|
بتخطيط مبكر جدا لصيف 2016 وبعض الاسفسارات بسم الله الرحمن الرحيم صباح __ مساء // الخير للجميع طبعي التخطيط المبكر جدا لأي رحلة طبعا النية والعزم الصيف القادم على دول الشنقن أووربا بأذن الله تعالى الوصول __ فرنكفورت ميونخ __ زيلامسي __ زيورخ __ باريس __ بروكسل __ امستردام __ برلين __ بون __ الأقلاع __ فرنكفورت عطونا رايكم والاماكن القريبة منها والتماشي والزحلايق والأماكن التي تستحق الزيارة منها وترتيبها كذلك ان امكن ؟ حجز الطيران حصلت الخطوط السعودية مباشر 2960 ريال مستردة طبعا الرحلة بتاريخ 31 يوليو والعودة 14 اوقست فما رايكم بالحجز بهالسعر وبالتوقيت أو انتظر حتى راس السنه يمكن يكون فيه عروض بالطيران وبخصوص الفيزاء متى يكون التقديم عليها وماهي المطلوبات شاكر ومقدر جهودكم المبذولة كتب الله اجركم وبارك الله فيكم محبكم أبوتالين |
حياك الله يابو تالين 14 يوم قليل جدا على الدول اللي اخترتها بروكسل وامستردام يحتاجون اسبوع للمستعجل فما بالك في باريس والريف السويسري والنمساوي لما فيه ارهاق عليك وعائلتك اتمنى تقنيين الدول ,,, وفي انتظار رايك |
اقتباس:
رحلتي عزابي وفي استقبالي هناك أحد الأصدقاء المقيمين في ألمانيا من فترة طويلة جدا وقد يكون لخبرته أن يختزلها لكن بودي اذا تفيدنا ماذا في قرب كل ماذكرته ولوكان للطوارئ بالنسبة لي وتتم مناقشته فيها أكون شاك ومقدر لكم وبعد تجازو مسالة المدة ليت لو تفيدني في باقي الاستفسارات أن أمكن وأكون ممنون لك |
ابو تالين ... الله ييسر امرك ويسعدك ويسهل سفرتكم ... بس وانت ابخص مني : بتجلس في السيارة تقريبا 33 ساعه خلال رحلتك ( المسافة بس المدن اللي ذكرت حسب ترتيبك ) او 48 ساعه مدة جلوسك بالقطار خلال الـ 14 يوم اللي ذكرت طبعا بدون الاوقات الضايعه الخاصة بالشيك ان والشيك اوت والمشوار من والى محطة القطار او زحمة الطرق للسيارة ... عندك مشوارين كل مشوار 8 ساعات بالقطار واربع مشاوير 6 ساعات لكل واحد طبعا ... احس بيصير متعب |
وعليكم السلام ورحمة الله وبركاته ماقصروا أخوانا الله يجزاهم خير ومعاهم مثل ماقالوا وأنصح وبقوة حذف ميونيخ و زيلامسي وبرلين ويكون الجدول بون وماجاورها مثل كولون ودوسلدروف السكن بواحدة __ زيورخ __ باريس __ بروكسل __ امستردام __ فرانكفورت وممكن بعد زيورخ تحذف ( ننتظر الأراء ) لأنه من حلات السفر الراحة والإستمتاع مو بالتنقل أخونا والأسئلة التوقيت مناسب التذكرة بعد سعرها شوف اخوي الأسعار تختلف ابحث عن المناسب وجرب انه تخلي العودة من باريس أن طلع نفس السعر راح يكون بصالحك ونعم احسن حجز للتذاكر شهر يناير وإن شاءالله تلاقي الأفضل والفيزا هنا بوابة فيزا الشنغن وماالمطلوب بوابة فيزا الشنغن - شبكة و منتديات العرب المسافرون |
14 يوم مو كافية جدا عشان تستمتع وترتاح والتمتع بالمناطق المذكورة ،،،،،،، تحتاج على الاقل شهر |
ما قصروا الاخوان المخطط يحتاج تعديل للمدة او خط السير ومع اقتراح تغيير مكان الوصول والعودة مثلا الوصول باريس (3 ايام) - بروكسل (2يومين) - امستردام (2يومين) طائرة الى زيورخ (3 أيام) - دوسلدورف (3 أيام) - العودة من فرانكفورت (1 يوم) الخيار الثاني الأسبوع الأول نفسه طائرة من امستردام الى ميونخ ميونخ (2 يومين) - زيلامسي (4 أيام) - العودة من ميونخ |
اشكر الجميع على مرورهم وملاحظاتكم حقيقة عندي تصور مسبق لملاحظتكم ولكن اصرار صاحبنا وترني وانا اعرف انه متعب جدا لكن مافي يدي حيلة فقلت اشاوركم لعله أجد من يهون علي فكبرت المصيبة الله يعين ساعيد المحاولة وترتيب الامور لعله تزين من عند الله |
| الساعة الآن 05:50 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO