|
تنظيم جدول سفر لمدة من 15 الى 20 الى المانيا السلام عليكم ورحمة الله وبركاته اسعد الله اوقاتكم بكل خير حبيت اشارككم موضوعي واستفسد من خبراتكم بالسفر بحكم اني شخص جديد فالسفر الى اوربا طبعا بعد سؤال عن افضل مكان اقضي فيه شهر العسل اتفقو الاغلبيه على المانيا بحكم طبيعتها واسعارها واليوم انا بستشيركم في الاماكن الي اروح لها يعني انا من النوع الي افضل اني استقر في مدينه او مدينتين ما احب اتنقل كثير ويا ليت تفيدوني بفنادق او منتجعات سياحيه حلوه ويكون مع الافطر للتوضيح انا لغتي الانجليزيه ضعيفه ابغى بالترتيب من المطار وكيف استاجر سياره الخ وكم التكلفه الاجماليه �� ان شاء الله موعد السفر في شهر اكتوبر الي هو شهر 10 هجري 1438 |
وعليكم السلام يا هلا و مرحبا بـ فيصل 1000 مبروك مقدماً كم المدة المتوقعة لرحلتكم وهل فيه ميزانية معينة في بالك |
اقتباس:
المده سلمك الله من من 15 الى 20 يوم حسب الاجواء والراحه النفسيه والميزانيه تقريبا 25000 ريال سعودي |
25 الف قليلة على اروربا زودها 10 الالف ل15 يوم وخلي رحلتك بين النمسا والمانيا اذا توصل الصباح ورحلتك مو ترانزيت طويل روح لسالزبورغ على طول 4 ليالي سالزبورغ 6 ليالي زيلامسي او كابرون 4 ليالي ميونخ واذا تبغى جنوب المانيا الغابات السوداء تخلي وصولك ومغادرتك فرانكفورت ليلة فرانكفورت 6 ليالي بادن بادن او رست 4 ليالي كونستاس 2 ليالي فرانكفورت - من بادن تزور مدينة الالعاب يورب بارك - تزور كولمار وسترابروغ الفرنسية - من كونستاس تزور شلالات الراين وممكن زيورخ السويسرية - ماليزيا في اكتوبر جميلة وموسم امطار اذا تبغى منتجعات وفلة بمسبح خاص ممكن تناسبك طبعا جوها فيه رطوبة نوعا ما |
اقتباس:
الله يعطيك العافيه اخوي بالنسبه لموضوع الميزانيه مو مشكله نخليه 35 وبعدين شرق اسيا رحت له و ودي باوربا نوع من التغيير لكن اخي الكريم ي ليت تزودني باسماء فنادق والاسعار والافضل بينهم والقريب من الاماكن الحلوه |
ايش قررت مخططك علشان اجيب لك فنادق تناسب مزانيتك انا اختك :49: |
اقتباس:
العذر والسموحه يا اختي انا عجل ومتحمس هههههه والله مادري بين الي انتي قلتي لكن اشوف واحس ان الجدول الاول افضل انا يهمني يكون الجدول بين الطبيعه والمدن والاسواق بالمختصر يعني ابشوف الزين بالمانيا |
حصل خير اخوي المخطط الاول جمعت لك بين المانيا والنمسا سالزبورغ وزيلامسي بالنمسا تبعد عن ميونخ تقريب من ساعة ونص الى ساعتين سالزبورغ مدينة وحولها بحيرات جميلة زيلامسي ريف ميونخ مدينة كبيرة متى تاريخ رحلتك |
اقتباس:
بهالتاريخ او بعده بكم يوم |
فندق ميونخ جنب محطة القطار ووسط المحطة مطاعم وسوبرماركت ومخابز يبعد عن 500 متر الكارلز بلاتز ظپظ†ط§ط¯ظ‚ ط¥ظ† ط¥طھط´ ظ…ظٹظˆظ†ظٹط® ط¯ظˆطھط´ط± ظƒط§ظٹط²ط± (ط£ظ„ظ…ط§ظ†ظٹط§ ظ…ظٹظˆظ†ظٹط®) - Booking.com بسالزبورغ فندق اقتصادي رائع فيه فرعين حطيت لك الفرع القريب من السنتر ظ…ظˆطھظٹظ„ ظˆط§ظ† ط³ط§ظ„ط²ط¨ظˆط±ط؛ - ظ…ظٹط±ط§ط¨ظٹظ„طŒ ظ…ط¹ طµظˆط± - Booking.com هذا الفندق بكابرون جنب زيلامسي 8 كيلو تقريبا ظپظ†ط§ط¯ظ‚ ظ„ظٹط¯ط±ط±ط³ ظ„ظٹظپظٹظ†ط؛, ظƒط§ط¨ط±ظˆظ†طŒ ظ…ط¹ طµظˆط± - Booking.com - اكتوبر من الشهور الباردة يعني خذو احتياطكم - ممكن يصادق يوم ينزل عليكم ثلج - 6 ليالي في زيلامسي كثيرة اذا ماتحب الطبيعة والهدوء - اذا حاب تضيف فينا جميلة بشهر اكتوبر - اذا ماعجبتك الفنادق اجيب لك خيارات ثانية |
اقتباس:
ما شاء الله تبارك الله عليك اختياراتك موفقه وجميله وبالنسبه لفينا اشوف عادي نضيفها للجدول لكن وش طريقه التنقل بين هالمدن سياره ولا قطار ادري اني طولة الموضوع عليك بس ما ودي اتفشل مع المدام :49: ودي لامني رحت الاي اعرف كل شي واتفلسف بعد |
المخطط الجديد الوصول فينا والمغادرة ميونخ 3 ليالي فينا 3 ليالي سالزبورغ 4 ليالي زيلامسي او كابرون 4 ليالي ميونخ طبعا التنقل بالسيارة افضل اذا حاب تجرب القطار خذ قطار من فينا الى سالزبورغ فيه جنب سالزبورغ قرية المانية تستاجر منها السيارة وترجعها بميونخ ويسير ما ياخذو عليك رسوم التسليم بدولة ثانية لكن افضلك تاخذ سيارة مدام لغة عندك ضعيف علشان ماتحوس بمحطات القطار هذا تقرير تابعه يعطيك فكرة عن بعض المدن https://www.arabtrvl.com/vb/t9891.html ان شاء الله ما تتفشل بس يبغالك تقراء التقارير علشان يكون عندك فكرة طبعا فينا ماينفع فيها سيارة ولا ميونخ زحمة ومواقف بفلوس ممكن تستخدم التطبيقات زي اوبرا او المتروو بس عارف وين تروح او بالباصات طبعا راح يفيدونك الخبراء بطريقة استعمال المترو |
الله يجزاك خير على الجدول اختصرتي علي 80% من الرحله وعلى قولتك بقراء تقارير عشان اكون مطلع وبحاول ارتب المواصلات الله يرفع قدرك ويكتب لك الاجر لكن الجدول هذا بين كل هالمدن والفنادق والتذاكر تقريبا كم بيكلف مع التسوق وكيف الاسعار بالاسواق هناك |
ما اقدر احدد لك ممكن توافق عروض ويطلع عليك ارخص خذ لك اسبوع اقراء التقارير ورتب امورك بعدين ابدا قارن التذاكر شوف مثلا العمانية جميلة ومجربة شوف كمان الامارتية والقطرية واللي يعجبك سعرها والترانزيت فيه مو طويل احجز السكن زي كذا احيان بوكينق يسوي عروض ممكن تستغلها اما التسوق يبغاله ميزانية ثانية لان اوروبا غالية ممكن تكتفي باشياء بسيطة للذكرى ميداليات او اكواب ماتكلف بس ان شاء الله 35 الف تكفيك من غير تسوق طبعا مشكور على الدعوة |
ومنكم نستفيد :62: |
| الساعة الآن 05:57 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO