محتاجه نصايحكم في مخطط الى المانيا
 

السلام عليكم ورحمة الله وبركاته


عندنا نييه نسافر الى المانيا لمدة اسبوعين بس مو عارفه كيف اخلي مخططنا
ابيكم تساعدوني بإختيار مخطط مايكون فيه تنقلات كثييره لسببيين
اول شي لان عددنا شوي كبير ومعاي الوالد والوالده ومو حابه اتعبهم بكثرة التنقلات
وثاني سبب لان ماراح نستأجر سياره



في احد اقترحلي انه يكون كذا
ميونخ - قارمش - بريتساو - ميونخ


او ممكن كمان اضيف معاهم رست عشان يورب بارك


ايش رايكم تمام ولا في شي افضل ؟
اعطوني رايكم مع توزيع الايام كمان
حتى لو يتغير كامل المخطط ماعندي مشكله
بس ابي الرحله تكون مركزه على المانيا اكثر




وبما اني ماراح استأجر سياره وش افضل وسيلة تنقل اعتمد عليها القطار ولا وش ؟

رد: محتاجه نصايحكم في مخطط الى المانيا
 

عليكم السلام ورحمه الله وبركاته

ياهلا ومرحبا اختي نوره
الله يخلي لج الوالد والولده ويبارك فيهم ويحفظهم يارب

بالنسبه لطلبج
انا اشوف هالمخطط يناسبكم

ميونخ
وبعدها سالزبورغ ( ومنها زياره المثلث الذهبي البحيرات الثلاث )والعوده بنفس اليوم )
وبعدها كابرون
والعوده ميونخ ( من ميونخ زياره قارمش والعوده بنفس اليوم )


اذا معاكم اطفال وخاطركم في رست ( اوروبا بارك )

فيكون المخطط التالي :

الوصول الى زيوريخ والذهاب مباشره الى فرايبورغ
ومن فرايبوغ مقر السكن وتروحون اوروبا بارك وترجعون بنفس اليوم

ومن فرايبورغ الى ميونخ والراحه في ميونخ

وبعدها الى كابرون +زيلامسي

والعوده الى ميونخ والجلوس فيها قبل العوده للوطن

ملخص

المخطط الاول :


ميونخ - سالزبورغ - كابرون - ميونخ
المسافات
ميونخ الى سالزبورغ
سياره ساعه ونص 140 كيلو
قطار ساعه و 40 دقيقه دايركت

سالزبورغ الى كابرون
سياره ساعه وربع 98 كيلو
قطار ساعه ونص

كابرون الى ميونخ
سياره ساعتين ونص
قطار 3 ساعات ونص تبديل قطار واحد


المخطط الثاني :
الوصول فقط زيوريخ - فرايبورغ - ميونخ - كابرون - ميونخ
زيوريخ الى فرايبورغ
سياره ساعه و 45 دقيقه
قطار بين ساعه و 47 قيقه الى ساعتين دايركت

فرايبورغ الى ميونخ
سياره 4 ساعات وربع 350 كيلو
قطار 4 ساعات ونص تبديل قطار واحد

ميونخ كابرون تم ذكرها سابقا

ملاحظه من فرايبوغ الى رست ( اوروبا بارك ) بالسياره 20 دقيقه الى 25 دقيقه فقط


بالنسبه افضل وسيله لوضعكم تستأجرون سياره بسايق فقط يوصلكم
اما في الرحلات الي يوجد بها قطار دايركت تقدرون تروحون بالقطار
لان تغيير القطار متعب عليكم وخاصه اذا ماعندكم حد ياخذ الشنط من والى القطار
للعلم في محطات القطار وكذلك المطارات لايوجد حامل حقائب

وبالتوفيق

رد: محتاجه نصايحكم في مخطط الى المانيا
 

شكلي راح اعتمد المخطط هذا

ميونخ - سالزبورغ - كابرون - ميونخ


مشكور اخوي تعبتك معاي بس والله افدتني كثيير
الله يسعدك ويوفقك يارب

رد: محتاجه نصايحكم في مخطط الى المانيا
 

العفوووو اختي ويسعدج ان شاء الله

الححمدلله على الاستقرار للمخطط

بعدها نشوف الفنادق
بخاطركم فندق او شقق ؟

رد: محتاجه نصايحكم في مخطط الى المانيا
 

احس فندق افضل
بس اذا انك تشوف ان الشقق افضل ماعندي مشكله نغيير للافضل

رد: محتاجه نصايحكم في مخطط الى المانيا
 

الله يحيكي اخت نورة
والله يكسبك بر والدينك

مشرفنا اعطاكي الزبدة ما شاء الله عليه
السكن في رايي شقق افضل بحكم العدد ولراحة الوالدين يقدرون يتحركون بحرية اكثر ما ينحبسون في غرفة بس لاحظي الشقق اغلبها بدون مصعد وخدمة