|
رحله الى المانيا النمسا و سلوفينيا السلام عليكم اولا اود ان اشكر كل من يساهم في انجاح هذا المنتدى بالنسبه لي استفدت كثير و اتمنى ان افيد و استفيد و جزا الله خير لكل من يشارك و يرد و يساعد ... خط الرحل ذهابا ( الدمام --فرانكفورت) بتاريخ 24/04/2016 الوصول صباحا الساعه 6 العوده (ميونخ-- الدمام ) المغادره 11 صباحا 07/05/2016 تم شراء التذاكر و لله الحمد و تم حجز سياره من موقع رينتل كار تقريبا المده 13 يوم طبعا عائله زوجين و طفل 3 سنوات و طفله 10 شور :18: انا باذن الله مسافر في 24/4/2016 الوصول صباحا الساعه 6 بتوقيت فرانكفورت الوصول فرانكفورت طبعا ابي جدول هل فرانكفورت تستحق ان اجلس فيها يوم او اتجه لبادن بادن جدول بادن ( اللي عنده خبره ي ليت يفيدني و الله يجزاه خير) بعدها ودي انزل على النمسا بيسدروف او انسبورك و تكون محطة انطلاق او تنصحون اتنقل من مدينه الى مدينه في النمسا ؟ و بعدها ودي ازور بليد في سلوفينيا و بعدها العوده الى ميونخ و ازور قارميش طبعا اللي عنده اقتراح او جدول او ينصحني بتغير وجهتي او اماكن ازورها اكون له شاكر و مقدر و له دعوه بظهر الغيب و لكم جزيل الشكر و العرفان :e030: اخوكم بدر |
و عليكم السلام الله يحييك يا بدر بالطبع توصلون مرهقين و الافضل تقضون يوم في فرانكفورت النهم جميل و السنتر رائع فيه كافيهات و اسواق و مطاعم رايقة و منها تطلعون صباحا لبادن بادن من بادن بادن الى ميونخ و منها الى المدن النمساوية اللي تعجيك مثل سالزبورغ و انسبروك و منها الى بليد خيار بليد رائع جداً و راح يكون تقريرك عنها فريد من نوعه لأن قليل اللي زارها |
مشكور يبو غسان و اكيد بكتب تقرير ان شاء الله عن الرحله كامله |
مرحبا اخوي بدر ياهلا ومرحبا فيك والله مخططك ممتاز ونفس ماقالك بليد خيار ممتاز جدا جدا وتبعد عن انسبروك تقريبا 335 كيلو متر وبالنسبه لبيسندورف ماتروح لها في بدايه رحلتك اذا كنت رغبان بها تخليها في خط الرجعه وتقدر بدلها تروح كابرون او زيلامسي كلهم بنفس المنطقه بالنسبه لأقتراحي اشوف المخطط كالتالي : فرانكفورت ( ليله واحده ) بادن بادن ( 3 ليالي ) انسبروك او بيرتساو ( ليلتين ) بليد ( ليلتين ) وبعدها خط الرجعه زيلامسي ( 3 ليالي ) ميونخ ( ليلتين ) والعوده لأرض الوطن خارطه لمسار خطك http://www.arabtrvl.com/up/uploads/a...4019082471.png |
بليد خيار ممتاز جدا. .. بس إرهاق وصولك ع فرانكفورت والرجوع ميونيخ. .. نصيحه كنسلها سلوفينيا خليها بسفره اخره مع إيطاليا. .. عدد ايامك قليله لو في يومين زايده قلت لك ريح في وارثر سي. .. |
يعطيكم العافيه اخوي قطري911 و الجوكر انا قررت التالي بادن بادن ( 3 ليالي) اول يوم حول بادن اليوم الثاني زيارة بحيرة titisee و زيارة بحيرة mummelsee اليوم الثالث زيارة ستراسبورغ الفرنسيه. قارمش ليله لان الطريق لزيلامسي يمر منها و استغل مروري بها زيارة القمة و اسكن قريب من بحيرة ابيسي. اليوم الخامس زيلامسي و ما حولها لمدة اربع ليلي و بعدها الى بليد ليلتين و من بليد الى ميونخ 366 كم خط سريع دايركت واحد من اصحابي جربه يقول رائع و اجلس في ميونخ 3 ليالي اش رايكم تستاهل 3 ليالي او ليلتين فقط و ازود ليله في قارمش ؟ شوركم يهمني بالنسبه للي عنده خبره بآوروبا و كذا انا خليتها على شكل محطات يعني كل 250 كيلو يزيد او ينقص او ابدل قارمش ب انسبورك ليلتين و امر قارمش على طريقي و انا متجه الى انسبورك |
بناء على رغبتك. .. بادن بادن 3 قارمش 2 أو انسبروك زيلامسي 4 بليد 2 ميوينخ 2. . |
من فرانكفورت الي بادن 174 كيلو ( تقريبا ساعتين ) من بادن الي انسبروك 418 كيلو (أربع ساعات وربع ) من انسبروك الي زيلامسي 143 كيلو ساعتين من زيلامسي الي بليد ( تقريبا 3 ساعات ) من بليد الي ميونيخ ( تقريبا أربع ساعات ) ... عدد الكيلومترات اللي راح تقطعها بإذن الله 1326 كيلو. .. لهذا السبب أفضل دايم سلوفينيا مع النمسا أو إيطاليا في نفس الوقت بليد خيار ممتاز. .. اتمنى لك سفره سعيده وفي إنتظار تقريرك |
اخوي الجوكر شكلي بديت اقتنع بكلامك فريت مخي :25: شكلي بكنسل بليد و بخليها على سالزبورغ و بعدها ميونخ قاعد اشاور نفسي و اذا وصلت لحل اخير بوافيكم :26: |
أولا استخير ربك قبل كل شيء. .. وإذا رغباء في زيارة بليد لاتحرم نفسك منها. .. انا أعطي وجهت نظري فقط لاغير ممكن تتفق معي وممكن لا. .. ارجع واكرر لك رغبه لاتفوتها |
| الساعة الآن 02:22 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO