|
للخبراء ارائكم ببعض القرى الغير معروفه؟؟؟ السلام عليكم قريت وبحثت بالمنتدى ببعض القرى لكن أبغى ارائكم باد تولز قريبه من ميونخ وش ميزتها كونستانس او سانت غالدين بيوتساو وين موقعها؟ هايدلبرغ قريبه من فرانكفورت هل فيها شي مميز؟ شتونغارت وش اقرب مكان لها وش فيها غير معرض مرسيدس؟؟ كيتزنوهل فيها بحيرة الملوك وقريت انها أفضل بحيرة لكم أبغى اسمها بالإنجليزي وهل فعلا مميزه؟ كولون او دوسلدورف او tribery. ؟؟ لأَنِّي احتمال أزور هولندا او بلجيكا؟ مع العلم ان ذهاب ميونخ وعوده فرانكفورت 17 ليله الأماكن المراد زيارتها. ميونخ زيلامسي كونستانس او الغيها بما انها بحيره نفس زيلامسي او تختلف فرايبورغ كونها قريبه من أعلن المناطق او بادن بادن لكن ما اشوف ان فيها شي أبغى رايكم راح يكون بين هالمناطق. القرى الي فوق بحثت عنها راح أخذ المميز والمشابه لبعض ليت تستبعدونه هولندا او بلجيكا وش الأفضل برأيكم ادري الموضوع طويل وكثيره الاسئله لكن بعد ماقريت كل التقارير واغلب الاستفسارات. وشيكت على الخريطه علشان كذا أتوقع الخبراء الي عندهم خبره ورايحين اغلب هالاماكن راح يردون علي أبغى الأفضل والمميز الله يجزاكم الف خير وجعله الله في ميزان اعمالكم |
اذا كان بلجيكا و هولندا من ضمن المخطط انصح في اضافة كولون الاجمل بين المدن و الرياف المذكوره كيستبوهل البعض لايفضلها لان الكثير يضع زيلامسي او كابرون ويكتفي في زيارتها من زيلامسي والبعض الاخر لايعرفها نظرا لان الكل يتخذ فيينا / سالزبورغ / زيلامسي / قارمش / ميوينخ ... Tribery هل المقصود Triberg ؟؟؟ سانت غالين ريف جميل كونستانس بحيره والاجمل منهم في السكن لوسيرن فرايبورغ ام بريسغاو مرتفعه وسنترها كبير فيها متنفس افضل من بادن بادن بيرتساو بمعنى اخر بحيره اخن سي تستحق الزياره وليس الجلوس فيها صغيره جدا اغلبها تلفريك وياكثر التلفريك في النمسا لايوجد فيها سنتر يعني ممله لهذا السبب اشوف قارمش خيار مناسب للسكن وإذا هناك رغبه في الارياف علما ان الطبيعه متاشبه لحد كبير في اغلب البلدات والارياف هناك سيفيلد و شوانجاو جميله وتحتسق الجلوس فيها بعيد عن زحمة كابرون و زيلامسي يكتفي الواحد فيها ليلتين او ثلاث هايدلبرج والكثير منها نفس التشابه في السكن لهذا دايم التخطيط هو سلاح ناجح وليس شرط علينا مثلا ان لازم اسكن في الريف هذا والريف هذاك انصح دايم اثناء التخطيط يكون الجدول على الشكل الآتي مدينه / ريف يكون في سنتر متنفس لي أخذ فيه ليالي جميله وأقدر أتمشى على مزاجي فيه وليس على جدول بومي أتقيد فيه / ريف اخر يكون هادي أخذ فيه ليلتين كحد أقصى / مدينه للتسوق |
يعطيك العافيه رايحين ان شاء للعمره يومين وراح ارجع للموضع والترتيبات انتظر اراء جميع الخبراء ولكم دعوه في ظهر الغيب اسال الله لي ولكم ان يعتق رقابنا ووالدينا من النار واجعلنا ممن يقوم ليلة القدر واجعلنا اللهم من المقبولين واسال الله لكم التوفيق والرزق والمغفره والرحمه وصلى اللهم وسلم على سيدنا محمد... |
| الساعة الآن 01:54 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO