مساعدة في رحلة عائلية
 

السلام عليكم ورحمة الله أعضاء ومشرفين المنتدى الرائع قررت أفراد اسرتي ان نسافر الى سيرلانكا طبعا جميع معلوماتي عن طريق هذا المنتدي فحبيت اطرح بعض الأسئلة التي تساعدني في هذه الرحلة وشكره ومقدره لمن يرد عليه. 1- الرحلة في يوليو الى اغسطس لمدة شهر فهل شهر مدة كثيرة على سيرلانكا. 2- هل الأجواء مناسبة في هذه الفترة . 3- ماريكم احصر الرحلة في كولمبو وكاندي ونوراليا وبنتوته اذا فيه اقتراح على المناطق يفيدني وممكن احد يساعدني في جدول مقترح. 4- هل يوجد في هذه المناطق فلال اسعارها معقوله او فنادق تصلح للعائلة بس نظيفه وأسعارها معقوله. من عنده رأى او مقترح فأنا شاكره وملاحظه مهمه نحن عائلة نحب الطبيعه يعني اخر مانفكر فيه الاسواق وغيرها من الترفيه

حياك الله
شهر اغسطس يتميز بالحراره على مستوى العالم لكن سريلانكا لن تتأثر بهذاالشهر فجوها شبه ثابت طول السنه
جو رطب وامطار متفرقه بين فتره واخرى ماعدا نوراليا بارده باااارده
والسفر جيد في هذه الفتره من ناحية الطقس ، أما من ناحية التوقيت فهو يعتبر موسم ويشهد ارتفاع في الأسعار
لأنه يوافق الأجازه الصيفيه وعيد الفطر
فترة شهر كبيره وكبيره جداً على سريلانكا ، فاسبوعين الى ثلاثه معقوله
وإن كان لابُد فمن الصعب حصرها في ٤ مناطق بإمكانك اضافة إيّلا ونقومبو للجدول
وبالنسبة للفنادق انصحك بأخذ جوله في بوكينج ففيه خيارات عديده يصعب حصرها
واخيرا سريلانكا تتميز بالطبيعة فقط ، والأسواق قليله فيها ودون المستوى ، وكذلك الترفيه
سفره سعيده ...

جزاك الله الف خير وألف مليون شكر

شكرًا اخي الفاضل وباذن الله اطلع على المواضيع جزاك الله الف خير

شهر كثير يكفيها 10 أيام 3 كاندي 3 نوارايا 3 بنتوتا 1 او 2 كولومبو
بالقرب من سريلانكا المالديف و الهند ممكن تنوعون

الف شكر وجزاك الله خير

وعليكم السلام ورحمة الله وبركاته ....
ماقصروا اللي سبقوني واحب اشارك باللي عندي يمكن يفيد بشي :

-
- سبق زرتها من سنتين لمدة 16 يوم وكانت مره ممتعه ولله الحمد .
- الحجز كان عن طريق شركه اخذو اعتقد ربع المبلغ والباقي بالمطار وحجزوا لنا الفنادق اللي اخترنا + سياره فان . ولازم قبل السفر تكونون مرتبين السكن + السيارة بسواقها لان ماراح يمشي الوضع بدون سواق
- بعض الاماكن احس مهم تزورونها وتسكنون فيها مثل ( هوناس فولز ) تعتبر جنة من جنان الارض وجلسنا فيها 4 ايام وما ملينا منها بس مشكلتها لازم تحجزون بدري لان الاوتيل صغير نسبيا ( وهذي ميزة ان المنطقة ماتكون زحمة ) بس الحجز للمواسم بدون مبالغه يفضل قبل السفر بكم شهر والا بتفوتكم الفرصه .

- فيه منطقة اسمها هابرانا قريبة من صخرة سيجريا ولو سكنتوا امايا ليك ( ارشحه لكم ) ممكن تطلعون سفاري من باب التمشية ليس الا والا مافيه ذاك الزود بالنسبة للحيوانات . بس المكان جدا حلو كتمشية .

- حديقة البهارات احس انها مافيها شي جديد ونفس الاشجار عندهم موجوده بالشارع بس يتكلمون لكم عنها ويحاولون يبيعونكم منتجاتهم ( طبعا غاليه ) .

- حاولوا بالحجز تكون اوتيلات زينه لان الاسعار اجمالا منطقية ومطاعم الفنادق نظيفه وطبخهم لذيذ .. وكان معي اطفالي وعادي ياكلون منها ( اقصد موب حار ) .

- كولمبوا مافيها شي يسوا والدولة عموما غير مناسبة تقريبا للتسوق . بس ممكن تلقون ماركات بسوق الجاكيتات في نوراليا .
- سريلانكا دولة فقيرة ولا يوجد سياحة ليلية فيها .يعني مع غروب الشمس ينتهي كل شي وتصلون العشاء وتنامون وتصحون من الفجر .

- سريلانكا مناسبة جدا لمن يحب الطبيعه وغير مناسبة لمن يحب حياة الصخب والاسواق .

- اتمنى لكم سفرا سعيد بحول الله وقوته .

شكرًا اخي ابو عبدالله وجزاك الله خير