عداد التاكسي الابيض .

اولا بنديرة التاكسي 3 جنية شاملة كسر العداد 1.40 جنية + حساب الكيلو الاول 1.40 مقدما يعني بمجرد ركوب التاكسي والسير مسافة اقل من 1000 متر يكون الحساب خالص 3 جنية مع مراعاة ان كل دقيقة انتظار بقيمة 40 قرش يعني لو مشوار قصير والطريق زحام احسنلكوا تتمشوا علي الاقدام اوفر بكتير .
نجي بقي لو عدينا الكيلو الاول بتكون طريقة الحساب 40 قرش عن كل 200 متر وبردوا تسحب مقدما طيب ازاي تعرفوا الكلام دا كلوا لو بصيتوا في الصورة بالاسفل هي لنوعين من العدادت المستخدمة في مصر
الديجيتال الاحمر البسيط والثاني الازرق ابو حصان .

http://www.almosafr.com/forum/imgcac...711alsh3er.jpg

http://www.almosafr.com/forum/imgcac...712alsh3er.jpg


تعالوا نفهم العداد
هنالك 3 ارقام علي شاشة العداد الاول الفلوس المطلوبة الثاني عدد دقائق الانتظار والتي تحسب في السرعات اقل من 5كم/ساعة والثالث المسافة المقطوعة بالمتر .

الخدعة فين ؟
- بعض السواقين الغير شرفاء يتلاعبوا في العداد الخاص بالفلوس ولكن لكي تتأكد عليكوا انكوا تحسبوا حسبة صغيرة المسافة كام كيلوا (الكيلو مضروب في 1.40 جنية ) + (1.40 كسر العداد) + (عدد الدقائق مضروب في 0.40جنية) واذا كان الرقم هو هو او فارق نصف جنية فوق او تحت يبقي مفيش مشكلة ولو كان فيه فرق كبير يبقي ياما السواق دا حرامي يإما مـش دريـان انه عنده مشكـــلة في العـداد ومحتــاج يعايـــــره.... - إِنَّ بَعْضَ الظَّنِّ إِثْمٌ- وتبلغوه فورا.

- والبعض عندهم معايرة العداد غريبة جدا بتحسب الكيلو كله مقدم يعني تلاقيه بيزود 1.40 جنية مرة واحدة بدلا من ربع /ربع ودا طبعا بردو غلط لانه ممكن تكسر الكيلو علي 100 ولا 200 متر ويكون الحساب فيه زيادة بدون حق ولكن السواق مش حرامي ولا حاجة .


- والبعض الاخر بيشغل زر Night ودا موجود في العدادات الزرقاء ام حصان فقط وكان زمان اول ما التاكسي نزل الزرار دا فعال ولكن تم ايقافة حيث انه يستخدم في بعض الدول لطريقة الحساب مساءا تختلف عنها صباحا وفي حالة تشغيلة بيكون المؤشر علي كلمة Night وبيكون الحساب بالضعف
ولكي تتعرف على نوع التسعيرة
ستلاحظ على يسار شاشة العداد في الاعلى رقم صغير وبجانبه سهم
- اذا كان الرقم في اعلى اليسار للعداد رقم 2 والسهم يشير الى الجنب يمين او يسار فهذا يشير الى ان التسعيرة النهارية الطبيعية هذا الوضوع الطبيعي
- اذا كان الرقم في اعلى اليسار للعداد رقم 3 والسهم بجانبه يشير الى اسفل فهذة التسعيرة الليلة اللي فيها مبالغة بالاسعار
كذلك يمكن ان يخدعك يجعل التسعيرة على النهارية ولكن السعر برضة فيه مبالغ ويمكن اكتشاف هذا التلاعب من خلال معرفة كم كيلو متر قطعة المشوار ستجد عدد الكليو مترات بجانب الحصان الذي يتحرك في العداد
الطبيعي تقريبا انه اول ما تركب يقلب العداد على 3 جنيه وبعدين كل كيلو زيادة بجنيه و40 قرش
مثلا لو المشوار كان طوله 10 كيلو متر الطبيعي لو ماشي عادي وبدون زحمة ان تصل القيمة لحدود 16 او 17 جنيه لو في زحمة والعربية واقف كل دقيقة يحسب له 40 قرش
اذا زاد المشوار عن هذا الحد هنا تعرف بوجود تلاعب
يمكن اكتشاف وجود تلاعب بالعداد ان السواق بيدوس على الدبرياج بشكل جامد ويحاول يسرع لانه كل ما اسرع العداد بيقلب بشكل غير طبيعي


ملحوظة
1/ في بعض المشاوير الطويلة يجب ان تعلموا انه تتصاعد سعر الدقية الانتظار بعد الساعة الاولي من 40 قرش للدقيقة الي جنية للدقيقة.

2/ بعض سائقى التاكسى الابيض معدومى الضمير بيقوم بتشغيل لمبات الانتظار

دة مثال ليها فى تابلوه السيارة
http://www.almosafr.com/forum/imgcac...356alsh3er.jpg

ودة بيخلى العداد يحسب اكتر لانه بيحسب انتظار فى اشارة او انتظار جانبى لو انت طلبت من السائق الانتظار
وفى نفس الوقت بيحسب سير السيارة يعنى بيحسب مرتين ودة معناه انك بتدفع ضعف الاجرة

- واخيرا بقي الحكايه دي عن تجربه اكتر من مرة ماعرفش بيعملوا ايه في العداد بيكون سليم في الاول ولكن بمجرد مايكسر الـ 10 جنية تلاقيه بيزيد بطريقة عشوائية جدا .

نصيحة :
1/ بمجرد ماتركبوا التاكسي تراقبوا العداد هل بيزود كل 200 متر 40 قرش ولا ايه وعلي فكرة الـ 100 متر بتكتب بالعشري يعني 1.1 = كيلو و100 متر عشان تركزوا وتفضل تزيد 1.2 = كيلوا و200متر وعندها تلاقي العداد زاد 40 قرش وهكذا . وايضا حتي لو اتطمنتوا للعداد بردو ترجعوا تعملوا ملاحظاتكوا لو المبلغ كسر العشرة جنية احتياطي بردو ...! ولازم نبقي عارفين المشوار بتاعنا تقريبا كام كيلوا او بيكلف في المتوسط دايما مبلغ اد ايه ونزيد عليه احتمالات زحام الطريق عشان نبقى عارفين تقريبا كدا هندفع كام.

2/ اذا كنت تذهب لمشوار لا تعرف عن تكلفته شيئا، فأوقف سيارة تاكسي قديم أبيض وأسود وقل له العنوان (بالمناسبة لا تذكر العنوان بالتفصيل لأنه قد يكشف عدم خبرتك بالطريق ولكن قل له العنوان الرئيسي بمعنى عمارات العبور صلاح سالم)، وشوف كم سعر أو الأجرة التي يطلبها سائق التاكسي القديم (وبعد الفصال إن أمكن خصوصا لو كان لكنتك مش مصرية)، وبعدها توقع أن يكون عداد التاكسي الجديد (الأنظف عادة والمكيف) هو على أقصى تقدير مرة ونصف المبلغ الذي طلبه سائق التاكسي القديم

3/ بصراحة التاكسي الجديد انظف بكثير و أنصح بأستخدامه اذا كانت الطرق متيسرة اما في حالة الأزدحام فأنصح بأستخدام التاكسي القديم حيث ان الجديد يحسب عليك الانتظار.
4/ تتجنب التكاسي التي تقف في انتظار (اصطياد) الزبائن لدى الفنادق والمناطق السياحية.
5/ فيه بعض السواقين لما ينوي يتلاعب يحاول يتنرفز ويظهر عدم رضاه ان الطريق في زحام وما الى ذلك كي تسكت انت على القيمة

اظن مفيش تفصيل اكتر من كدا ... ماحدش يشتكي بقي من التاكسي الابيض .

شكلي راح اشتغل تاكسي ..


أخيرا،
ليس معنى كلامي أن كل سائقي التاكسي غشاشون أو نصابون، حاشا وكلا، ولكن في كل مكان وفي كل زمان، وعلى كل أرض وتحت كل سماء، هنالك فئة تغيب عنها خشية الله في السر والعلن، وتضعف أمام الشيطان والطمع، ودورنا هو التكافل والتعاون للتحذير منهم والتناصح لتلافي التعامل معهم.

و مافيش احلى من السواق تحت طلبك في كل وقت وعارف يوميتة بكم وتشتري راحتك ودماغك من وجع التكاسي .

آخـــرفـــرصـــة 21-04-2015 07:24 PM

رد: قبل ما تدفع الأجرة لسائق التاكسى.. تأكد أن العداد "مش شمال"
 
ما شاء الله خبرة عالية يا ام هيثم

راح تفيدنا كثير في حالات مثل هذي

ما فيش احسن من الاتفاق لأن كثير يتلاعب بالعداد

يغلبني بكيفي و لا يغلبني بكيفه :200:

MOBARKI 21-04-2015 10:47 PM

رد: قبل ما تدفع الأجرة لسائق التاكسى.. تأكد أن العداد "مش شمال"
 
اسلم طريقة انك توقف اكثر من تكسي وتعرف متوسط المشوار

وبعدها اتفق معاه ع السعر واطلب يشغل العداد عشان تتعرف ع القيمه الحقيقيه

والاسلم من كل دا انك تاخذ سيارة خاصه فيك حتى لو قدر الله نسيت شي بالسيارة او تترك اغراضك في السيارة

وتنزل تتمشى او المطعم بدون اغراض

شكرا ام هيثم

Haksa77 21-04-2015 11:00 PM

رد: قبل ما تدفع الأجرة لسائق التاكسى.. تأكد أن العداد "مش شمال"
 
شكرا أم هيثم

فيصل 22-04-2015 11:49 AM

رد: قبل ما تدفع الأجرة لسائق التاكسى.. تأكد أن العداد "مش شمال"
 
تفصيل رائع وواضح
شكرا لك

الإماراتي 22-04-2015 04:58 PM

رد: قبل ما تدفع الأجرة لسائق التاكسى.. تأكد أن العداد "مش شمال"
 

كلام جميل مشرفتنا العزيزة عندما كنت في الأسكندرية كنت اسأل البوابين في البناية التي أسكن بها عن التسعيرة وقبل ما أركب التاكسي أتفق معاه على السعر وطبعا أكون حاسب حسابي مع الفكة فكان مثلا التاكسي من مصطفى كامل الى محطة الرمل 5 جنيهات هذا الكلام في سنة 2003 و 2004 أتوقع كل شي تغير الأن لكن تبقى مصر حلوة الحلوات .

الغردقاوي 23-04-2015 04:09 PM

رد: قبل ما تدفع الأجرة لسائق التاكسى.. تأكد أن العداد "مش شمال"
 
معلومات رائعه وصعب أفتكرها وأذاكرها
أنا في القاهره أفضل الاتفاق قبل ما أركب وسؤال أهل المنطقه بجوار السكن يزيل الكثير من الغموض حول قيمة المشوار

تسلمي على المعلومات القيمه

وليد عنبه 10-06-2015 11:08 PM

رد: قبل ما تدفع الأجرة لسائق التاكسى.. تأكد أن العداد "مش شمال"
 
شكرا لك

علي صبري 12-08-2016 12:53 AM

تسلمي على المعلومات القيمه

amam321 18-10-2017 12:12 PM

يعطيك العافية


الساعة الآن 08:26 AM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO