|
مشورتكم يا جماعة الخير ! " السلام عليكم ورحمة الله وبركآتـه الله يسعد مسائكم جميعاً ، أخواني وأخواتي رواد منتدى العرب المسافرون ، مالكم بالطويلة ، بمشيئة الله مسافر وعائلتي إلى أوروبـا ( شخصين بالغين وطفلة ) بتاريخ 9/7/2016 إلى 23/7/2016 وصول ومغـادرة / ميونخ ! نسقت خط السير كالتالي : عند الوصول الذهاب مباشرة إلى ( سالزبورغ ) ، 3 ليالي ومن ثم الذهاب إلى ( كابرون ) ، 3 ليالي ومن ثم الذهاب إلى ( إنترلاكن ) ، 4 ليالي ومن ثم الذهاب إلى ( غارميش ) ، 2 ليالي وأخيراً العودة إلى ( ميونخ ) ، 2 ليآلي وكنت قد حجزت سيارة من موقع Avis ، لمدة 14 يوم ! ولكن الذي طرأ ، آخر التحديثات بخصوص القيادة في النمسا ، وتأكدت شخصياً بالإتصال بسفارة المملكة في فيينا ، وأفادوني ( بأنه ممنوع منعاً باتاً القيادة في أراضي النمسا بالرخصة الدولية ) وأيضاً تواصلت مع بعض المكاتب في النمسا وبعض العرب هناك يخصوص إستئجار سيارة بالسائق ! وكانت الأسعار عالية جداً ومبالغ فيها ! ووجب علي إعادة تنسيق خط السير ! وحقيقة أكثر من أسبوع أو 10 أيام وأنا محتار !؟ أحتاج منكم فضلاً لا أمراً ، المساعدة بحسب خبرتكم !؟ ما العمل ؟ هل أقوم بتغيير خط السير وعدد الأيام !؟ أم أستخدم المواصلات العامة !؟ ( مع أن هذه النقطة بتشكل صعوبة لدي ) خاصة في النمسا !؟ بإنتظار مشورتكم وآرائكم ، وإعذروني ، ما أدري الموضوع بهذا القسم أو قسم مختلف ! طبتم أصدقائي ، :e030: |
ياهلا ومرحبا يا الغالي حياك الله بينا منور اي نعم حتى بالرخصه الدوليه السواقه ممنوعه ولذا الافضل تغيري خط السير لان السياره با الارياف لها نكتها الخاصه لكن اذا بخاطرك وبخاطرك الارياف النمساويه وماعندك مشكله في استخدام المواصلات العامه لان في باصات توصلك لمعظم الاماكن السياحيه داخل زيلامسي وكابرون وخارجها او تغير خط جدولك ويكون فقط المانيا وسويسرا الوصول ميونخ ومباشره الى فوسن في المانيا 2 ليالي وبعدها كونستانس المانيا ليلتين وبعدها انتر لاكن 5 ليالي وبعدها فرايبورغ 3 ليالي واخيرا ميونخ ليلتين قبل العوده اخترت فوسن لانها غريبه من قارمش وبحيره ايبسي وايضا على الحدود النمساويه لزياره انسبروك وسيفيلد وبيرتساو ان اردت المخطط http://up.arabseyes.com/uploads2013/...2005016831.png العاب |
بالنسبه لو بغيت تطلع من فوسن الى كونستانس الطريق المختصر راح يدخلك الحدود النمساويه لو تلاحظه من تحت البحيره صوب مدينه بريجنتس النمساويه لكن انا بعطيك احداثيتين عشان تتجنب الدخول للحدود النمساويه |
وعليكم السلام ويسعد مسائك يالامير وجهت نظري اخاف أضيف لك زيلامسي في جدولك وانا اخوك والله بدون سياره من الاخر ماتنفع أوروبا القطار وباصات وجلس انتظر انا وأهلي وطفلي هجوله نحن كاشعب مانحن متعودين على الأمور اللي مثل هذي .. زيلامسي وانترلاكن طبيعه وجمال متشابه ولا افضل دمجها في رحله واحده اقترح عليك الآتي واشاور الكثير والله يسر امرك يالغالي ميوينخ يومين استلام سياره التوجه مباشره الي فرايبورغ (الغابات السوداء ) او kirchzarten اربع ايام ( أزور كولمار وسترسبورغ وبحيره تيستي و triberg وهناك أنشطه تقدر تزورها كثير انترلاكن او السكن حول الارياف القريبة منها وارشح لك ايسلتوالد ٤ ايام بحيره walensee يومين السكن في quarten او Walenstadt قارمش يومين ( معني افضل فوسن بس عندك بحيرتين تكفي في الطبيعه والارياف الخلابه ) ميونيخ يومين ( وتسليم السياره اول يوم ) اثناء حجزك ف ميوينخ ابتعد عن محطات القطار اسكن في فندق قريب منه مترو استجار السياره من اقرب فرع للفندق وأي استفسار اخر ان شا الله الخبراء مايقصرون أمثال مقدام و القطري و ابو مهاب و عشقي للسفر و فارس و ابو غسان ولاقصور ف البقيه |
وعليكم السلام ورحمه الله وبركاتو يقول المثل اذا حضر الماء بطل التيمم الاخوان القطري و الجوكر ما قصرو وماراح ازيد كلمه الجدولين ممتازين الان حسب ميولك تختار |
الجداول ممتازة ماقصروا ابو سعد والجوكر وانا أميل لجدول أبو سعد أكثر عشان التدرج في السواقة والمسافات بس أضيف اقتراح صغير كونستانس 3 ليالي (اول ليلة بعد ما توصل من قارمش حديقة الورود والسنتر) ثاني يوم زيارة بيت هايدي ثالث يوم شلالات الراين وميونخ ليلة للمبيت قبل العودة |
ترى باصات زيلامسي تكفي و توفي |
اقتباس:
جداً إقتراحك لخط السير أقنعني .. مع أنه كان بخـاطري أرياف النمسا ، ولكن هذي الأريـاف ما تنفـع الآ بالسيارة ! أخوي qa6ar911 الله يحفـظك ، ممتن وشـاكر لك .. وجاري إعـادة ترتيب خط السير ، مشكور ياغالي ، :e304: |
اقتباس:
ولا عليـك أمر ياغالي ، تفيـدني بالإحداثيـات .. !! شكراُ لقلبـك ، :e022: |
اقتباس:
نعم أخوي الجوكر ، أوروبـا لازم لها سيـارة لتكون حُر نفسك ، وترتب جدولك على مزاجك ! ولكن ، النمسـاويين عندهم كلام ثـاني ، والله المستعـان ! ما قصرت ياغالي ، بديت أرتب خط السير من جديـد .. بمعـاونتك والأخ الفاضل - qatar911 ، وبدمج بقدر الأماكن بين اقتراحـاتكم ، شكراً ياغالي لأفـادتك ومشورتك ، ولا خلا ولا عـدم ، :e303: |
اقتباس:
مشكورة ، أختي والخير فيكم جميـع وما قصروا الأخوان ، الله يحفظهم! |
اقتباس:
أبو مهاب ، شاكر لك ياغالي ، صراحـة سجلت كل اقتراحـاتكم ، الأخ قطر911 ، والأخ الجوكر ، وأنت أخي العزيز ، مالنا غنى عن إقتراحاتكم وخبرتكم ، ما قصرت ، الله يحفظك :e303: |
اقتباس:
خاصه اذا بكون مرتبط ببرنامج محـدد ، وين أطلع ووين أروح ! إضـافة إلى ذلك ، عند المغادرة من كابرون إلى إنترلاكن ! بيكون الموضوع صعب !! لكن إن شاء الله الأمور محلولـه ! مشكورة أختي ، |
" للرفع ، لاهنتوا يا جماعة الخير ، بعد السماح بالرخصة السعودية ، أحتاج منكم ، خط سير مابين : ألمانيا / النمسا / سويسرا ، شاكر لكم ، :e304: |
4 ايام مابين زيلامسي+كابرون وسالزبورغ 5 ايام انترلاكن 2 يوم زيورخ او كونستانس ومنها تزور قرية هايدي وشلالات الراين بقية ايامك ميونخ ومنها تزور قارمش وفوسن كلها قريبه من بعض عند مغادرتك من زيورخ الى ميونخ حط القارمن ع كونستانس واذا كنت ساكن في كونستانس القارمن دايركت بيوديك للعبارة اركب العباره انت والسياره وكلها ربع ساعه وانت في الطرف الاخر من البحيره ويختصر عليك أقل شي مسافة ساعه من الطريق الى ميونخ ومبلغ ركوب العبارة لايتجاوز 30 الى 40 يورو والله نسيت كم بالضبط وطريقة ركوب العبارة سهل جدا بتشوف السيارات واقفه قدامك سرى وقف معاها والرسوم تدفعها وانت جالس في السيارة بالبطاقة الائتمانية والعامل هو من ينظم دخولكم للعبارة |
جدولك الاول خلك عليه مع بعض التغيرات .. التوجه مباشره لسالزبورج اليوم الاول للراحه وفي الطريق من ميوينخ الي سالزبورج زور بحيره الملك اليوم الثاني خصصوا لزيارة البحيرات كابرون ٤ ايام انترلاكن ٤ ايام فوسن يومين ميوينخ يومين |
طيب لو سمحتو كلكم تقولون كابرون بعدها انترلاكن المسافه بينهم ست ساعات مو كثير؟ ولا طرقهم مو متعبه بالسفر ؟ |
لان انتي عدد ايامك قليله ومصره على زيارة بعض الاماكن اللي المسافه بينهم بعيده مثلا انتي مصره على اليورب بارك والجدول اللي نرتبه بعدد الايام القليل والوصول والعوده من ميونخ وهي تعتبر بعيده عن ميونخ يخلينا نضطر نحط الجدول والمسافه بينهن 6 ساعات وحتى يلبي زغباتكم وبالنسبه للطريق ممتع من الطبيعه والخضره وهل متعب ممكن لكن نرتب الجدول حسب عدد الايام المطلوب وحسب مدينه الوصول والمغادره وحسب المناطق المرغوب بزيارتها مثلا لو كان الوصول ميونخ والمغادره جنيف يكون اسفل واريح او لو تزيدين عدد الايام 2او 3ايام ندخل مدينه متوسطه بين كابرون وانترلاكن بيكون اسهل واريح بالتوفيق أرسلت من GT-I9300 بإستخدام تاباتلك |
اقتباس:
أشكرك يا غالي ، مقترحك جداً ناسبني ، الله يعطيك العافيـه ، :e305: |
اقتباس:
بمشيئة الله ، الله يكتب لنا وللجميع اللي فيه الخيـر شآكر لك أخوي ، ما قصرت ، :e305: |
عفواً أخوي هل تم السماح بالقيادة في النمسا؟ متى آخر مرة سألت؟ تروح وترجع بالسلامة بإذن الله ومبارك عليك الشهر الفضيل |
اقتباس:
نعم أخوي ، تم السماح بالقيادة في النمسا ، وفيه مواضيع ب قسم النمسا ، بإمكانك الإطلاع عليها ، شاكر لك ، |
| الساعة الآن 12:18 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO