|
رحلتي التعيسة الى سريلانكا 2 مرفق سلام عليكم ورحمه الله وبركاته اولأً : اشكر كل القائمين على هذا الموقع المميز والذي يخدم الكثير من من يعشقون السفر من كل دول العالم ثانياً : انا حبيت اطرح ماتعرضت له وما جربته في سفرتي مع عائلتي الى سريلانكا لــتكي يستفيد من هذه التجربه اخواني ,, وأن لايقعوا في مثل ماوقعت فيه انا من المملكة العربية السعودية ,, قررت السفر انا وعائلتي المكونه من 6 اشخاص زوجتي وأبنائي لمدة 12 يوماً موزعة كالتالي : 1- يوم نيقمبو 2- 3 ايام كاندي 3- 3 ايام نوراليا 4- 3 ايام بنتوتا 5- يومين كولمبو ** تم البحث هنا وهناك عن كل مايخص البلد والامن والترفية وكل شي وجمع المعلومات ولكن احس ان فيه شي ناقص الا وهو المعرفة بهاذا البلد تحس انك ضايع مهما جمعت اكبر قدر من العملومات حتى تطى رجلك البلد وتعرف كل شي على الحقيقه **تنوية ** تم التواصل مع كذا سائق خاص حصلت على ارقامهم من منتدى سفاري للرحلات بناء على إشادة بعض الاعضاء في الموقع الحقيقة ان أغلب الاعضاء في الموقع غير صادقين ,,, وأنا حاولت أدخل الموقع وأحذر منهم ولكن الموقع لحد الان لم يفعل عضويتي وأنا هنا وعبر هذا المنبر ,,, أحذر أخواني وكل من يرغب في زيارة البلد البلد فيه سلبيات وفيه إجابيات ---- السائق---- 1- سائق سريلانكي موزع رقمه في منتدى سفاري وله عدة اسماء أسمائة : روشان : 0094774954991 0094777870122 0094772255860 وكذكلك باسم محمد واسم ثالث انجليزي تم ارفاق كرت العمل هذا االشخص قبل السفر تم التواصل معه وكان سعرة 60 دولار باليوم وكان يدعَي ان سيارته موديل 2018 وأثناء الاخذ والعطاء في الكلام قال السيارة موديل 2017 طبعاً موديل سنة أو ثنتين ماتفرق ,, يفرق المصداقية في الكلام فقلت له مايجوز منك الكلام هذا مرة 2018 والان 2017 ...شنهو المديل الحين ,, قال الي ودك تبي ولا دور غيري وكان مراسلاتنا بالوتساب مقاطع صوتية ,, وكان وضعه وطريقة حديثة غير طبيعية قلت أكيد اذا ماعجبتني سيارتك شفت غيرك أخذت يضحك ويتطنز ,, ضحكات مسخرة ويقول يمكن تحصل 2020 ,, قلت هذا اشي راجع لي انا بعدها ,, أخذ في السب ويرسل صور بنت خليعه نهائياً ويرسل مقاطع سب وأنه في سريلانكا وهو المتحكم من المقاطع يقول كلمات بذيئة +++++++++وغيرها الكثير الحقيقة اني لم اجادلة ولم ارد عليه لعدة أسباب .....أولاً أن سفري كان قريب وهو على علم بتاريخ القدوم ثانياً : معي عائلتي وأطفالي ثالثا: دولة لم يسبق لي زيارتها ولا اعرف عنها شي .....واشياء كثيرة تتحكم في ردة فعلي الحقيقة انني انقهرت داخليناً مما صار مع هذا الشخص كضمت غيضي وسويت له حظر *********************** ----السائق الثاني ----- محمد علي محمد أمنان ( ألله لايمن عليه بالعافيه ولا يوفقه لا دنيا ولا أآخرة ) بعد البحث عن سائق ثاني حصلت واحد يمدحة من أهل ديرتي ( يعني سعودي ) تم التواصل مع هذا السائق وأعطاني رقم شخص سعودي للتأكيد على مصداقيتة دقيت على نايف الحربي وقال الرجل ونعم الرجل ومسلم و وو وو وو وو وخله يضبط لك امورك ولا يهمك وأذا جيت هناك أعطة كامل المبلغ وأي شي يجيك عندي قلت طيب توكلنا على الله تم التنسيق مع هذا السائق من السيارة والسكن ....وقد حرصت عليه يكون السكن نظيف ويكون فيه بركه سباحة خاصة من شان الاطفال ياخذون راحتهم تم الاتفاق كالآتي : يوم نيقمبو فيلا ثلاث أيام كاندي فيلا 3 أيام نوراليا فيلا 3 ثلاث ايام بنتوتا فيلا يومين ( كولمبو أنا الي أحجزها بطريقتي ) ......... تم الوصول يوم السبت 1 Aug وكان السائق في استقبالنا تم التوجهه الى الفيلا ( كان المفاجئة انه حاجز شقتين متقابلتين في الدور الاول والبركة مشتركة قلنا ماهي مشكلة يوم ونمشي ) لكن المشكلة كانت في التكييف خربان كلمته وكلم أهل المكان ولم تحل المشكلة طلعنا من المكان وأضطريت أدخل فندق قريب من موقعنا فرق 360 دولار في السعر اليوم الثاني تم التوجه الى كاندي والوصول بالليل وكانت المفاجئة ان الفيلا جزء من سكن يعني بيت عائلة قاسمينة فيلا مصغرة والمسبح أرتفاع 3.5 متر الى 4 متر قلت له يابن الحلال هذا مايصلح للاطفال الاطفال فيه أبو 4 سنوات و 8 سنوات ولا تصلح لهم طلعت من السكن ودفعت لهم تلك الليله كامل المبلغ 180 دولار وتجهنا للسكن في فندق 5 نجوم اخذنا في كاندي يومين ثم توجهنا الى نوراليا تم تنسيق السائق مع واحد في نوراليا على السكن وتم الوصول في المساء كان الجو عاصف ومطر ومخيف غابه وجبال وليل دامس وعائلة كانت تلك الليله احتفالات شباب ( تعرفون شباب من أهل الديرة وعلى ديانتهم ومشروب وطبوول وأغاني ) الحقيقة اني تكلك الليله لم يغمض لي جفن والله على ماقول شهيد ( خوف ) اليوم التالي قلت ياخي مايصير انا صاحب عايلة مايجوز تجيبنا هنا بين عزاب ولا فيه سياح و و و زعل كأن السكن خاص له طبعاً .هو يقول مسلم ...و الاسم إسم مسلم لكن ماشفته يصلي ...ماعلينا ...نكمل اليوم الثاني تأكدت فيه عائلة سعودية قريب منا قلت خلاص نكمل هنا يوم واليوم الثالث نتوجه الى نوراليا قال طيب اليوم الثالث أثناء جمعنا عفشنا سقطت مني علبه مويه ونزلت مع المنحدر أخذها سائق كان بالقرب منا وجاني بها وهو يبتسم ,,, وأثناء الحديث معه قال انا كنت اشغل في قطر وانا راح اعطيك رقمي اذا احد يبغا يجي عطه رقمي قلت طيب مشينا تقريباً 500 متر وكان السائق الي معنا زعلان ويزمر قلت انت وش فيك ,, ايش المشكلة اذا اعطاني رقمه اقول لها انا كنت على نياتي مادريت انه يدور الزعل ويدور على اي سبب حتى يرمينا في الشارع ويمشي طبعاَ الفلوس معه حقة السكن وقيمه أجرته والسيارة ككلها معه بناء على نصيحة السعودي الي كلمني وقف على جنب الخط واخذ يتلفظ ويتكلم بكلام مايليق بــ مسلم وأنك انت في سريلانكا وانا المتحكم هنا ++++ مالك اي كلمة طبعاً مسكت نفسي قلت انت ماتنزلني هنا ارجع الان لـ اقرب سكن وحطنا ورجع الفلوس وبعدها في الي مايحفظك رجع بعد ما أصريت عليه قال ( فلوس السكن أرجعها وقيمة السيارة 12 يوم من 60 دولار ماترجع ....مع العلم انه باقي 7 أيام عندة ) المهم رجع قيمة السكن وكلمت خويه السعودي السعودي يقول أنا ما اعرفة عز المعرفة ولا اقدر اسوي شي ******************** الخلاصة الحذر من هذين السائقين البلد فيه مواقع جميلة وينقصه الكثير من مقومات السياحة كــ سكن ومطاعم ومناطق ترفيه ,وأكثر شي فيها الكلاب اكررمكم الله والغربان ... الحمد لله بعد ما ذهب من عندنا تم التوجهه الى بنتوتا واخذ منتجع لمدة يوم اسمه اوك راي وبعدها تم التوجه الى نقمبو واخذ فيلا لمدة 5 ايام فيلا خاصة مع بركاته سباحة وأرتحنا بعد قلق وتعب وخوف وبعدها تم الرجوع الى دولتي العزيزة هذا ماحصل معي ويعلم الله إني ماظلمتهم في شي ..خاصة أمنان ماحصل مني الا كل احترام حتى إني جايب معي هدية طلبها مني قبل قدومي وبتها له بقيمة 300 ريال عبارة عن عطر رجالي وكم كيلو فستق لكن صدمني بتعاملة معي مع انه اخي في الاسلام للاسف لكن هذا عتبرة درس لي في التعامل مع هذة الاشكال مستقبلاً ...وعدم التقيد به كدين |
اول شي الحمدلله على سلامتك وسلامة العائله على وصولك لكن اخي هناك مكاتب في السعوديه تعمل لك حجوزات طيران وفنادق ورحله مرتبه خصوصا معك عائله واي شي يصيرلك في الرحله تكون الشركه هي المسئوله عن رحلتك خصوصا لما تكون شركات طيران معروفه ولها سمعتها ارجو انكم استمتعو بباقي الايام والقادم احلى |
اخوي العزيز صدق من قال السواق نص الرحلة اهم شي احجز من بوكينج يمكن اغللى بس مضمون وتقدر تشوف تعليقات اللي سكنو الفندق بمصداقية ثانيا السواق حسابه ياخذه اخر اليوم مايبي خله يولي هو ضمن حقه وتلقاه عنده زبون ثانيا انا قبل اسافر اجلس شهر ادرس الدوله واسوي جدول للفنادق اللي زارها ناس وعجبتني وبعدها ابحث عن سائقين واحد اخذه وواحد احتياط عموما كل دقه بتعليمه والحياة تجارب وبالتوفيق |
اشكرك على نقل تجربك واتمنى انك تحذف الكلمات اليذيئة الى تلفظ بها السائق احتراما لاعضاء المنتدي |
شكرا لنقل تجربتك تم تعديل الكلمات التي تمنيت أن لا تذكرها حقيقه السائق هو أحد أسباب نجاح الرحله بعد توفيق الله سبحانه وتعالي جربت سائق قبل 6 سنوات تقريبا صحيح حاول معاي يتلاعب لكن ما كنت اعطيه كامل المبلغ وقبل السفر عطاني الحجوزات وبنفسي راسلت الفنادق وتأكدت من الحجز المنتدي الذي ذكرت قد لا يكون تساهل منهم ولكن اتصور ان السائق نفسه يكتب عن نفسه ويوهم الأعضاء |
أخي الكريم/ أشكر طرحك هذا لهدف الموعظة والعبرة وبإذن الله في ميزان حسناتك من وجهة نظري انت الغلطان لانك طمعته فيه و وثقت بكلام الاخ السعودي بدون ما يكون عندك اي استلام او دليل خاصة ان هذا الشخص ما تعرفه و لا قابلته من قبل و لا يستوي لك شي، كيف يعني وثقت و حولت كل قيمة السكن و السائق مقدما؟؟؟؟ صراحة انا مستغربة من الثقة و الطيبة الزايدة اخوي النفايات موجودة في كل المجتمعات و الثقة المطلقة خطيئة الله يعوضك خير و يحفظنا جميعا من هاي الاشكال،،، |
الله يعوضك خير الانسان يتعلم من خلال تجاربه |
مشكور على طرح تجربتك في سفرتك والله يعوض عليك فيما ذهب منك دائما ياخذنا الثقة الزائدة في التعامل واحملك المسؤلية فيما حدث لك هنا فية شركات سياحية فل بكج صح انها تزيد عليك في السعر لكن لدولة اول مرة تزورها تكون المخاطرة كثيرة مشكور مرة ثانية لطرح مشكلتك |
اولا الحمدلله على سلامتكم ثانيا معليش ياخوي انت السبب في كل شي جرى لك لتخطيطك السيئ للرحلة وعدم التعامل مع سائقين اهل ثقة ومجربين , وللأسف اغلب السعوديين يحاسبون السائقين بكامل المبلغ في بداية الرحلة وهذا خطأ انا صار معي وان احد السائقين طلب مني الأجرة كاملة ثالث يوم ورفضت وقلت له حقك تاخذه للثلاث ايام غيرها معصي وبالفعل عطيته حقه وانقلع وجبت سواء عسل افضل منه بكثيير اما السكن يفضل عن طريق بوكينق |
شكراا لذكر تجربتك |
العفو منكم جميع على ورود مثل هذه الكلمات , واشكر مديرنا العزيز على حذفها ويعلم الله اني ماطرح هذا الموضوع الا لتعم الفائدة للجميع وحتى لايقعوا بمثل ماوقعت به -- نعم صحيح انا اعترف اني غلطان لاني وثقت بالسائق لانه تم تزكيته من قبل هذا السعودي الذي تبرا منه في النهايه انا اخذت ارقام السائقين من موقع سفاري ..وحبيت اشارك كل من يريد السفر لهذا البلد حتى لايتعامل مع مثل هؤلاء .. حتى اني ابلغتهم بطرح موضوع عن طريقتهم وتعاملهم , وردة فعلهم انهم غير مهتمين بما سوف اقوم به ولا أظلم كل سائق في سريلانكا ففيهم ناس جيدين وتعاملهم طيب اما من ناحية السكن .فالحقيقة تختلف عن الواقع كل الصور والتقييمات للسكن خداعه كاندي جميلة وكذلك نوراليا طبيعة وبراد , ولــــكن تحتاج واحد يعرف اماكن السكن الزينه والامنه الطريق من نوراليا الى بنتوته متعب وطويل يعني مشينا تقريبا الساعه 12 الظهر وصلنا 11 باليل لكن اذا رحت ثاني مرة راح اخلي رحلتي فقط من كاندي الى نوراليا ثم الرجوع الى نقبمو وكولمبو فقط |
الحمد لله على سلامتك وسلامة عائلتك الرحلة تتعوض والفلوس تتعوض اهم شي انت وعائلتك سالمين من كلامك واضح ان السائقين كان بامكانهما فعل اي شيء مكروه لكم لا سامح الله. اول مرة اسمع احد يعطي اجرة السائق مقدما. واضح يا اخي انك أكلت مقلب من صديقك اللي عرفك عالسواق . تعوضها بسفرات قادمة ان شاء الله. |
الله يسلمك من كل شر اي والله ,, الله سلم ولا مثل هؤلاء ممكن ان يحصل منهم اي شي اما الرجل ليس بصديقي .. أعطاني رقمه السائق وعندما كلمته طلع من قبيلة معروفه ومدرس في نفس المدينة التي اسكن بها وهذا الي أعطاني الثقة به وبــ هذا السائق شكراً للمرورك الكريم |
كل دقه بتعليمه وانا لدي سفره بداية شهر يناير وراح اتعامل ان شاء الله مع شركة |
السلام عليك ياخوي والحمدالله سلامة الاسفار وصدقني المشكلة هو انت بسبب اختيارك للتعامل مع مجرد سائق لايملك الجرائه او التصريح بالتعامل مع الفنادق لانه هو بالاصل مو تابع لاحدى الشركات السياحية المعتمدة والمصرح لها بالتعامل مع السواح المهم كان الغلط الاول والاخير يقع عليك لو انك قرئة مانكتبة من نصائح لما ماكنت وقعت بالخطأ المشاكل اللي واجتك ويجب التعامل مع مكاتب سياحية وليس بالضروري ان تكون بالسعودية حتى لا يزيد عليك المبالغ فقط الاكتفاء بمكاتب بسريلانكا وتكون مكاتب مصدقة ومعتمدة من قبل الحكومة السريلانكية والامر جدا بسيط البحث عن مكاتب سياحية بالمتدى او مكاتب موجودة بالمطار حتى أثناء الوصول يتم الاتفاق ويجب ان يكون الاتفاق بالسكن فنادق هو الافضل ويتوفر في الفندق كل شي من سباحه للكبار والاطفال وكامل الراحة لك والى عائلتك ويشمل السياره مع السائق ويكون التعامل مع صاحب المكتب او المندوب الخاص للمكتب وليس السائق وكلامنا ليس عتب عليك ولكن حتى لايقع غيرك في مثل هذه المواقف والمهم نصيحه للجميع يجب ان تكون جميع حجوزاتكم هي فنادق والابتعاد عن الفلل السكن الخاص وتقبل تحياتي واخوك خليجي100 |
معوض خير ان شاءالله والحمدلله على سلامتكم ونصيحة ارجوا الكل يأخذ فيها لا تثقون في اي شخص وحتى لو كان اخوي متعامل معاه خلوا تعاملكم غير و كل شي بحسابه مو تدفعون كل المبلغ كامل |
الاحخ الكريم حملله على سلامتك وسلامت الاهل , انا لاسى واصل من سريلانكا قبل عيد الاضحى بااسبوع تغريبا عائلة مكونه من 5 اشخاص واطفال استمتعت بالحيل فى قمه المتعة لم احجز من مكاتب السياحة فى السعودية توجهت لموقع رهيب وانصح الجميع فيه AIRBNB مواقع حلو تاخذ المنتجع الخاص فيك من صاحبه واسعار فى متناول الجميع وايضاء بحثت بالنت عن سائق وتم الاتفاق معه غير مسلم لكن فى قمة الامانه عمرها 23 سنه كانه الساق الخاص فيني تم الاتفاق معه 50 دولار يوميا وعندا ميني باص , جلست 10 ايام لم اشبع من البلد سكنت فى منتجعات وشقق وفنادق واكواخ فى قمة الروعة |
الحمد الله على السلامة ومعوض خير يارب وتكون تجربة تعود عليك بالنفع بالرحلات القادمة |
الحمد لله على سلامتكم اخوي من الخطأ ان تسلم رقبتك للسائق يتحكم فيك كيفما شاء خصوصاً معك عائله فهمت من كلامك انك سلمته كل المبلغ : السكن + يومية السائق وهذا خطأ ل ايغتفر وطيبة نفس في غير محلها لاتثق بأي شخص ، وسامح الله صاحبك لم ينصحك بخير وغريبه يزكي السائق ولما حصلت المشكلة سحب نفسه من الموضوع وقال علاقتي فيه عاديه !!! السائق دائما يبحث عن السعر الأرخص للسكن لايبالي بجودة المنطقة والأمان ولايهمه معك عائله او لا مفترض حجزت ونسقت مع شركة معتمده هنا او هناك ، او على الأقل كان حجزت فنادق ٥ او ٤ نجوم قبل السفر اسف لو كثرت عليك بالكلام لكن تحملني والله انفعلت ومتعاطف معك وشكراً لذكر تجربتك |
اشكرك على مرورك الكريم والله لايهينك على تفاعلك ,, ولكل حصان كبوه ,, وفعلا الطيبه بعض الاحيان ماتصلح ابد |
كل خطاء نتعلم منه اتمنى أن لايقعوا إخواني بمثل ماوقعت به ,, كل شي راح لكن يعلم الله لــحد الان حاز في خاطري على ابن بلدي الي وثقت بكلامه وحطيته محل الثقة لانه من ابناء بلدي ومن ناس نكن لهم كل محبه ومودة واحترام . لــكن الايام دروس تعلم الواحد كيف يتعامل مع الاخرين شاكر لكم جميعاً على ردودكم الجميلة ,, وكل انتقاداتكم هي إفادة وليس نقد الله يعطيكم العافيه |
الحمدلله على السلامه وغلط المفروض حجزت سكنك من مواقع واتفقت مع سواق بعدها :21: |
الحمد الله ع الســلامة الحياة تجربة و تعليم ... لكن والله اعتب عليك يا اخي سريلانكا ما زرتها ولا افكر ازورها ... البلد إذا ما جمع الطبيعية والحضارة والترفيه ولا افكر فيها .. معك عائلة وأطفال يبحث عن الترفيه تاخذهم لـبلد حديث بالسياحة وغريب إنك بعد الاحداث التي وقعت فيها تبغى ترجع لها ^_^ صدقني خطأ عندما سلمت نفسك للسائق ودفعت قبل ان تشاهد فيلا حتى لو كنت حاجز ربما صديقك السعودي الذي نصحك خبير ويعرف كيف يتصرف مع سائق طماع عوافي يا غالي |
معليش يا صديقي كل ضربة بتعليمة اخطاء كلنا وقعنا فيها ، ومن منا لا يخطئ !! الحياة كلها عبر وانا متأكد انك لو تروح لنفس الديره مره ثانيه راح تعيش ملك بسبب الدروس السابقه وتلافيها . شكراً لك |
ألله يطول عماركم ويسلمكم من كل شر وفعلاً الحياة دروس ... لاهنتوا على مشاركتكم وردكم الجميل |
اولا اخوى الحمدلله على السلامه انا كانت فى نفس البلد نقيمبو بسريلانكا مع عالتى مكونه من 5 افراد كانت من افضل الرحلات اخوي لاتعتمد على احد فى حجوزاتك احجز بنفسك من مواقع معترفه فيه ثانيا السواق اتفق معه باليوم اذا ماعجبك ممكن تغيرها ومش مجبر على ذلك انا توصلت مع سواق عندها منى باص غير مسلم لكنه للامانه امين جدا وحبوب ومبتسم وخدوم لدرجة اثناء تنقلى من مكان اللى مكان يسكن معان بنفس المنتجع لان اقمت فى منتجعات فخمه جدا سريلانكا دولة جميلة جدا بطبيعته وناسه الطيبين بس يعتمد عليك اخوي لاتعطي اى احد فلوس مقدما اذا بغيت اى مساعدها تواصل معى اسعدك |
اقتباس:
2- كاندي 3- نوراليا 4-هاكيدوا 5-بنتوتا 6-كولمبو |
وأنا ذهبت الى سريلانكا وتعاملت مع شركة الحاج عبدالعزيز وتندمت .. للأسف الناس اللي يخافون الله قليل |
كانت لي زياره لهذه البلد طبيعتها جميله لاكن لازم الترتيب لها مظبوووط من ناحيه اختيارالمدن والسياره والحمد لله على سلامتكم |
الله يعينك ويعوضك خير |
| الساعة الآن 04:49 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO