شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة الهند وسيرلانكا (https://www.arabtrvl.com/vb/f129.html)
-   -   الفيزا والبصمه مطلوبه للهند والمطلوب هو (https://www.arabtrvl.com/vb/t19557.html)

السحابه 28-06-2016 11:02 PM

الفيزا والبصمه مطلوبه للهند والمطلوب هو
 
اليوم الصباح كنت عندهم والله يعين على الزحمه للي مايروح بدري مكانهم في شارع ام الحمام وانت على طريق خريص وجهك غرب تاخذ يمين لشارع ام الحمام بعدين ريتيرن من عند اول اشاره بعدين 500 متر تقريبا تلاقيه يمينك
العوائل يدخلونهم قبل العزاب ويوزعون ارقام
بعدين يدخلون العزاب ويعطونهم الارقام
المهم قبل تروح خلك مجهز اوراقك وهي
الجوازات لجميع المسافرين مع صوره لاول صفحة لكل جواز
صوره من دفتر العائله لكل جواز
صوره واحده من الهوية الوطنيه للاب
تعبي الابل كيشن حق الفيزا من القوقل تحصله اكتب فيزا الهند وتطلع لك . وانتبه من الاخطاء والا راح ترجع تسويها مره ثانيه ، طبعا لكل شخص حتى الاطفال .
صورة لحجز الطيران التذاكر لكل شخص تصور له
صورة لججز الفندق باللغة الانجليزيه يكتفى ولو بفندق واحد ، اول واحد تسكن فيه
صورتين 4 في 6 لكل مسافر خلفيه بيضاء ،
ايضا عندهم ورقة تعبيها خذها وعبها وقت انتظارك طبعا بالانجليزي اذا تعرف والا خله يعبيها لك الموظف اذا هو مروق لك.
اي طفل من فوق 12 سنه لازم تروح به معك يبصم والكبار طبعا الزوجه الخ..
خلك عند الباب الساعه 9.30 بالضبط قبل الزحمه وتلحق على الرقم والا بتجلس عندهم الى العصر
سعر الفيزا للشخص الواحد 224 ريال صغير او كبير كاش ماعندهم سحب انتبه لايضيع وقتك وطبعا جميع الاوراق والجوازات تبقى عندهم وتراجعهم للاستلام بعد 5 ايام الفيزا والجوازات .
اجازتهم يوم واحد فقط وهو يوم العيد .
المهم ترى تعبئة الاستماره يدققون فيها مره اذا تعرف والا فيه مكاتب جنبهم تعبيها لك بس بمقابل .
اذكركم بالاطفال اذا تحت 12 سنه خله ينام
المرأه تبصم وتكشف للتصوير عند هندي يتمقل هههه اللي يقول يعقب لايروح اجل وأي سؤال جاهز والله يعينكم على الحر وبرمضان .

أبو فاالح 30-06-2016 02:10 PM

الغريب ان تأشيرة الهند ممكن تسويها اليكترونية وسهلة جدا في كثير من الدول الا هنا!!صراحة مفروض نسحب عليهم الين يتأدبون ويبطلون تعقيد

السحابه 01-07-2016 01:09 AM

اقتباس:

المشاركة الأصلية كتبت بواسطة أبو فاالح (المشاركة 245270)
الغريب ان تأشيرة الهند ممكن تسويها اليكترونية وسهلة جدا في كثير من الدول الا هنا!!صراحة مفروض نسحب عليهم الين يتأدبون ويبطلون تعقيد

فيه ناس رايحه علاج ماتقدر تسحب .
على اللي رايح سياحه بعضهم مايقدر يسحب لانه حجز فنادق وطيران واموالهم غير مسترده مشاكل والله .
على العموم هم قصدهم راح نمرمطكم مثل ماتمرمطون ربعنا الهنود اذا جو للسعوديه

فيصل 03-07-2016 11:35 PM

ياليت تنقل تجربتك اللي تشكر عليها حقيقه الي بوابه التأشيرات للدول الأسيويه

أعتقد أنهم بنفس المبني حق التأشيرات للشنغين

s4ksa 28-07-2016 12:07 PM

غريب أمر البصمة

أنا عملت تأشيرة لي ولأخي قبل شهرين من نفس مجمع التأشيرات بأم الحمام


ولم يطلب من البصمة نهائيا

وكل المطلوب .

استمارة ( ابلكيشن ) معبأ بدقة

صورتين لكل شخص . بخلفية بيضاء

أصل الجواز مع صورة للصفحة الاولى

صورة من الهوية

صورة من حجز الفندق

رسوم اصدار التأشيرة اتذكر انها 240 لكل شخص

بعد تدقيق الاوراق . اعطاني وصل للمراجعه بعد اسبوع لاستلام الجوازات مفيزة

وهذا ما حصل ..فعلا


الساعة الآن 07:24 AM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO