|
محتاج المساعده منكم يالغالين السلام عليكم ورحمة الله وبركاته محتاج المساعده منكم بالاماكن السياحية و الاماكن الحلوه اللي سبق زرتوها أو اللي عنده خلفيه عنها. سفرتي راح تكون الى المانيا وسويسر والنمسا و هذا ترتيب سفرتي 1- ميونخ 2- زيلامسي 3- سالزبورغ 4- جنيفا 5- فيينا تاريخ سفرتي بيكون من 28/05/2015 الى 11/06/2015 دمتم بحفظ الله ورعايته |
رد: محتاج المساعده منكم يالغالين عليكم السلام ورحمه الله وبركاته ياهلا ومرحبا اخوي فؤاد منور الله يسلمك انا والجماعه الموجودين ان شاء الله ماراح نقصر في اي خدمه راح نقدمها لك أبشر بسعدك ان شاء الله بس اخوي قبل لانبدأ با الاماكن السياحيه عندك خط سير معين عشان نرتب معاك وين تبدأ وين تنتهي لان جنيف بالنسبه للمناطق الاربع الثانيه بعيده نوعا ما الاقتراح تشوف لك منطقه في الوسط بينهم او يكون التنقل طيران المقترح الافضل من وجه نظري 1- فيينا 2- زيلامسي 3- سالزبورغ 4- ميونخ 5- جنيف بين 4 و5 تقدر ترتاح كم يوم في انتر لاكن او زيوريخ المسافه من ميونخ الى جنيف 6 ساعات وربع ( 590 كيلو متر ) المسافه من زيلامسي الى جنيف 7 ساعات و45 دقيقه (715 كيلو متر ) |
رد: محتاج المساعده منكم يالغالين الف شكر لك أخوي قطر 911 على المعلومة الطيبه أحب اسئل هل فيينا تكفيها 5 ايام او كثيره بالنسبه لها تحياتي لكم |
رد: محتاج المساعده منكم يالغالين العفووو اخوي هي مابين 4 الى 5 ايام مناسبه جدا لها وتشوف البلد براحتك فيينا حلوه وبعض الاماكن لو تروح لها كل يوم ماتمل منها ان شاء الله بعد اشوي بنزل لك خط السير مع توزيع الايام بس ماقلتي تبغي تنقلاتك كلها قطار او بتستأجر سياره او في رحلات بالطياره |
رد: محتاج المساعده منكم يالغالين الخطه جهزتها امس بصراحه لكن باقي فيينا ما حجزت للحين عدد الاشخاص ( 6 ) من تاريخ 28/05/2015 الى 11/06/2015 اولاً حجزت على الخطوط التركية الذهاب الرياض - اسطنبول / اسطنبول - ميونخ العوده فيينا - اسطنبول / اسطنبول - الرياض الوجهه الاولى الى ميونخ فندق أوروبا 3 أيام الثانيه زيلامسي فندق لاتيني 4 أيام الثالثه سالزبورغ فندق زاخر سالزبورغ 2 يومين الرابعه فيينا فندق ماريوت فيينا 5 أيام وهي أخر محطه للرحله التنقل راح يكون سيارة من نهاية يومي في ميوخ الى سالزبورغ ومن سالزبورغ الا فيينا قطار هذي رحلتي ان شاء الله وعلى كذا رتبتها لكن ما اردي هل فيينا يكفيها 5 ايام او لا تحياتي لكم يالغالي |
رد: محتاج المساعده منكم يالغالين ياهلا ومرحبا اخوي يعني خلاص الغيت جنيف من الجدول احسن لانها داخله بينهم غلط بس ترتيبك ممتااااااااز جدا توكل على الله للأمانه اخوي ابدعت جدا بالفنادق كلهم حلوين واختيارات موفقه بس فندق ميونخ الحركه كلها بالجهه الثانيه من المحطه من الفندق لين المحطه تقريبا في مسافه اشوي بس اتوقع ربع ساعه مشي بس الفندق مرتب وحلو وسعره مناسب بس ليش بتسلم السياره في سالزبورغ ليش ماتروح فيها الى فيينا ارخص لك من القطار احسبها على عددكم تذاكر القطار ممكن تكون عليك تكلفه اخوي والطريق بياخذك الى بحيره كامندن مر عليها زانزل فيها تمشى حلوه وكمل طريقك عقبها انا بالصيف سويت جذي والطريق حلو الى فيينا شوف الي يناسبك اخوي بس كل شي عندك تمام التمام بالنسبه لزيارتك الاولى الى فيينا اي حلوه لها 5 ايام يوم واحد يبغيلك حق مغاره هتلر لو تبغي تزورها وغيرها من الاماكن بنزلها لك ان شاء الله برد منفصل تقبل تحياتي |
رد: محتاج المساعده منكم يالغالين السلام عليكم اذا معاك اطفال راح يتعبون وانت تتعب من سياقة السيارة اسمع نصيحة اخوك ومجرب حاول تقعد في زيلامسي اسبوع كثرت التنقل متعبه جدا وهذي نصيحة وانت علي راحتك:yolks00750::yolks00750: |
رد: محتاج المساعده منكم يالغالين ألف شكر لكم اسعتوني بكلامكم والله و ريحتني كنت شايل هم بالنسبها للسياره أذا كنت ما خذها من المانيا راح يحسبون علينا ضريبه في فيينا عشان كذا راح اسلمها في سالزبورغ بالنسبه للاشخاص ما فيها اطفال وهذا اللي مريحين بالسفره :200: ياليت أخوي قطر تعطيني الاماكن اللي تنصح ب زيارتها في سفرتي وعلى حسب ترتيبك وخبرتك ما ننحرم من نصايحكم أخوكم الصغير :(39): |
رد: محتاج المساعده منكم يالغالين اقتباس:
بخصوص السياره انا متعمد سألتك بس سالزبورغ مش المانيه سالزبورغ تابعه للنمسا ( فيينا ) اذا بغيت تسلمها في المانيا سلمها في مدينه Freilassing الالمانيه من سالزبورغ الى المدينه الالمانيه بالسياره من ربع ساعه الى 20 دقيقه من اي شركه راح اتأجر السياره ؟؟ http://up.arabseyes.com/uploads2013/...4119633131.png العاب ان شاء الله ابشر لاتحاتي الاماكن ان شاء الله راح انزلها لك كلها والاخوان والمشرفين هنا اكيد معانا ماراح يقصرون تقبل تحياتي |
رد: محتاج المساعده منكم يالغالين بعض من الاخوان نصحوني اخذ من يورب كار بسبب انها ارخص بالاسعار و ممتازين بالخدمات |
| الساعة الآن 03:10 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO