|
اقتراحاتكم لجدولي لسيرلانكا السلام عليكم بمشيئة الله رحلتنا من 26/12 الى 13/1 احنا والدين وطفلين ورضيعة حددت مبدئياً 2 نيقمبو لان اول وصول بالليل (دولفين كلوب) 4 كاندي (كاندي ماهويلي او ايرلز ريجينسي) 4نوراليا(اراليا قرين هيلز +ذا قراند) 4بنتوته(إيدن او سينترا سيساند ريزورت سبا+بنتوتا بيتش) هل مناسبه السباحة فيها في وقتنا 3 كولومبو(توباز 4 نجوم) كثرت ايام المكوث بالمناطق لان عائلتي ملوله من كثره التنقلات وبطيئة في الاستعداد افضل وقت الطلعه على رواق وليس على استعجال مع حساب وقت الطريق للمكان المقصود ابغى تساعدوني في المده هل هي جيده وافضل الفنادق المختاره واجدها اواقتراحكم وبمن تنصحوني اتعامل لعمل الحجوزات واحتاج سائق يجيد العربيه وسياره حديثه ومريحه |
وعليكم السلام حياك الله اخي الكريم بالنسبة لعدد الايام انا اشوفه زايد لكن معقول وغير مبالغ فيه خصوصا مثل ما ذكرت عن اهلك وانت ادرى فيهم طبعا بخصوص ترتيب الايام ممتاز ما عليه كلام اما بالنسبة للحجز الافضل تشوف احد المكاتب هناك وتتعامل معاه للفنادق والسايق او تشوف موقع بوكينق ولازم تاخذ بعين الاعتبار ان موقع بوكينق وخصوصا حق سريلانكا ياخذ تقريبا 27% ضريبة خدمة لليله الوحدة اذا كانت الميزانية محدودة الافضل تقلل عدد الايام يوم من كل مدينة مثلا او تقلل درجة الفنادق لان الفنادق الي انت ذكرتها ممتازه واسعارها مو رخيصه اي استفسار ثاني لا تتردد |
شاكره لك اخوي ابن فطوطة تقريبا كم بتكلف الفنادق لان شفتها بالبوكنج الليه 1200 ريال او اكثر ممكن تقترح علي فنادق 4 نجوم بس ممتازة وجديده وبالنسبة للاكل ماحصلت غير افطار فقط انا ابغى افطار وعشاء في انتظار الاجزاء البقيه من الرحله ع اليوتيوب :) |
العفو اختي الغالية والله تكلفة الفنادق ما اقدر اتكهن فيها لانها مختلفة ومتقلبة اذا تبين فنادق سعرها شوي نازل وزينه اقترح عليج الآتي : كاندي ( اوزو كاندي - تيلانكا ) نوراليا ( شاليهات كالمندر - فندق ذا هيل - ويندسور ) بنتوتة ( سينامون باي - ذا بالمز - افاني كالوتارا ) كولومبو ( أوزو كولومبو - قلوبال تاورز ) بالنسبة للأكل انا على طول انصح باخذ الافطار فقط لانه حرام تدفع للعشاء وبعدين تتعشى برا مثلا يعني لا تلزمون انفسكم بشيء خلوه اختياري هناك احسن تقبلي تحياتي |
------ |
| الساعة الآن 02:11 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO